VOV4.K’ho - Tàm pơrjum cri bơyai geh bơyai lơh tàm do, rơndăp broă “Tơnguh bơta pràn brồ guh mờ gơdờp bơh cau ùr kòn cau gơtìp aniai bơh kòp Covid-19” tàm càr Dak Nông neh ai geh ală kal ke bơh ală mpồl lơh broă, mpồl lơh sa kă bro tàm càr do gơtìp aniai uă bơh kòp Covid-19 mờ brờ guh lơyaì, kờ` bơh tu\ hơ\ ai geh gùng dà broă lơh nàng oh mi cau ùr kòn cau geh gùng dà broă tơnguh bơtàu lơh sa tơnơ\ mờ kòp gơtòp.

Xã Dak Nia, [òn dờng Gia Nghĩa, càr Dak Nông, geh pơnrơ ngan mờ broă tà` ồi yau. Ală phan tà` niam bơh mpàng tê oh mi cau ùr kòn cau Mnông ờ mìng prăp gàr bơta niam chài rơgơi ờs mờng mờ gam geh tai priă tàm rài kis.

Lo\ H’ Bình, atbồ mpồl lơh broă bal tà` ồi yau xã Dak Nia yal: Mpồl lơh broă bal geh 8 nă oh mi cau ùr, ndrờm là kòn cau Mnông dê lơm, geh broă mờng chài rơlao 10 nam tà` ồi yau. Bơdìh mờ broă gàr niam ală bơta niam niam chài rơgơi ờs mờng kòn cau dê, ală cau tàm mpồl gam bơceh lơh tà` geh ală bơta phan bơka, phan geh nùs nhơm pa nàng di pal mờ broă kờ` bơh cau ngui dê.

Den tàng, ngai sơlơ geh uă mpồl nhơl chờ jòi tus nàng dan blơi phan tà` kờ` lời kir, priă geh bơh oh mi cau ùr kung gơguh sơl. Lo\ H’ Bình yal, bơh tu\ gơtìp kòp Covid-19 gơbàn, mpồl lơh broă gơtìp uă ngan kal ke, phan tà` gơs ờ gơtùi tăc:

-Lài do tu\ ờ hềt gơtìp kòp Covid-19 den tăc geh tàm ală càr Lâm Đồng, [òn dờng Đà Nẵng, mơya tu\ gơtìp kòp Covid-19, tăc phan ờ gơtùi, den tàng phan kung gam gơlời. Anih tăc ờ geh.

Kòp Covid-19 neh lơh aniai tus mờ ală broă lơh sa. Mờ ală mpồl lơh broă bal, hợp tác xã, priă geh ờ uă, phan geh lơh ờ gơtùi tăc leh lơh broă lơh ngai sơlơ kal ke rơlao.

Mò Nguyễn Thị Toản, kuang atbồ Hợp tác xã lơh sa suơn sre, phan lơh sơnơm, broă drơng ala mờ kă bro Thịnh Phát tàm [òn 1B, xã Quảng Sơn, kơnhoàl Dak Glong pà g^t: hợp tác xã uă gah broă lơh, pơgồp bal mờ uă hìu làng bol tàm broă tơnguh bơtàu tam phan lơh sơnơm, kơphe, tiêu, [ơ mờ ală bơta plai chi, biăp, kơnuh.

Phan geh lơh ờ gơtùi tăc, lơh broă tơm priă cau lơh broă, priă nhai cau lơh broă in kung kal ke sơl.

-Tàm dơ\ gơbàn kòp Covid-19, bol a` tam biăp mờ kơnuh, plai chi di tàm dơ\ tơnhào, hơp tác xã gơtìp hoàc huơr g^t nđờ jơ\t lồ, tàm hơ\ uă ngan là biăp, kơnuh cải bò, geh tu\ là sơbì gời.

Să tòm hợp tác xã tơrlòng ai phan tam ờ jo\ tơngai nàng ròng phan tam jo\ tơngai ai làng bol in, mơya ờ gơtùi tài biăp do 60 ngai ờ gơtùi tăc den pal sơbì tài kra ir mờ nsồp.

Phan lơh sơnơm den cau tàm mpồl kung gam ờ hềt gơtùi tăc. Kung kal ke, g^t lơh bè lơi mờ ală cau tàm mpồl jăt bal.

Tơnguh bơta pràn brồ guh mờ gơdờp bơh cau ùr kòn cau gơtìp aniai bơh kòp Covid-19 là bơta kờ` mờ ală mpồl lơh broă bal tàm càr Dak Nông tu\ do dê.

Bơh nhai 9 nam 2020, broă tơnguh bơtàu Liên hợp quốc (UNDP) neh dong kờl càr Dak Nông 1 tơmàn 400 tơlăk đong lơh jăt rơndăp broă dong kờl cau ùr tiah làng bol kòn cau sơrlèt mờ kal ke bơh kòp gơtòp lơh aniai.

Mò Nguyễn Thị Thanh Vân, Phó kuang atbồ Công ty dong kờl tơnguh bơtàu tơlir (Green HTV), do là công ty pơlam ai UNDP in pà g^t:

-Jăt a` den ală oh mi cau ùr kòn cau tu\ do kal ke tàm broă lơh sa, bal mờ broă tăc phan mờ broă pơgồp bal drà kă bro. Bè broă pơgồp bal tăc phan den ală hợp tác xã, ală mpồl lơh broă tàm càr Dak Nông pơgồp bal ờ pràn.

Bol a` kơ\p kờ` rơndăp broă do geh ai mùl màl pa, geh mpồl cau pơlam tus bal tàm càr là ală cau g^t wă ală hợp tác xã, geh chồl pràn nàng dong kờl ală hợp tác xã pin dờn rơlao mờ mpồl lơh broă să tòm.

Bơh tu\ hơ\, bơ\t bơtàu geh dùl rơndăp broă kă bro tơnguh bơtàu geh broă rơcang sơndră mờ rềs àr gơbàn.

Lo\ Lê Thị Ly Na, kuang bàng bơto pơlam tàm broă tơmù rơ[ah, gơwèt Sở Lao động Thương binh mờ Xã hội càr Dak Nông pà g^t; broă geh ală mpồl lơh sa neh mờ gam pơgồp bal tàm broă lơh niam broă tơmù rơ[ah.

 Mơya bơh tu\ gơtìp kòp Covid-19 lơh gơbàn, ală broă lơh, tơngu me broă lơh ndrờm gơtìp jơh. Den tàng, broă dong kờl bơh ală mpồl tàm lơgar bal mờ lơgar bơdìh neh bơnah lơi dong kờl làng bol brồ guh wơl broă lơh sa:

-Sở kung neh rơwah geh 700 nă cau là ală hìu nhă kal ke ngan tàm hơ\ geh ală cau tàm mpồl là cau ùr kòn cau nàng dong kờl bè broă bal mờ pơgồp bal mờ ală cau jăk chài bơto pơlam lơh broă bal mờ dong kờl kỹ thuật ai làng bol in brồ guh wơl broă gơdờp, kung bè bơta pràn broă lơh sa tơnơ\ mờ tơngai tam cah ngài.

Bơh tu\ hơ\, nàng làng bol geh tìp mờ ală khà priă kung là bơta pràn rơcang sơndră lài mờ să tòm kung bè mpồl lơh sa kă bro să tòm tàm bơta kòp gơtòp gam gơbàn.

Kờp du\ tus ngai 20 nhai 11 nam 2020 geh lơh gơs broă dong kờl. Càr neh rơwah bàr kơnhoàl rơ[ah là Tuy Đức mờ Dak Glong, tàm hơ\ rơwah 37 [òn tàm 10 xã crơng gơs ală mpồl lơh broă bal, lơh jăt broă cih măt rơwah di cau.

Cau cih Hoàng Qui-Cau mblàng Ndong Brawl