VOV4.K’ho- UBND càr Dak Nông neh geh Quyết định sồ 1730 bè crơng gơs Trung tâm Gròi sền kòp gơ wèt Sở Y tế càr. Trung tâm Gròi sền kòp càr Dak Nông crơng gơs jat tàm bơta tơmu\t bal 5 Trung tâm, tàm hơ\ geh: Y tế dự phòng, Rơcang sơndră kòp HIV/AIDS, Mblàng yal Bơto bơtê pràn kơldang să jan, Rơcang sơndră kòp mpồl bơtiàn, Sền gròi pràn kơldang să jan deh dùh.

Kơrnoat kung jàu gơnoar broă, kơnòl broă gah sơm kòp bơh Trung tâm Rơcang sơndră kòp mpồl bơtiàn, Sền gròi pràn kơldang să jan deh dùh ai Hìu sơnơm dờng càr Dak Nông in. Tềng đap mat, Trung tâm do gàr wơl bè ờs khà biên chế, khà cau lơh broă, mờ pơrgon lơh broă bơh 5 trung tâm tơmu\t bal dê.

Jat tàm gơnoar broă, broă lơh bơh Trung tâm dê, Kuang atbồ Sở Y tế càr Dak Nông rơndăp anih lơh broă, khà cau lơh broă nàng kờ` lơh jat di gơnoar broă, kơnòl broă geh jàu, nàng ờ go\ tơnguh biên chế sa priă nhai bơh kes priă dà lơgar mờ geh broă lơh tơrmù biên chế jat di tu\ tơngai geh ai bơh kơrnoat boh lam dê.

Cau mblàng Lơ Mu K’Yến