VOV4.K’ho - Tàm càr Daklak, dơ\ mìu nhàc dà ko\ dà cò pa do neh  gơbàn dà ngơr bam geh lơh git nđờ rbô nơm hìu mờ  geh pơgap di 10 rbô tơrlung dà ngui sa geh gơbàn bơ\. Tàm ala\ ngai do, gah lơh sơnơm neh bal mờ mpồl lơh broa\ geh gơnoar mờ làng bol càr Daklak neh nhap nhar lơh ngan lơh kloh tiah kis,  mut lơh ala\ broa\ lơh rcang sơndra\ kòp gơbàn tơnơ\ dà soat.

          Kềng gah sô bàk dà gam bô bơ\ bơh sơkal pa geh bồm bơh  dà tơrlung, mò Tống Thị Nhất kis tàm [òn 7, ntum Cư\ Yang, kơnhòal Ea Kar, đơs bòl glar: Tơrlung dà jrô 7 thơt, geh crap bong dà ngòt tơrlah. Dơ\ dà cò poh lài, dà bơ\ gơmut tàm tơrlung, hìu nha\ neh lơh tơl jơh ala\ broa\ mờ dà gam ờ gơtùi sang sơl, mờ dà gam bô  bơ\ ngan:“Bơh rlau 3 ngai dà tih, dà bơ\ aniai, den hìu nha\ neh ơpah 2 nơm ma\y bồm, mờ 3 na\ klau pơnu bồm soat mờ tuah jơh bo\ tàm tơrlung, mơya  dà gam sơkal mờ bô bơ\ ngan, ờ gơtùi ngui sa. Bơh ngai òr tus tu\ do, gơ kung ờ gam bô ir, mơya tu\ tơn duh dà den gơ geh gơ mù sơkal dùl tap tàm tơr è kơ am. Lời gơmù mơya kung gam ờ gơtùi ngui sơl, mờ pal lòt yòng dà bơh ala\ hìu nha\ sơntèk dơng dà hơđang jơnhua, ơnòng rê ơn tàm glah dờng ne nàng ngui sa, dà do den mìng lời um rào jơng tê lơm. Bòl glar ngan do, mơya tài ờ geh dà lơi ndai den tàng pal ngui, ờ git lơh mbè lơi tai tu\ do”.

Rùp: Cau lơh sơnơm ntum Cư\ Yang geh pơlam mò Tống Thị Nhất ngui sơnơm cloramin B nàng lơh sàng dà.

            Mơ tơnơ\ hơ\,  hìu nha\ mò Tống Thị Nhất mờ làng bol kis tàm [òn 7 neh geh ala\ cau lơh sơnơm bơh hìu sơnơm ntum Cư\ Yang ai sơnơm cloramin B mờ geh pơlam nền nòn tàm broa\ bơsong khà dà tàm dà ngui sa. Tàm dơ\ mìu dờng, dà lơh pa do tàm ntum Cư\ Yang geh 8 [òn mờ rlau 1 rbô hìu nha\ gơbàn gơbam tàm dà. {òn 15, [òn ngài ngan bơh ntum, mờ 65 hìu nha\ la làng bol kòn cau Nùng kis tàm ù tiah rềp mờ nhàr lơgar M’drak, gơbàn dà tih kơryan. Mo tơn dà gơ hòai soat, cau kuang lơh sơnơm neh bal mờ làng bol neh mut lơh mo kloh tiah kis nàng rcang sơndra\ kòp pluh. Ồng Nông Văn Sơn atbồ [òn 15, ntum Cư\ Yang ai git:“{òn 15 la tơnơ\ dơ\ mìu  dờng tih dà, dà cò la geh bơyai lơh ai làng bol geh lơh kloh tiah kis trơ gùm khòm sìô sia\ gùt dar hìu, kung geh mut lơh  gơsơt sơmac, kih dà nàng pleh gơlik geh kòp mprơm gơlik mhàm. Dơ\ 2 tai, la gùng lòt den gơ bo\ bil bơ\ bơl ngan lòt ờ gơtùi, den pal trơ gùm làng bol geh lòt lơh niam wơl. Tu\ do ala\ sau lòt bơsram gam bòl glar kal ke ngan, mơya pal kơp geh trồ tơngai dùl, 2 ngai nàng ù ra` hơ\ sồng pơnjat tai geh lơh niam  wơl gùng”.

            Tàm kơnhòal Ea Kar pa do geh 10 tàm 16 ntum, [òn drà gơbàn aniai hòac hươr tài bơh mìu nhàc dà ko\ dà cò. Tàm hơ\ kơnjơ\ ngan la 3 ntum Cư\ Yang, Cư\ Bông, mờ Ea ô geh tus 5 rbô hìu nha\ gơbàn dà aniai mờ 1 na\ cau neh chơt. Gah lơh sơnơm neh ai 250 kg sơnơm cloramin B mhar mut lơh lơh kloh dà ngui sa làng bol in. Bè broa\ rcang sơndra\ kòp pluh,  sền gàr pràn kơldang sa\ ja` làng bol tơnơ\ dà soat, bác  sỹ Gia Luy lơh broa\ tàm hìu sơnơm kơnhòal Ea Kar, ai git:“Hìu sơnơm kơnhòal neh sồr ala\ hìu sơnơm ntum geh bro mang bè ngai, geh broa\ lơh sền gàr tam dra\ mờ bơta gơbàn kòp pluh tơnơ\ dà soat. Tàm ala\ [òn gơbàn gơ ngơr bam tàm dà den geh pơlam làng bol ngui sơnơm cloramin B lơh kloh dà ngui sa gàr pràn sa\ ja`. Dơ\ 2 tai la geh broa\ lơh rcang lài ala\ bơta kòp mờng gơbàn tơnơ\ dà lơh aniai, bè kòp jê mat pơrhê, kòp jê ndul,  kòp mprơm gơlik mhàm, kòp gơlik toh pơrhê… mờ kung geh yal jơnau yal tơnggit ua\ ngan bơh anih pờ tơlik jơnau đơs tàm [òn lơgar, kờ` làng bol git wa\ bè ala\ bơta  kòp gơbàn, kờ` tus hìu sơnơm sơm kòp di pal”.

            Bác sĩ Phạm Văn Lào gơnoar atbồ Hìu sơnơm rcang kòp lài càr Daklak ai git,  dơ\ mìu nhàc  dà ko\ dà cò pa do neh lơh gơ ngơr bam tàm dà di 10 rbô  tơrlung dà ngui sa làng bol dê. Bal mờ broa\ rcang tơl ala\ bơta phan bơna lơh sơnơm,  geh pơlam làng bol lơh kloh tiah kis, càr neh ai 600 kg sơnơm cloramin B tus ala\ hìu sơnơm  ntum geh dong làng bol lơh kloh khà dà. Tu\ do  tàm càr ờ hềt gơlik geh kòp pluh tơnơ\ dà ko\ dà cò. Bulah bè hơ\,  ờ go\ di ờ sền, gah lơh sơnơm mờ ala\ mpồl lơh broa\ [òn lơgar bal mờ làng bol gam nhap nhar mut lơh ala\ broa\ lơh  geh  rcang làu  sơndra\ mờ kòp pluh.

                                                Cau cih mờ yal tơnggit K’ Brọp