VOV4.K’ho- Phó Chủ tịch Ủy ban Nhân dân càr Dak Lak mò H’Yim Kđoh pa kĭ Kơrnuat bè broă tam pà phe dong kờl jơgloh dong làng bol tàm tơngai puh pah bồ nam 2021. Jat hơ̆, gùt càr geh tam pà rlau 854 tấn phe bơh Chính phủ tă bơh bơnah phe rơcang gàr lài dà lơgar dong jơgloh ai làng bol in tàm dơ̆ do. 13 tiah geh dờp phe dong kờl geh ală kơnhoàl: Buôn Đôn, Cư Mgar, Ea Kar, Ea Súp, Ea Hleo, Krông Ana, Krông Bông, Krông Buk, Krông Năng, Krông Pắch, M’Drak, Lắk mờ thị xã Buôn Hồ.

Ủy ban Nhân dân càr jàu Sở Lao động- Thương binh mờ Xã hội đơng lam, pơgồp bal mờ Cục rơcang gàr lài dà lơgar tiah đah jum Tây Nguyên, ală sở, gah broă lơh geh gơ rềng bơyai lơh jàu phe ai ală tiah in, lam lơh phàt phe gàr di tŭ, di jơnau sồr. Broă bơyai lơh jàu dờp mờ phàt pal sền gròi tus broă gàr niam broă rơcang sơndră kòp Covid-19.

Cau mblàng K’Duẩn