VOV4.K’ho – HĐND càr Dak Lak pa ring bal Nghị quyết cih bè chính sách pơn jờng bơtàu tơnguh lơh broă bal, tam klac bal tàm broă lơh gơlik mờ tac phan lơh gơs bơh suơn sre tàm càr mờ khà dong kờl uă ngan rlau jơh gơguh tus 10 tơmàn priă nàng bơcri blơi phan bơna, ma\i mok rơndap broă tam klac bal lơh gơlik mờ tac phan lơh gơs bơh suơn sre. Jat Nghị quyết do, đơng lam tam klac bal geh kes priă dà lơgar dong kờl 100% priă pơlam tam klac bal (mìng ngui gơ wèt mờ broă bơt bơtàu tam klac bal jat ròt bơta kuơ lơh geh pa), uă ngan rlau jơh là 300 tơlak. Gơ wèt mờ rơndap broă tam klac bal geh kes priă dà lơgar dong kờl 30% priă bơcri blơi phan bơna, ma\i mok, khà dong kờl ờ rlau 10 tơmàn priă tàm 1 rơndap broă tam klac bal. Bal mờ bơnah dong kờl priă bơcri lơh ală broă lơh phan bơna nàng drơng broă tam klac bal in, ală gah tus bal tam klac bal gam geh dong kờl nàng bơt bơtàu broă lơh pơlam lơh sa công nghiệp, bơto broă lơh, bơto pơlam bơta chài lơh sa…

Cau mblàng K’Duẩn