VOV4.K’ho- Tơngai rềp ndo, làng bol tàm uă tiah tàm càr Daklak sùm yal bè bơta [ơ\ [ơl tiah ơm kis tàm bàr pe hìu măy, anih lơh sa công nghiệp, lơh aniai uă ngan tus pràn kơldang să jan, rài kis mờ broă lơh sa. Pal sền ngac ngan là, bulah làng bol neh uă dơ\ đơs sơl, mơya cau tờm ală mpồl lơh sa kă bro, anih lơh sa do kung gam lơyaì ngan bơsong, tàm tu\ gah lơh broă geh gơnoar kung gam ờ hềt geh broă lơh bơsong jơh sơl.

Tiah geh uă bè jơnau chu chah lòng lơh [ơ\ [ơl tiah ơm kis tàm càr Daklak tàm tơngai rềp ndo là xã Dliê M\\\’nông, kơnhoàl Cư\ Mgar, bơh Công ty Trách nhiệm hữu hạn Phúc Minh dê lơh. Bi Trần Quốc Tiến, kis tàm [òn 2, xã Cư\ Dliê M’nông, ờ suk ngan mờ đơs bè do:

“Bơnhă chah lơh broă bơh nam 2011, tus tu\ do neh di 6 nam do, làng bol bol a` kis ờ gơtùi ngan, ờ jai ko\ng, trồ ngai den lòt pleh tiah ndai, bàr pe nă kơnòm dềt tàm [òn lòt kham kòp den gơtìp kòp as sồt klờm soh kơ` jơ\; tờm kơphê bol a` dê lài do 1 lồ lơh geh là tus 4 tấn, kàl do ngan ngồn là ờ hềt tus 2 tấn, tài bơh nhhu\ gơ lơh tờm ờ gơtùi geh bơkàu. Bol a` neh yal mờ xã in uă nam do mơya ờ go\ geh bơsong sơl”.

Bal mờ kơnhoàl Cư\ Mgar, jơnau chu chah lòng lơh [ơ\ [ơl tiah ơm kis kung geh tàm uă kơnhoàl ndai bơh càr Daklak dê, tàm hơ\ Krông Pach là dùl kơnhoàl ai lơh pơnyơu. Mìng is xã Ea Kly, kơnhoàl Krông Pach, neh geh tus 43 bơnhă lơh chah gam lơh broă rềp tơn mờ [òn ơm kis, ngai mah gơbruh nhhu\ sùm, thul kơmbuh uă ngan, lơh [ơ\ [ơl tiah ơm kis, lơh tơrmù cồng nha chi tam.

Ồng Y Sơi Niê, kis tàm [òn Kra B, xã Ea Kly, muat jrùm đơs bè do:

“Lài do tu\ ờ hềt geh bơnhă lơh chah den cồng nha lơh geh uă ngan, mơya bơh tu\ geh bơnhă lơh chah den gơmù te\, tu\ do dilah kờp den gơmù rlau 70%. Bol a` ờ gi\t lơh bè lơi”.

Ală bơnhă chu chah lòng lơh broă tìs mờ adat boh lam rềp mờ [òn làng bol ơm kis mờ tiah lơh broă sa sươn sre bơh uă nam do, aniai uă ngan tus bơta pràn kơldang să jan mờ broă lơh sa bơh làng bol dê, mơya gơnoar atbồ tiah do kung gam ờ hềt bơsong jơh sơl.

Bè 6 bơnhă chah bơh ồng Ngô Văn Hưng dê tàm xã Ea Yông, kơnhoàl Krông Pach, neh gơtìp Ủy ban Nhân dân xã geh kơrnoat lơh glài mờ priă, mơya cau tờm bơnhă chah do ờ go\ lơh jat. Ồng Y Núc Byă, Kuang atbồ Ủy ban Nhân dân xã Ea Yông, pà gi\t:

“Sơnđờm bơh làng bol ờ suk mờ đơs, jat tàm gơnoar broă kơnă xã dê, bol a` neh bơsong pe dơ\ gơ wèt tus mờ bơnhă lơh găc bơh ồng Hưng do dê. Bol a` lơh glài mờ priă, jơnhoa ngan rlau jơh là 5 tơlak, mơya ồng Hưng ờ go\ lơh jat”.

Bal mờ jơnau geh ngan [ơ\ [ơl tiah ơm kis tài bơh broă chu chah lòng lơh aniai, làng bol tàm uă tiah bơh càr Daklak dê gam ờ suk tai tài bơh broă lơh [ơ\ [ơl tiah ơm kis bơh rlau 70 bơnhă lơh găc mờ tê, mờ dùl ròt ală hìu măy lơh [òk bùm blàng, hìu măy sơdàng, anih lơh bơsơ\t kau su, lơh kơphê…

Pơnyơu bè tàm kơnhoàl Krông Ana, jơh ală bơnhă lơh găc ờ hềt geh ai sră lơh tài bơh ờ tơl jơnau sồr pal geh, mơya kung gam bơcrì bơcrà ngan lơh broă sơl gi\t nđờ jơ\t nam do.

Bơta geh ngan do gơlik tus gah lơh broă geh gơnoar mờ gơnoar atbồ càr Daklak in kờ` pal geh broă lơh bơsong di tu\, jàu wơl tiah ơm kis niam bơne\ ờ [ơ\ [ơl ai rài kis mờ broă lơh sa tàm tiah do in!

Cau cih mờ yal tơngi\t- Lơ Mu K’ Yến