Jăt uă mpồl lơh sa kă bro yal, kal ke dờng ngan rlau jơh hơ\ ngan là broă ală anih priă jền nàng pleh rềs àr den tàng ờ hềt đơs, kờp sền wơl di pal jơtài mờ mpồl lơh sa kă bro gam tu\ do nàng ai mpồl lơh sa kă bro in càn priă di mờ jơnau kờn. Kờp sền wơl jơtài neh ờ uă, anih priă jền mìng ai mpồl lơh sa kă bro in càn uă ngan rlau jơh là 70% priă jền jơtài. Ồng Nguyễn Chí Kỷ kuang jăt jơng atbồ Mpồl lơh sa kă bro is dùl nă să lơh sa kă bro, broă lơh ala Tấn Tài, tàm ntum Quảng Tín, kơnhoàl Dak R’Lấp, càr Dak Nông đơs là, mờ ală mpồl lơh sa kă bro lơh sa geh bơngă, anih priă jền pal dong kờl ai càn priă uă ngan rlau jơh ndrờm mờ jơtài dan càn bơh mpồl lơh sa kă bro dê, ngan là tàm tu\ tơngai mu\t tàm kàl tơnhàu phan lơh geh bơh sươn sre, kờn tàm pơr lòng geh mờ mpồl lơh sa kă bro lơgar ndai geh lài priă jền rlau:“ Kơp kờ` uă rlau tai, anih priă jền pal dong kờl ai ală mpồl lơh sa kă bro, anih kă bro rah rài in geh càn priă jăt bơta pin dờn mờ priă lơh geh tàm tơngai lồi nam. Mơya, priă càn jăt bơta pin dờn mờ priă lơh geh do ờ uă rlau mờ jơtài bơh khi dê, nàng kờn ờ gơlik geh bơta dồs kal ke tơm. Pơnyơu bè dùl anih kă bro, jơtài bơh khi dê jăt drà kă bro là 2 tơmàn, tàm tu\ anih priă jền mìng ai càn mờ 70% jơtài, den dilah bè tu\ tơngai lồi nam, den càn priă jắt bơta pin dờn mờ priă lơh geh gơ ơm tàm jơtài hơ\ ai càn tai 600 tơlăc nàng kờn geh tơl 2 tơmàn, den kung gam niam sơl ờ gơbàn jơnau ờ jai tơm dồs. Bè hơ\ drà kă bro bơsong geh broă phan bơna ờ duh pal tăc tu\ gơtìp ală cau kă phan bơklơn khà priă tàm tơngai lồi nam”.

Ai jăt ồng Nguyễn Văn Hùng kuang atbồ Mpồl lơh sa kă bro is dùl nă să kă bro mờ bơ\t bơtàu Yên Định, [òn drà Gia Nghĩa, càr Dak Nông: den mpồl lơh sa kă bro neh lơh sa gơtùi wơl, sơr lèt gan geh tu\ tơngai kal ke ngan rlau jơh, tu\ do gam kờn ngan bơta dong kờl bơh đah anih priă jền dê, nàng lơh sa sơlơ bơtàu tơnguh uă rlau tai. Bơta kơlôi rcăng ir bè priă cồng neh geh tơn jơh, tu\ ală anih priă jền dùl ròt tơr mù khà priă tus khà bơh 7 tus 8% dùl nam tus mờ priă ai càn ờ jo\ tơngai. Bulah bè hơ\, kung gam geh uă bơta kal ke tu\ anih priă jền ờ hềt jơh nùs ngan bal mờ mpồl lơh sa kă bro.“ Kal ke mpồl lơh sa kă bro in, bè mpồl lơh sa kă bro an\, geh jơtài ù gi\t nđờ sàu ù lơh hìu, gi\t nđờ lồ ù lơh broă sa sươn sre tàm gùl bòn drà rềp  bal tơn. Tàm bơnah ù hơ\ geh hìu prăp phan, hìu măi, blàng ơn phan…mơya mìng ai càn jăt broă lơh ai ù nàng dan càn priă, mờ ờ go\ geh gơnoar ngui hìu tàm ù, den tàng kal ke tàm broă priă jền. Pơn yơu ndai, bè rơndăp broă lơh bơh bol an\ dê neh geh kơrnuat jàu priă tus hìu prăp priă, den anih priă jền kung pal dong kờl, ai bol an\ dan càn priă jăt bơta pin dờn priă lơh geh nàng bol an\ càn, bơsong broă tàm ta\ khà ai broa\ lơh, dong kờl sră pơrgon mờ jơh ală priă jền. Den tàng bơta hơ\, an\ mìng kơ\p kờn lơh bè lơi đah anih priă jền mờ gơnoar atbồ geh gùng dà broă lơh tă bơsong ai ală mpồl lơh sa kă bro in, ngan là mpồl lơh sa kă bro bơh bol an\ dê neh sơr lèt gan tu\ tơngai du\t ndơl bơh tơ nơ\ bơta kal ke do den tàng pal dong kờl nàng ai bol an\ in geh broă lơh sa bơtàu tơnguh”.

Đơs bè ală kal ke mờ mpồl lơh sa kă bro gơtìp tàm tu\ càn priă, ồng Đinh Văn Công kuang jăt jơng atbồ anih priă jền Agribank Dak Nông là mpồl lam bồ lài bè broă ai càn priă bơh càr dê đơs la, dà lơgar neh geh broă lơh tơr mù priă cồng, ngui bơta càn priă jăt bơta pin dờn tàm priă lơh geh nàng dong kờl mpồl lơh sa kă bro. Mơya, tàm tu\ khà priă ù tiah hìu đam mờ khà priă phan ờ kơ\ kơl jăp, anih priă jền lồi du\t pal lơh kràn lơh niam nàng pleh gơtìp hoàc hươr:“Ù lơh hìu ơm jăt tàm khà priă drà kă bro, mơya, jơnau pal jăt bơh anih priă jền lơh broă sa sươn sre dê là pal geh bơnàng jă nàng gi\t khà priă drà kă bro. Hơ\ là pal geh drà kă bro ù tiah hìu đam hala sră pơrgon kă bro, mơya tàm bơta geh ngan, sră pơrgon kă bro bơh làng bol he dê, cau sùm ai mờ khà dùl ết ngan. Bal mờ hơ\ tai pal geh khà priă bơh anih duh broă làng bol càr dê mờ khà priă ê\t ngan ir. Mơya, gơ wèt mờ anih priă jền Agribank, bol an\ kung lơh khà priă kung mờr ndrờm mờ khà priă drà kă bro sơl, hoàc hươr he lơh khà priă mờr ndrờm mờ drà kă bro là uă ngan”.

Nàng tă bơsong kal ke ai mpồl lơh sa kă bro in, mờ kờn chul chồl broă lơh ai càn priă bơtàu tơnguh lơh sa kă bro, pa do, anih priă jền dà lơgar càr Dak Nông neh bơyai lơh dơ\ cribơyai đah ală anih priă jền mờ mpồl lơh sa kă bro. Mơya, tàm dơ\ cribơyai đah anih priă jền mờ mpồl lơh sa kă bro kung gam ờ hềt jòi geh jơnau đơs bal tàm broă dan càn priă jăt bơta pin dờn tàm priă lơh geh tu\ càn priă. Jăt ồng Nguyễn Hồ Hữu kuang jăt jơng atbồ anih priă jền dà lơgar càr Dak Nông kơlôi rcăng, bè do:“Pal đơs là, bol an\ gam geh jơnau lùp: là Bơh tài mờ lài do, priă cồng anih priă jền jơnhoa ir, mơya mpồl lơh sa kă bro kung gam dan càn uă ngan. Tu\ do, priă cồng gơmù lơyah ngan rlau jơh bơh lài tus tu\ do, mơya mpồl lơh sa kă bro kung ờ bài kờn càn sơl priă jền do? Den tàng bè hơ\ là ală anih priă jền dà lơgar tus lơh kòn gùng bal mờ ală anih priă jền kă bro, bol an\ kờn nàng ai ală mpồl lơh sa kă bro kung bè anih priă jền in tam tìp, cribơyai bal tơn, lơh geh jơnau đơs bal nàng lơh bè lơi mờ anih priă jền geh ai càn priă mờ mpồl lơh sa kă bro geh càn priă nàng chul chồl gơguh tai lơh sa kă bro, rề ơnàng broă lơh sa kung bè tơnguh jơnhoa bơta pràn tàm pơr lòng”.

                                                            Cau mblàng Lơ Mu K’ Yến.