VOV4.K’ho- Lơh jat jơnau đơng lam bơh Tập đoàn ồs đèng Việt Nam dê bè broă tơrmù khà priă ngui đèng ai ală mpồl cau, cau dùl nă să gơtìp gơ rềng tài bơh kòp Covid-19, Kong ti ồs đèng Dak Lak gam cih mat ală anih ơm wơl drơng gah nhơl chờ, ală anih tam cah is tơrgùm bal, anih kham sơm kòp ai cau pin bơtờp, neh bơtờp kòp in nàng dong kờl jat jơnau sồr. Tơngai dong kờl tơrmù khà priă mờ priă ngui đèng ai ală cau ngui đèng geh kờp bơh sră yal priă ngui đèng nhai 6 tus sră yal priă ngui đèng nhai 12 nam 2021.

Yal cau ngui đèng in geh tơrmù priă đèng

Jat jơnau kờp dŭ bơh Kong ti ồs đèng Dak Lak dê, kờp jơh khà priă kờp dŭ tơrmù là rlau 5 tơmàn đông. Ală anih ơm wơl drơng gah nhơl chờ geh tơrmù bơh khà ồs đèng kă bro tus khà đèng lơh sa. Ờ kờp priă ngui đèng ai ală anih gam lơh anih tam cah is, kham sơm kòp tơrgùm bal cau pin bơtờp, neh bơtờp kòp Covid-19; tơrmù 20% priă đèng ai ală anih lơh sơnơm gam geh ngui nàng kham, xét nghiệm, sơm cau pin bơtờp, neh bơtờp kòp Covid-19.

Cau mblàng K’Duẩn