Tơngai lài, tàm càr Dak Nông neh gơlik geh ua\ mpồl lơh sa ka\ bro lơh blac pơr lồm ta\ dia mờ khà pria\ ua\ ngan, lơh gơbàn hoàc hươr tus git nđờ rhiang tơmàn pria\. Nàng lơh gơs kờp du\ ta\ dia pria\ jền dà lơgar rlau 1.300 tơmàn pria\ tàm nam do, càr Dak Nông neh tơngguh ala\ broa\ lơh bè lùp sền, tus sền ta\ dia mờ geh lơh bal mờ broa\ lơh sơndra\ bơta lơh blơ\ blac ta\ dia, geh bơta ta\ dia tus pria\ jền dà lơgar. Gơnoar at bồ, gah lơh broa\ geh gơnoar neh bal mờ làng bol, mpồl lơh sa ka\ bro sơndra\ gơbàn hoàc hươr ta\ dia.

Tàm 6 nhai bồ nam do, gah dia càr Dak Nông neh sền go\ geh tus 8 mpồl lơh sa kă bro tàm càr lơh sră tăc phan pơrlồm mờ ờ tơm priă dia, mờ khà priă rlau 32 tơmàn. Lơh geh cồng nha do, bal mờ bơta lơh ngan bơh gah lơh broă geh gơnoar dê, geh bơta lơh bal jơh nùs ngan bơh ală mpồl lơh sa kă bro song niam, tài do kung là broă nàng ală mpồl lơh sa kă bro do sền gàr is să tờm he dê tàm dơ\ tàm pơr lòng ờ tơl bơta song niam. Mò Nguyễn Thị Hằng Thu kuang atbồ Mpồl lơh sa kă bro is dùl nă să kơphê Thu Lợi, dùl mpồl lơh sa kă bro kơphê dờng mờ lam bồ lài bè mu\t lơh kơ nòl broă tă tơm priă dia tàm kơnhoàl Dak Mil, càr Dak Nông đơs là: Nàng ală mpồl lơh sa kă bro blăc pơr lồm lơh broă sa kơnau priă dia là tài ală bơta ờ hềt pràn jak tàm broă lơh atbồ, ngan là priă dia khà priă gơguh tai. Mò Nguyễn Thị Hằng Thu, geh jơnau dan bè do:“ Priă dia đah mpồl lơh sa kă bro a` dê cih yal mờ tă tơm is, den tàng bè hơ\, bol an\ dilah lơh sa geh priă cồng den tă tơm tơn priă dia, mờ go\ cau lơi sồr pal tă tơm nđờ ờ. Tu\ do, gơtùi sơr bì priă dia khà priă gơguh tai den tiah tàm pơr lòng song niam rlau. Tiah drà kă bro blơ\ blăc cih sră tơm priă dia khà priă gơguh tai ndrờm bè jơh ală mpồl lơh sa kă bro phan lơh geh bơh sươn sre mờ lơh sa hoàc hươr den kờn mu\t lơh kung ờ gi\t bè lơi sơl”.

Ồng Vũ Văn Thiện kuang jăt jơng atbồ gah dia càr Dak Nông pà gi\t, tàm tu\ ờ hềt geh ală tam gơl dipal bè broă lơh bè priă dia khà priă gơguh tai den, nàng kơryan ờ tă geh priă dia, gah dia mờ ală anih lơh broă geh gơnoar neh sơlơ pơ gồp bal nàng lơh kràn rlau tai broă atbồ dia. Bal mờ hơ\, Dak Nông neh lơh pràn broă lơh mblàng yal, jòi gùng tă bơsong kal ke ai mpồl lơh sa kă bro mờ ală hìu lơh sa kă bro is in, lơh geh tơl ală bơta niam ai ală cau lơh tơl niam kơ nòl broă tă tơm priă dia dà lơgar dê. Ồng Vũ Văn Thiện kuang jăt jơng atbồ Gah dia càr Dak Nông, đơs:“ Bol a` neh dan mờ anih duh broă làng bol càr geh kơrnuat sồr bè kơr yăn hoàc hươr kes priă tàm càr mờ tàm hơ\ cih loh làng ngan kơ nòl bơh anih lơh broă dia dê, ală anih lơh broă geh gơnoar bơh càr dê pal mu\t lơh broă lơh tus bal atbồ priă dia. Bơta dơ\ 2 là ală mpồl lơh sa kă bro tu\ ai kơphê lik bơh càr den pal ngui sră cih măt mờ yal mờ anih lơh broă dia lài mờ tu\ pơndiang phan bơna lik bơh bòn lơgar. Bơta ndai, bol an\ sơlơ bơyai lơh ală mpồl lơh broă priă dia mờ 2 mpồl tam dră kă bro bơh càr dê lơh broă uă ngan tàm jơh ală gơl gùng nàng atbồ niam phan bơna tă] bơh càr ndrờm geh sền sơ wì nàng kơryan hoàc hươr kes priă dà lơgar dê”.

Kơnờm mu\t lơh ring bal ală broă lơh tơnguh tă dia dà lơgar tàm tu\ tơngai lơh sa geh tềl tơngo\ bơtàu tơnguh wơl, Dak Nông neh jơh lơh sơr lèt mờ kờp du\ lài kes priă. Tàm 7 nhai bồ nam 2014, gùt càr lơh geh rlau 750 tơmàn priă, gơguh mờr 40% pơndrờm mờ tu\ do nam lài. Bè mu\t lơh ală broă lơh nàng lơh jơh niam tă dia dà lơgar bơh tu\ do tus jơh nam 2014, mò Nguyễn Thị Ngọc Lệ kuang jăt jơng atbồ anih duh broă làng bol càr Dak Nông, đơs tờm:“ Mu\t lơh kơrnuat boh lam priă dia tàm càr, uă ngan là mu\t lơh kràn cê jơh nùs ală broă lơh tam dră blơ\ blăc priă dia, kơryan hoàc hươr tă tơm priă dia, dồs priă dia ờ hềt tơm, tam dră tam gơl khà priă ờ bài kờn tă priă dia, mpồn pơndăp kơ`au priă dia, sền dờng màng broă lơh tă tơm priă dia bơh ù tiah. Sơlơ lơh tai broă lơh atbồ dơlam is tàm gah lơh broă do, sơlơ mu\t lơh jăt niam bơta pal jăt, tam gơl pa gùng dà broă lơh, lơh broă kơ\ kơl jăp tơnguh jơnhoa bơta niam bơta jak mpồl kuang bàng. Mu\t lơh niam ală broă lơh tă tơm priă dia nàng lơh ngan lơh jơh kơnòl broă geh jàu”.

Mơya, ờ uă mpồl lơh sa kă bro mờ hìu lơh sa kă bro is, broă tă tơm priă dia kờn pal geh ală tam gơl wơl dipal jăt bơta tam gơl mùl màl, mờ cồng nha lơh sa kă bro, kờ` lơh geh tơl ală bơta niam ngan rlau jơh ai làng bol jơh lơh kơ nòl broă tă tơm priă dia. Ồng Đoàn Bổng cau tờm hìu ràng tăc phan măi moc\ ngui tàm broă lơh sa sươn sre tàm sơnah bòn Nghĩa Thành, bòn drà Gia Nghĩa, càr Dak Nông, yal bè bơta geh ngan bè do:“ Gah dia sùm geh broă rơndăp lơh kờn tơnguh mờ ờ go\ tơr mù ờ. Mơya, ờ di là mpồl lơh sa kă bro, ală hìu bơnhă lơi kung gơguh geh, tài geh uă bơta kal ke halà bè trồ tiah, halà tài bơta ờ niam anih lơh broă lơh tus anih lơh sa kă bro hơ\ gơmù te\ priă geh bơh lơh sa kă bro. Bulah là gơmù priă lơh geh bơh lơh sa kă bro, mơya priă dia den kung pal tơm hơ\ là bơta kal ke tus mờ ală hìu tă tơm priă dia in. Tu\ ờ bươn boài, den lơh sa kă bro gơmù, mờ priă geh bơta lơh sa kă bro gơmù mơya, ală hìu kung gam pal tă tơm priă dia jơnhoa sơl”.

                                                Cau mblàng Lơ Mu K’ Yến