VOV4.K’ho - Mờ tơngume “Sơlơ tơnguh kơnòl bơh cau lơh gơlik, kă bro phan sa”, mpồl đơng lam gàr kloh niam ờ do ờ dă phan sa càr Daklak bơyai lơh lam lơh Nhai lơh broă tài ờ do ờ dă phan sa nam 2018. 

 Geh lơh bơh ngai 15/4 tus ngai 15/5, bal mờ uă broă lơh mblàng yal tơnguh git wă geh kơ nòl tàm broă lơh gơlik, kă bro phan sa; bơto bơtê ală broă lơh ờ do ờ dă; càr crơng gơs 3 mpồl lùp sền làm gah nàng sền gròi broă lơh atbồ dà lơgar bè ờ do ờ dă phan sa tàm ală anih lơh gơlik, kă bro phan sa. Ală gah, mpồl lơh broă, ală tiah kung crơng gơs ală mpồl lùp sền ờs mờng, lòt sền sùm broă lơh gơlik, kă bro phan sa tàm tiah mờ he atbồ. Geh git, gùt càr Daklak tu\ do geh 3 rbô 260 anih lơh gơlik kă bro phan sa.