VOV4.K’ho – Ngai òr, anih tờm lơh sơnơm rơcang gàr lài kòp càr Daklak yal bè jơnau lơh 16 nă cau tàm [òn dờng Buôn Ma Thuột, càr Daklak gơtìp khih phan sa là tài bơh vi khuẩn E.coli geh tàm gỏi sur mờ dà tơrlung làng bol neh sa, neh hùc. Cồng nha sền gròi bơh anih tờm lơh sơnơm rơcang gàr lài kòp càr Daklak dê ai go\, vi khuẩn E.coli geh tàm dà tơrlung mờ ală cau gơtìp khih hùc uă rlau 120 dơ\ mờ khà bè ờs; geh tàm poac sur lơh gỏi là 230 rbô vi khuẩn tàm 1 gram poac. Do là jơnau tờm ngan lơh ală cau sa mờ hùc dà gơtìp khih. Lài mờ hơ\, ngai 7/2, hìu sơnơm [òn dờng Buôn Ma Thuột neh dờp 16 nă cau ơm tàm [òn Nao A, xã Ea Tu, [òn dờng Buôn Ma Thuột mut tàm hìu sơnơm geh tơnggo\ gơ lơh bòl să, sơ ngoài bồ, gơtuh hă. Ală cau do geh tơmoh kòp là khih phan sa mờ neh geh sơm bời tàm tơngai bơh 1 tus 3 ngai. Jat anih tờm lơh sơnơm rơcang gàr lài kòp càr Daklak, [òn Nao A geh uă phan ròng ting lềng, ờ uă tơrlung dà ờ geh lơh tơr`ang, làng bol lơh poac phan ròng mờ tê gời, lài mờ tu\ sa ờ ràu tê mờ sơ [ong.

        Cau cih mờ yal tơnggit K’Duẩn