VOV4.K’ho- Ală ngai do, cau lơh broă sa lơh kơphê tàm Daklak gam mu\t tàm kàl tơnhàu kơphê uă ngan. Ờ ru ngan mờ broă pik tơnhàu plai kơphê bơh hìu bơnhă dê, mơya kuang bàng, cau ling tàm mpồl kuang àng sàh, phường, thị trấn mờ dân phòng tàm ală tiah kung gam tàm ala gơ\p lòt drơng gàr kờn sền gàr niam ờdo ờdă phan bơna kơphê..

Lài mờ tu\ mu\t tàm kàl tơnhàu kơphê, Uỷ ban Nhân dân sàh Hoà Đông, kơnhoàl Krông Pach, càr Daklak neh lơh broă rơndăp lơh sền gàr jơtài phan bơna niam ngan. Tàm hơ\, mpồl kuang àng sàh là cau tờm ngan pơgồp bal mờ mpồl dân phòng bal mờ làng bol tàm ala gơ\p lòt sền gàr mờ drơng sền tàm ală gơl gùng kuơmàng. Ală tổ sền gàr lơh bàr kơnòl broă tờm, tàm hơ\ geh: rơcang sơndră tung kơ`au mờ lòt sền sươn kơphê pal lơh geh plai dum rlau 90% tềng hơđang chi den hơ\ sồng ai làng bol in pik. Ồng Nguyễn Đình Vượng, Kuang atbồ Uỷ ban Nhân dân sàh Hoà Đông, kơnhoàl Krông Pach, pà gi\t: kơnờm lơh niam broă do den tàng bơh bồ kàl tus tu\ do, tàm ù tiah sàh ờ gơtìp cau tung kơ`au, mờr 2 rbô lồ kơphê geh sền gàr niam ờdo ờdă mờ geh lơh niam. Ồng Nguyễn Đình Vượng, Kuang atbồ Uỷ ban Nhân dân sàh Hoà Đông, đơs:

“Mpồl cau tờm ngan là kuang àng pal geh broă rơndăp lơh sền gàr kàl tơnhàu kơphê. Nam do, bol a` neh lơh ală broă rơndăp lơh, bol a` gi\t loh làng ală mpồl cau tus sền gàr, tàm hơ\ geh mpồl kuang àng, ling klàng, sền gàr đah bơdìh, cau tờm mìr sền gàr tàm dơlam. Tàm tơl [òn bol a` crơng gơs 1 tổ dân phòng geh ai tơl phan dong kờl mờ ai tơl phan ngui lơh broă nàng oh mi lơh broă sền gàr kơphê làng bol in…”

Tàm kơnhoàl Cư\ Mgar, kàl lơh kơphê nam 2015- 2016, jơh gùt kơnhoàl geh rlau 34 rbô lồ kơphê ai tơnhàu, uă ngan rlau jơh là tàm sàh Ea Tul, Cư\ Dliê Mnông, Ea Mtar, mờ thị trấn Ea Pốch. Ồng Phạm Quang Mười, Kuang atbồ Phòng lơh broă sa sươn sre mờ bơtàu tơnguh [òn lơgar kơnhoàl Cư\ Mgar, pà gi\t: tàm bơh tam gơl trồ tiah, cồng nha kơphê kàl do lơh geh gơmù bơh 15 tus 20%, kờp bal lơh geh ờ hềt tus 2 tấn tàm dùl lồ. Mu\t tàm kàl tơnhàu nam do, cing quyền mờ gah lơh broă sa sươn sre hòi jà làng bol lơh broă sa ờ go\ di rơ pòc ntê bè lài, lơh ngan mìng pik tu\ ală plai kơphê dum uă ngan tềng tờm. Nàng dong làng bol lơh broă sa iang nùs pik tơnhàu lơh geh jơnau kờn, mpồl kuang àng, dân phòng tàm ală sàh kung neh lơh broă rơndăp lơh sền gàr niam ngan. Ồng Phạm Quang Mười, Kuang atbồ phòng lơh broă sa sươn sre mờ bơtàu tơnguh [òn lơgar kơnhoàl Cư\ Mgar, pà gi\t:

“Bơto tơngkah mờ yal uă ai làng bol in pik plai kơphê dum rlau 85% nàng tơnguh jơnhoa bơta niam, tơrmù bơta pik plai gam lir. Nàng tơrmù pik plai gam lir den kờn pal sền gàr niam bơta lơngăp lơngai hơ\ sồng di”.

Gơ wèt mờ ală mpồl lơh sa kă bro tam kơphê, broă pik tơnhàu pal geh niam mờ ờdo ờdă sơlơ geh sền dờng màng. Bè Kong ti Trách nhiệm hữu hạn Một thành viên kơphê Ea Pôk, kơnhoàl Cư\ Mgar, geh 550 lồ kơphê, tàm hơ\ 408 lồ kơphê gam tàm tơngai geh plai. Kong ti neh lơh kloh niam geh 4 lồ [làng ìs, lơh niam wơl mờ sền gàr jơh ală măy mok lơh kơphê jat kong nghệ sùh. Kong ti neh ai cau bal mờ làng bol, kuang àng, dân phòng tus sền gàr tàm mìr nàng sền gàr sươn kơphê dùl bă kràn cê, mơkung yal mờ kong nhơn, hìu dờp bă mìng pik tu\ sươn chi geh khà plai dum bơh 90% rlau hơđang…

Sền gàr tơn ờdo ờdă jơtài phan bơna kơphê ờdo ờdă tu\ mu\t tàm kàl tơnhàu ai hìu bơnhă mờ làng bol lơh broă sa mờ mpồl lơh sa kă bro in là broă lơh geh kuơ ngan bơh ală kuang bàng, cau ling kuang àng, dân phòng tàm Daklak dê!

Cau cih mờ yal tơnggi\t- Lơ Mu K’ Yến