VOV4.K’ho - Nàng kờ` lơh gơlik bơta [uơn ai ală mpồl lơh sa kă bro sơn đờm mut lơh broă in tam gơl pa, bơceh pa, càr Dak Lak gam geh ua\ broă lơh dong kờl, dong ală mpồl lơh sa kă bro geh mut tàm drà kă bro, lơh bal kă bro mờng chài mờ [uơn rlau.

Tơnơ\ dơ\ pơr lòng rơndap broă lơh sơn đờm mut lơh broă bơceh pa ơruh pơnu [òn lơgar nam 2019 bơh Đoàn dà lơgar bơyai lơh, mat kă bro EPIS gam hời rơ hời ai go\ bơngă tàm drà kă bro. 

                                       Bi Lê Thị Thư mờ anih ràng phan yal tơnggit phan bơna bơh mat kă bro EPIS dê

Bi  Lê Thị Thư, Kuang atbồ kong ty TNHH kă bro EPIS tàm xã Ea Pil, kơnhòal Ea H’leo, càr Dak Lak pà git, bơh broă tac dềt, rah rài tàm online, tus tu\ do, ală phan tinh bột rơmit, son dưỡng, mặt nạ mờ sơ [ong geh lơh bơh kơnuh rơmit bơh EPIS dê neh geh khà cih mat dan blơi kờp bal geh 500 bơta phan pah nhai.

Mờ bơta dong kờl 300 tơlak đông bơh kes pria\ sơn đờm mut lơh broă bơceh pa càr Dak Lak dê, bi gam kờp du\ rê ơnàng broă lơh sa tus 2 rbô bơta phan pah nhai: “Tàm tu\ lơh broă den a` kung geh dong kờl bè adat boh lam, lơh bè lơi nàng tơl khà nàng broă dờp pria\ bơcri dùl bă niam ngan rlau jơh mờ dipal ngan rlau jơh. Bơdìh mờ hơ\ den đah kes pria\ kung dong kờl a` in bè gùng dà broă lơh mpồl lơh sa kă bro mờ yal tơnggit nàng bơsir tai sră nggal bè jơnau yal kong ti dê. Gơ wèt mờ pria\ geh dong kờl den a` geh rề ơnàng tai broă lơh sa, rơndap tap sèng kong ti bè broă atbồ, cau lơh broă nàng gơ in dipal mờ geh ală showroom, hìu tac phan nàng ràng phan mờ tac phan tàm ală [òn dờng dờng bè Hà Nội, Sài Gòn, Đà Nẵng, là 3 drà kă bro mờ tu\ do phan bơna a` dê tac yòm ngan rlau jơh”.

EPIS  là dùl tàm 2 rơndap broă lơh sơn đờm mut lơh broă bơh ơruh pơnu dê dờp geh pria\ bơcri bơh kes pria\ bơcri sơn đờm mut lơh broă bơceh pa càr Dak Lak sồ 1 – pa tơlik mat tàm bồ nhai 3. 

                                              Dak Lak lam lơh ua\ broă lơh nàng dong kờl sơn đờm mut lơh broă

Ồng Nguyễn Việt Đức, Kuang atbồ dờng kong ty cổ phần atbồ bơcri pria\ sơn đờm mut lơh broă bơceh pa  Việt Nam (ICM) pà git, broă càr Dak Lak crơng gơs kes pria\ bơcri pria\ sơn đờm mut lơh broă bơceh pa sồ 1 geh dong tă pria\ bơcri ai broă lơh do in:

“Lài ngan là hòi jà ală bơta dong kờl, tàm hơ\ geh ală bơta dong kờl bơh ală anih lơh broă, mpồl lơh broă bè  Sở Kế hoạch - Đầu tư, Sở Khoa học - Công nghệ nàng dong kờl ală rơndap broă lơh in tàm broă tơ nơ\ tu\ geh dờp pria\ den ală bơ yô gơtùi dờp tai ală bơta lơi. Dơ\ 2 là hòi jà ală cau bơcri pria\ bơdìh càr Dak Lak tus ndo, tàm hơ\ geh ală cau bơcri pria\ gơ rềng tus ală broă lơh bè công nghệ nàng lòt bal mờ Ủy ban nhân dân càr tàm broă bơt bơtàu tơnguh tờm bơceh pa Tây Nguyên mờ ai pria\ bơcri blơi công nghệ mờ crơng gơs kes pria\ công nghệ. Broă lơh dơ\ 3 mờ bol hi gam lơh là wèt tus broă tam gơl pa, bơceh pa gơ jat bal mờ kơ lôi sơ nơng khoa học tàm ală hìu bơsram”. 

Bal mờ crơng gơs kes pria\ bơcri sơn đờm mut lơh broă bơceh pa, bơh nam 2018, Dak Lak neh ngui anih lơh broă bal bè sơn đờm mut lơh broă; sơlơ hòi jà bơcri pria\ kă bro, lơh bal ală phan bơna sơn đờm mut lơh broă mờ cau bơcri pria\ mờ cau ngui sa tàm càr mờ bơdìh càr. Bơta tờm là dơ\ pơr lòng sơn đờm mut lơh broă tàm càr.

Ồng Nguyễn Tuấn Hà, Phó Chủ tịch thường trực UBND càr Dak Lak pà git, tàm tơngai tus, bal mờ broă tam gơl niam broă bơcri pria\, kă bro, càr pơn jat tai lam lơh ua\ broă lơh dong kờl mpồl lơh sa kă bro sơn đờm mut lơh broă: “Tơngai mờr tus bơh nam 2020 tus nam 2025 lam lơh ai bơta bơtàu tơnguh bơh ală mpồl lơh sa kă bro dê in, lơh gơlik dùl bơta pràn kuơmàng ai bơta bơtàu tơnguh lơh sa mpồl bơtìan bơh càr dê. Ală broă lơh geh ai tơlik den dùl là, geh ală broă lơh [uơn [ùai tu\ lam lơh jat ală gùng dà bơh Chính phủ dê. Dơ\ 2 là lơh gơlik ua\ bơta pràn pa nàng dong kờl ai sơn đờm mut lơh broă tam gơl pa, bơceh pa in bal mờ bơta bơtàu tơnguh bơh mpồl lơh sa kă bro càr dê. Lơh ngan hòi jà bơcri pria\ tàm ală gah, ală broă lơh geh bơta [uơn, bơta pràn bè nhơl chờ, năng lượng, lơh sa suơn sre geh là dùl bơta pràn kuơmàng ngan lơh gơ rề ua\ ai bơta bơtàu tơnguh lơh sa, niam chài bơh càr Dak Lak dê in”.  

Cau mblàng K’Duẩn