VOV4.K’ho- Tàm càr Dak Nông tus tŭ do 100% kơnhoàl, ƀòn dờng, xã, sơnah ƀòn, thị trấn mờ 724 thôn, ƀòn ndrờm geh ală gùng che ồs đèng dà lơgar. Gùt càr geh rlau 99% hìu bơnhă làng bol geh ngui đèng.

Gah Ồs đèng Dak Nông dŭi che đèng tus tàm ală hìu bơnhă làng bol

Broă lơh đèng khí hoá ƀòn lơgar neh pơgồp uă ngan tàm broă tam gơl lơh sa, lơh niam wơl mờ tơnguh rài kis làng bol tàm càr in. Nam 2021, Công ty Ồs đèng Dak Nông bơcri priă lơh 84 kơi sồ gùng che hạ áp, 43 kơi sồ gùng che trung áp gùng che đèng tus ală xã ƀòn lơgar pa. Mờ công ty kung lơh mhar tŭ tơngai lơh 35 broă lơh niam wơl, lơh mạch vòng trung áp, tàm gùng che 22kV, 35kV gơwèt ală trạm biến áp 110kV. Gùt càr neh geh 52 tàm 60 xã lơh geh tơl khà bè đèng tàm broă bơt bơtàu ƀòn lơgar pa.

Cau mblàng K’Hạnh