VOV4.K’ho – Pa do, Trung tâm Y tế dự phòng càr Daklak pơnjat tai dờp geh cau gơbàn kòp liên cầu sur tàm xã Yang Mao, kơnhoàl Krông Bông. Sơn đờm gơbàn kòp bơh ngai 28/7 mờ ală tềl tơnggo\: duh să, glar să, jê bồ, tus drim ngai 1/8, cau kòp geh jun sơm kòp tàm hìu sơnơm càr Daklak tàm bơta ờ ngac tai, chul tàm să `ggà dờng, jê bồ uă, tơnơ\ hơ\ ờ git bơta lơi tai.

Ngai 3/8, cau kòp geh ai dà tàm tơngoh nàng sền, cồng nha tơmoh gơbàn as sồt tơngoh tài bơh liên cầu sur. Bơh jòi git, lài mờ tu\ gơbàn kòp 4 tus 5 ngai, cau kòp geh sa mhàm sur neh tru\ tàm hìu cau rềp bal. Hìu sơnơm kơnhoàl Krông Bông neh lơh niam tiah ơm kis tàm hìu cau kòp mờ ală hìu nhă rềp bal mờ dà sơnơm Chloramin B, sền gròi ală bơta gơlik geh bơh kòp tàm [òn lơgar nàng git go\ gờ` ală cau gơbàn kòp mờ bơsong di tu\.