VOV4.K’ho - Tơngai rềp do,  git nđờ rhiang na\ cau tàm Dak Lak sùm gơbàn so kap mờ khà cau chơt tài bơh kòp sơnrang la ua\ ngan. Ồng Thủy Lệ Vũ- Quyền Chi cục trưởng, chi cục ròng phan mờ lơh sơnơm phan ròng càr Dak Lak geh yal nền nòn bè jơnau do:

            -Ơ ồng, tàm tơngai rềp do,  git nđờ rhiang na\ cau tàm Dak Lak  gơbàn so kap mờ khà cau chơt tài  kòp sơnrang so kap kung ua\ ngan sơl. Dan ồng ai git bơta mùl màl?

            Ồng Thủy Lệ Vũ:  Jơnau gơbàn kòp  so sơnrang kap gơbàn kal ke ngan. Mìng is tàm càr Dak Lak den cau gơbàn so kap mờr 600 na\ cau mờ khà cau chơt den jơnhua ngan. Tàm nam 2017,  mờ nđờ nhai bồ nam 2018 den neh geh 7 na\ cau chơt.

            -Jat ồng den bơh tài gơbàn bơta yal lài ngan ngồn do la broa\ lơi?

            Ồng Thủy Lệ Vũ:  Tềng bơta gơbàn bơh trồ tiah kal ke tơngai duh ngan bulah mìng rơp lồi nhai 3, trồ tiah den ra` kơnro, kòp sơnrang kung gơ bàn gơlik geh. So bươn ngan gơbàn mờ kap cau. Tềng bơta cau gơbàn so kap ua\, mờr 600 na\ cau, khà cau chơt la 7 na\, do kung la bơta ờ sền ngan bơh làng bol. Khà bơta cit sơnơm rcang lài tàm so, mèo pơndrờm mờ iar, ơda mờ ala\ phan ròng ndai kung lơyah. Tu\ do,  tàm Dak Lak, khà do mìng 20% pơndrờm mờ kờp jơh phan ròng, mờ jat geh cih la pal 60% ua\ rlau.

            -Tềng đap mờ gơbàn do, gah lơh broa\ geh gơnoar tàm càr neh mut lơh ala\ broa\ lơh kờ` kơryan kòp sơnrang, ơ ồng?

            Ồng Thủy Lệ Vũ: Tềng đap mờ bơta hơ\ den gah ròng phan, lơh sơnơm phan ròng càr Dak Lak neh dong broa\ tus UBND càr tơlik lơh chỉ thị sồ 12 mờ công văn jàu kơnòl tus UBND ala\ kơnhòal pal kong broa\ lơh do. Dilah kơnhòal lơi lời cau chơt bơh so kap mờ khà cit lài sơnơm ờ  lơh di bơta sồr lơh den pal kong kơnòl tềng đap UBND càr. Dơ\ 2, jàu tus UBND xã trơ gùm kờp mpồl so tàm xã he. Bơh hơ\ geh git ngan sồ so, dan cih mat mờ gah ròng phan lơh sơnơm phan ròng nàng blơi sơnơm vaccine cit rcang lài kòp, nàng gàr niam khà cit sơnơm rcang lài mờ dà lơgar neh geh kơrnoat. Nàng lơh niam broa\ do,  bol a`  lơh pràn broa\ mblàng pơlam, bơyai lơh mblàng pơlam mờ rơndeh lưu động geh lơwa pờ yal tơnggit  jơh tàm 15 kơnhòal, thị xã, [òn dờng tàm càr. Bol a` geh tam pà sơnơm vaccine kòp so sơnrang, cit vaccine tàm tơl kơnhòal. Tu\ do neh  geh mut lơh  geh di 10 ngai.

            -Ồng geh jơnau đơs lài lơi tềng bơta kòp sơnrang gam gơguh ua\ tàm  càr ?

            Ồng Thủy Lệ Vũ: Gah ròng phan, lơh sơnơm phan ròng geh đơs lài mờ làng bol ròng so, niam ngan rlau jơh la pal cit sơnơm rcang sơndra\ kòp jat geh cih. Dơ\ 2,  la ba` lời lềng so lik tàm gùng. Dilah lời lềng so tềng bơr pal geh phan glòm  bơr so, geh ce sreng kơt tềng ngko mờ geh cau tề, pal ky\ pơrgon, mut lơh cit sơnơm jat geh cih. Tu\  gơbàn so kap den pal tus mờ  tềng hìu sơnơm rềp ngan, nàng geh dong pơlam mờ pơlam sơm kòp, ba` sền ờ sơp mờ geh bơta gơbàn  lơh pơlai ngan. Bol a` kung kơp kờ` la,  bơdĩh mờ gah ròng phan lơh sơnơm phan ròng geh lơh bal mờ ala\ anih lơh broa\ jơh bal mờ ròt  gơnoar atbồ, ngan la kơnhòal mờ xã pal sền gròi, pal lơh ngan  tus bal den  làng bol hơ\ sồng lơh jat  niam ala\ geh cih bè ròng so, ròng mèo, den  tu\ hơ\ khà cit sơnơm rcang sơndra\ kòp so, mào in hơ\ sồng geh  tơngguh, mờ broa\ kơryan mờ wèt tus sang jơh kòp so sơnrang hơ\ sồng gơtùi lơh.

            -Ơi,  ưn ngài ồng ua\ ngan!

                        Cau cih Quốc Học, cau mblàng K’ Brọp