VOV4.K’ho - Mut lơh broa\  bơh nhai 9 nam 216 tus tu\ do,  broa\ lơh preng piang  đang kơlik hìu, geh lơh tàm Hìu sơnơm dờng càr Daklak, Hìu sơnơm kòp jòr bơsia\ mhàm- klờm soh càr Daklak neh dong git nđờ rhiang na\ cau kòp mờ cau ròng cau kòp geh ala\ dơ\ sa piang ờ  roh pria\, tơmù bà  bè bơta pria\ jền tàm broa\ sơm kòp.

            Bơh ngai geh  sơm kòp tàm hìu sơnơm kòp jòr bơsia\ mhàm- klờm soh càr Daklak, ngai lơi mò Nguyễn Thị Quốc kis tàm ntum Ea Ral, kơnhoàl Ea H’ Leo, càr Daklak kung geh sra\ sa piang “Preng piang đang kơlik hìu” nàng dờp geh piang sa  ờ duh pria\ tềng căn tin hìu sơnơm dê.  Piang sa do kờp pria\ la 25 rbô, kờ` pơ gồp tam pà khà pria\ dong mò Quốc geh sơm kòp jo\ jòng tàm hìu sơnơm. Mò Nguyễn Thị Quốc boh bơr:“A` mut  tàm hìu sơnơm bơh ngai 1 den ngai 2 neh geh  piang sa ờ duh pria\ bloh. Tu\ den  geh piang bơh Hìu phờk,  ai piang bơh bơta nđàc bơh broa\  lơh do den  ngai lơi a` kung geh lơm.  A` go\ gơ lơh  ram nus ngan mờ  ưn ngai ua\ ngan ala\ cau niam dong kờ` he”.

             Ala\ piang sa ờ roh pria\ tàm tơngai lài neh cèng geh bơta pơrya ngan ngồn tus mờ cau kòp rbah mờ cau lòt ròng cau kòp. Lo\ Hoàng Thị Nghĩa bơh tiah sar lơgar ngài ntum Ea Rôk, kơnhoàl Ea Sup, càr Daklak,  jun kòn mut hìu sơnơm sơm kòp jòr bơsia\ mhàm - klờm  soh càr Daklak yal wơl:“Kòp bơh kò` a` den pal sơm kòp jo\ ngai den tàng jơh ua\ ngan pria\ jền. Hìu nha\ a` den rbah tai. geh cau niam dong kờl den he ưn ngai khi ua\ ngan”.

            Preng  piang đang kơlik hìu la broa lơh dong kờl bơh ala\ y, bác  sĩ tàm ala\ hìu sơnơm tàm càr Daklak mut lơh. Broa\ lơh la bơyai lơh ngui pria\ ta\ pơ gồp geh, blơi lài ala\ dơ\ piang sa tàm căn tin tàm hìu sơnơm, hơ\ sồng phàt cau kòp in, cau hìu nha\ lòt ròng cau kòp geh lip jơnau sơnđang “Preng piang đang kơlik hìu”. Tus dơ\  sào sa, cau geh sra\ piang mìng tus tàm căn tin nàng dờp piang ờ sa pria\. Pơndrờm mờ broa\ lơh dong kờl ndai, den preng piang đang kơlik hìu lơh broa\ den bal hia\ ngan, ờ roh ua\ tu\ tơngai tus mờ broa\ tru\  biap  piang,  jun ala\ piang tus tàm tê cau kờ` dong kờl, mờ mìng kờ` geh bơta lơh bal bơh broa\ lơh mờ căn tin hìu sơnơm la cau kòp neh geh ala\ dơ\ sa piang ram mhu\.

            Tu\ do,  dùl nhai geh 1.200 bơnah piang sa preng piang đang kơlik hìu, kờp pria\ 30 rbô dong pà ala\ cau kòp, cau  hìu nha\ ròng cau kòp gam piam kòp tàm hìu sơnơm dờng càr Daklak mờ Hìu sơnơm kòp jòr bơsia\ mhàm-klờm soh càr Daklak. Broa\ lơh do geh sùm lơh mờ bơh 3 bơta  tờm ngan la,  ta\ geh nisơna bơh ala\ mpồl bal, cau dùl na\ sa\, cau tàm mpồl tờm ngan geh ta\ sùm pah nhai mờ geh bơh mang đơs crih “Blouse kò”.

            Bắc sỹ Phạm Hoà Anh hìu sơnơm dờng Thiện Hạnh atbồ mpồl broa\ lơh preng piang đang kơlik hìu” tàm [òn dờng Buôn Ma Thuột, càr Daklak ai git:“Preng piang đang kơlik hìu geh ai go\ tơl bơta kơp kờ` niam ngan  bè jơnau “Ly kơphe đang kơlik hìu”.  Hơ\ la cau dờp ờ git cau lơi pa den tàng phan pà preng piang he in ờ geh  ai go\ bè tàm pơndàn, nàng lơh mbè lơi cau kòp rbah,  geh lài tàm sa\ ala\ sơnơng bàs ngan tu\ dờp piang gam geh drơng bè jơh ala\ cau bè ờs ndai”.

            Mang đơs crih “Blouse kò” geh bơyai lơh pah nhai dùl  dơ\ nàng  hòi jà geh ta\ pơ gồp tus broa\ lơh,  mờ cau đơs crih la ala\ y, bác sỹ mờ ala\ cau lơh broa\ dong kờl is tus bal. Mang đơs crih ờ tác vé, cau lòt sền geh tus sền iat đơs crih mờ geh dong ta\ pà tàm thùng dong pà is jat bơta he geh. Jơh ala\ khà pria\ ta\ geh bơh mang đơs crih geh tơmut tàm kes pria\ broa\ lơh “Preng piang đang kơlik hìu”. Ờ mìng la dùl blàng nhơl,  anih nàng ala\ y, bác sỹ geh tơnjơh  bòl glar tơnơ\ ala\  tu\ jiơ lơh broa\, mờ mang đơs crih blouse kò gam bềng bơta pơrya la cèng geh ala\ preng piang dong  kờl tus cau kòp rbah.

                             Cau cih mờ yal tơnggit K’ Brọp