VOV4.K’ho- Càr Dăk Lăk tu\ do geh rlau 3 rbô nă cau gơtìp sơnơm khih dioxin lơh aniai mơya mìng geh 1.610 nă cau gơtìp sơnơm khih dioxin lơh aniai gam geh dờp bơta dong kờl, nàng dong kờl ală cau gơtìp aniai do in kung bè hìu bơnhă khi dê geh dùl dơ\ sa tềp ram mhu\, Mpồl cau gơtìp sơnơm khih dioxin lơh aniai càr Dăk Lăk dê ngui jơh ală priă jền bơh mpồl dê, mơkung hòi jà ală anih lơh broă, ală ban, ngành, ală mpồl lơh sa kă bro mờ ală cau geh nùs nhơm niam tàm sơm băt tê bal dong kờl.

Uă bơnah phan pà geh kuơ neh geh jàu pà cau gơtìp sơnơm khih dioxin lơh aniai tàm Dăk Lăk in di dơ\ sa tềp bơhiàn Canh Tý

Dơ\ sa tềp bơhiàn Canh Tý nam 2020 do, Mpồl neh pà 1.660 bơnah phan mờ kờp jơh priă là rlau 560 tơlak đong ai ală cau gơtìp sơnơm khih dioxin lơh aniai tàm càr in. Ală phan pà sa tềp geh jàu te\ ngan là ală jơnau pơyua kờ` gơboh kòn bơnus, bơta nđàc, tam pà bal bơh Mpồl cau gơtìp sơnơm khih dioxin lơh aniai càr dê, bal mờ ală anih lơh broă, mpồl lơh sa kă bro, cau geh nùs nhơm niam dê kờ` pơyua tus mờ ală cau gơtìp sơnơm khih dioxin lơh aniai in, kơ\p kờ` ală hìu bơnhă geh wa\ rò sơnam pa sa tềp wil tơl bềng bơta kờ` gơboh bơh mpồl bơtiàn dê.

Cau mblàng Lơ Mu K’Yến