VOV4.K’ho – Bal mờ cau te\ khà gùt lơgar, cau te\ khà càr Daklak gam mut lơh gơnoar mờ kơnòl he dê tus mờ dơ\ te\ khà kuang bàng Gơnoar ala mat dà lơgar kơnă 14 mờ kuang bàng mpồl duh broă ala mat làng bol ală kơnă, tơngai lơh broă bơh nam 2016 tus nam 2021 mờ nùs nhơm duh hồl bềng kơnòl:

Là dùl nă cau lơh broă sa tàm ntum tiah sar lơgar ngài Ea Sar, kơn hoàl Ea Kar, càr Daklak, pah nam ờ ru ngan mờ broă lơh suơn mìr, mơya rlau 1 nhai do, ồng Bùi Xuân Minh ndrờm lời tu\ jiơ nàng iat rơdô, sền [au\ jòi git bè jơnau tơngit gơrềng tus te\ khà kuang bàng Gơnoar ala mat dà lơgar kơnă 14 mờ kuang bàng mpồl duh broă ala mat làng bol ală kơnă, tơngai lơh broă bơh nam 2016 tus nam 2021. Ồng Minh sơ nơng, dùl nơm sră pồ tus mờ cau he pin dờn bulah dềt rơhền, mơya geh pơgồp bơnah sac rơwah cau dipal ala mat tus mờ bơta kơp kờ` bơh làng bol dê. Ồng pà git: “ Bơh nùs nhơm mờ kơnòl a` sền gròi, jòi git tàm ală kơrnuat boh lam bè ală khà tơl bơh cau tơlik mat te\ khà tàm tơngai lơh broă tus. Ală cau geh yal tơngit bè nùs nhơm, pràn jak, mờng chài lơh broă nàng dờp git, tìp mat mờ cau te\ khà, git ală bơta kal ke bơh cau te\ khà tàm tiah sar lơgar ngài dê nàng pơyua tus gơnoar ala mat dà lơgar in, kờ` làng bol geh ală gơnoar kuơ dipal tàm rài atbồ dà lơgar he dê.”

Ntum Ea Hmlay, kơnhoàl M’ Drak geh mờr 800 hìu nhă bal mờ 3 rbô 574 nă cau, mơya làng bol ơm kis rah rài, broă lòt rê gam uă kal ke. Nàng ngai te\ khà gơnoar ala mat dà lơgar kơnă 14 mờ mpồl duh broă ala mat làng bol ală kơnă, tơngai lơh broă bơh nam 2016 tus nam 2021 gơs là ngai chờ bơh gùt làng bol dê, tơngai do, jơh mpồl lơh broă gùng dră bal ntum neh lơh broă bal. Mpồl đơng lam te\ khà ntum neh tam pà kơnòl ală mpồl duh broă geh jơng in sền gròi ală kơnòl, bơt bơtàu rơndap broă tus mờ broă lơh bơyai lơh cribơyai ringbal, rơndap tap sèng cau lơh broă, cih mat mờ top sră cih mat cau te\ khà mờ broă bơyai lơh cau tơlik mat te\ khà in geh dờp mat cau te\ khà gàr niam bơta loh làng, di mờ kơrnuat boh lam. Ồng Hồ Xuân Thương, kuang atbồ đơng lam Đảng ntum Ea Hmlay, kơnhoàl M’Drak pà git: “ Tơnơ\ mờ tu\ geh ală sră nggal bơh kơnă hơđang dê, bol a` neh tơr ùm đơng lam tàm kơnă ntum, mut lơh di mờ jơnau pơlam bơh kơnă hơđang dê mờ tus tu\ do bol a` neh mut lơh cribơyai ringbal 3 dơ\, kơnờm tàm khà kuang bàng geh pồ tàm [ò lơgar. Jat bè bơta 32 bơh adat bơyai lơh gơnoar atbồ tàm [òn lơgar dê, ntum bol a` sac rơwah geh 25 nă kuang ala mat. Bol a` neh gàr niam ală rơndap broă lơh, tu\ do kơp tus ngai 22/5 là bol a` mut lơh ală broă lơh gam wơl, ai geh bơta [uơn nàng cau te\ khà mut lơh gơ noar làng bol dê jat di mờ jơnau cih kơrnuat boh lam dê.”

Mờ bơta pơn rơ is bơh dùl càr tiah kơh bơnơm, tiah tơrgùm geh 43 jơi bơtiàn kòn cau ơm kis bal, geh uă [òn làng bol ơm kis tàm tiah sar lơgar ngài, [òn ơm kis pa… Den tàng, broă mblàng yal bè dơ\ te\ khà geh ală kơnă Đảng, gơnoar atbồ, gah tề lam gùng dră bal, ală mpồl bal tàm càr sền gròi uă ngan. Jơnau đơs “ Wèt tus dơ\ te\ khà kuang bàng gơ noar ala mat dà lơgar kơnă 14 mờ te\ khà kuang bàng mpồl duh broă ala mat làng bol ală kơnă, tơngai lơh broă bơh nam 2016 tus nam 2021” neh geh uă ngan anih yal jơnau tơngit, anih lơh [au\, anih pờ tơlik jơnau đơs dà lơgar mờ [òn lơgar mut lơh, di tu\ yal jơnau tơngit, hơ ală bơta mờ cau te\ khà ală kòn cau sền gròi, mblàng jat tơl bơta làng bol in git. Ồng Y Dêc H’ Đơk, kuang atbồ anih duh broă gah tề lam gùng dră bal dà lơgar càr Daklak đơs: “ Bơh bồ tơngai lơh broă gah tề lam gùng dră bal ală kơnă neh ki\ broă lơh mờ 5 mpồl lơh broă gùng dră bal mpồl bơtiàn, tàm hơ\ geh tơngume pơgồp bal bơyai lơh nàng geh cồng nha niam ngan rlau jơh bè broă te\ khà kuang bàng gơnoar ala mat dà lơgar mờ kuang bàng mpồl duh broă ala mat làng bol ală kơnă, mờ ală mpồl bè mpồl cau ling yau, mpồl dong kờl sơnơm tơmba phan bơna, mpồl cau ùr, mpồl ơruh pơnu lam sồr, mblàng yal cau tàm mpồl he dê jơh nùs tus bal mblàng yal bè broă lơh te\ khà tàm làng bol. Den tàng, a` pin dờn tơl mpồl, tơl kơnă, tơl gah broă lơh geh brồ guh jơh kơnòl he dê, pơgồp bal niam, di tu\ nàng dơ\ te\ khà mờr tus bol he dê geh cồng nha niam.”

Jơh ròt mpồl lơh broă gùng dră bal tus bal, kuơ màng mờ nùs nhơm kơnòl uă ngan rlau jơh bơh anih duh broă gah tề lam gùng dră bal ală kơnă, broă lơh te\ khà tàm Daklak neh mờ gam geh bơyai lơh jat di mờ rơndap broă bơh adat te\ khà dê. Làm gùt ală tiah tàm càr kung gam duh hồl ngan pơr lòng lơh broă sa, bơt bơtàu [òn lơgar pa, ngan ngồn lơh geh cồng nha wèt hờ ngai chờ te\ khà, ngai chờ bơh dà lơgar dê bal mờ uă bơta kơp kơ nờm pa.

                                Cau cih mờ yal tơngit K’ Duẩn.