VOV4.K’ho- Bơh bồ nam tus tŭ do, Mpồl cau lơh broă sa càr Dak Nông neh dong kờl cau lơh broă sa càn priă nàng bơcri bơtàu tơnguh tam phan mờ ròng phan. Khà priă ai càn geh tă bơh Kes priă dong kờl cau lơh broă sa bơh Mpồl cau lơh broă sa càr dê mờ kờp jơh priă ai càn rlau 1 tơmàn 300 tơlak đong. Bơh khà priă do, Mpồl cau lơh broă sa càr neh ai 11 hìu bơnhă làng bol tàm xã Dak N’drót kơnhoàl (Dak Mil) càn 500 tơlak đong nàng bơcri lơh ròng be; 11 hìu bơnhă tàm xã Trường Xuân, kơnhoàl Dak Song càn 300 tơlak đong bơcri lơh niam wơl mờ sơng ka sền gàr kơphê; 10 hìu bơnhă tàm thị trấn Dak Mâm kơnhoàl Krông Nô càn 500 tơlak đong bơcri lơh niam wơl mờ sơng ka sền gàr kơphê.

Jơh ală hìu bơnhă ndrờm ngui priă càn geh cồng nha, di jơnau kờñ. Tàm tơngai tus, Mpồl cau lơh broă sa càr dê pơn jat tai sền gròi broă ngui priă càn, dong ală hìu bơnhă làng bol cau lơh broă sa lơh sa geh cồng nha.

Cau mblàng K’Hạnh