VOV4.K’ho- Rlau 2 tơmàn đong là khà priă mờ càr Dak Nông lời ai nàng lùp còp, pà phan ai ală cau chính sách in di dơ̆ tơngkah kir sơnrai Ngai cau ling kòp tê jê să, cau ling chơ̆t màng (27/7) nam do dê.

Tŭ do càr Dak Nông geh mờr 3 rơbô 400 nă cau chính sách. Nàng ưn ngài ală cau ling kòp tê jê să, hìu bơnhă cau ling chơ̆t màng, nam do UBND càr Dak Nông tă bơh kes priă rlau 1 tơmàn đong nàng lùp còp, pà phan. Tàm hơ̆, Mè Việt Nam khin cha jak chài, cau ling khin cha jak chài mpồl ling phàu crong, cau ling khin cha jak chài lơh broă sa geh dờp khà phan pà kờp priă 1 tơlak 100 rơbô đong. Cau ling kòp tê jê să, cau lơh broă kăc màng, lơh broă tàm rài tam lơh gơtìp bol sò tơm kŭp jàm mờ kòn bơh khi dê gơtìp bơtờp dà sơnơm khih hoá học lơh aniai geh dờp khà phan pà kờp priă bơh 300 tus 500 rơbô đong. Di dơ̆ do, Chủ tịch lơgar kung jàu mờr 3 rơbô 400 bơnah phan pà kờp priă rlau 1 tơmàn đong pà ală hìu bơnhă chính sách, cau geh màng mờ dà lơgar càr Dak Nông in.

Cau mblàng K’Hạnh