VOV4.K’ho- Nam 2016 geh ai là nam lơh uă kloh niam ờdo ờdă phan sa tàm gah lơh broă sa sươn sre, bal mờ jơnau kờn tờm ngan là kơryan mờ bơsong jơh ngui phan kơryan ờ ai ngui tàm gah ròng phan mờ sơmờm sơnơm sơndră kòp tàm ròng tam phan tàm dà…Mu\t lơh kơnòl broă do, pa do, Mpồl atbồ bơta niam phan lơh geh bơh sươn sre brê bơnơm mờ phan tàm dà càr Daklak dê tus sền broă lơh jat ală jơnau sồr bơh kơrnoat boh lam dê bè bơta niam, ờdo ờdă phan sa gơ wèt tus mờ ală anih lơh gơlik kă bro phan sa lơh geh bơh sươn sre mờ phan tàm dà tàm ù tiah càr dê, bơh hơ\ neh sền go\ uă broă lơh tìs:

Tàm dơ\ lòt sền do, geh 21 anih geh lòt sền, tàm hơ\ geh 2 anih lơh kơphê, 8 anih lơh giò chả, 1 anih lơh bung ris mờ 9 anih măy kòi. Bơh sền ai go\, 2 anih lơh kơphê ờ geh Sră kham sơm kòp ai cau lơh broă mờ cau atbồ anih lơh broă do in, sră dờp yal dipal mờ jơnau sồr ờdo ờdă phan sa ai phan bơna kơphê [òk in; 7 anih lơh giò chả mờ bung ris ờ hềt geh ală sră pơ àr jat mờ jơnau sồr, tiah lơh gơlik phan ờ hềt geh ai ơm cah is ngài mờ tiah ndai, ờ geh k[àng inox ơn tàm kơldung phan bơna; jơh ală hìu măy phe ndrờm geh uă lơm thul kơmbuh ù, cau lơh broă ờ go\ soh phan sền gàr să jan jat di jơnau sồr, 1 anih lơh sa ờ geh Sră dờp sền cih mat lơh sa kă bro…

Tàm Nhai lơh broă tài ờdo ờdă kloh niam phan sa lài hơ\, ală mpồl lùp sền, lòt sền ală gah bơh càr Daklak dê kung neh lòt sền tàm 33 anih lơh gơlik, kă bro phan sa. Bơh lòt sền neh sền go\ 20 anih lơh tìs ală bơta pal geh bè kloh niam ờdo ờdă phan sa (geh tus 60%). Broă lơh tìs uă ngan là ngui sơnơm sền gàr phan tam ờ di mờ jơnau sồr; lơh tìs bơta pal geh kloh niam phan ngui lơh broă, măy mok mờ bơta pal geh ai kòn bơnus in; yal phan bơna ờ hềt dipal mờ jơnau sồr bè ờdo ờdă kloh niam phan sa; cih măt phan bơna tìs mờ jơnau sồr; ngui phan lơh gơs phan mờ phan te\ neh ờ gam tai tơngai ai ngui halà ờ geh cih tàm sră cih mat ai gơnoar nàng lơh gơlik phan sa…

Ồng Trần Ngọc Thanh, Kuang atbồ Mpồl atbồ bơta niam phan lơh geh bơh sươn sre brê bơnơm mờ phan tàm dà càr Daklak dê, pà gi\t: Bơh lòt sền ai go\, bơta lơh tìs bơh cau lơh gơlik, kă bro ală bơta phan sa geh ai bơh phan lơh geh bơh sươn sre, brê bơnơm, mờ phan tàm dà dê là uă ngan. Gơlam tus uă phan bơna ờ geh tơl niam kung gam geh tăc sơl tàm drà. Nàng kơryan phan lơh geh bơh sươn sre brê bơnơm phan tàm dà ờ geh tơl kloh niam geh tăc tàm drà, ồng Thanh, đơs là: broă lơh nàng kơryan jơh bơta do hơ\ là sền gròi bơta niam bơh tu\ lơh tus tu\ lơh gơs phan sa: “Bol he pal lòt jat gùng lòt bơh tu\ lơh gơlik jat dùl ròt, bơh hìu cau lơh broă sa, tus pa lơh gơs, mờ lơh gơlik phan sa ngan ngồn geh bơta lơh bal đah cau lơh gơlik mờ cau ngui sa mờ tu\ geh bơta ờ niam ờdo ờdă phan sa den hơ\ sồng tus jòi bàn mờ ku\p geh cau lơh gơlik gơ. Mơya, hơ\ mìng là pa kơlôi lơm gời. Ai tàm ală tu\ mu\t lơh ngan ngồn bal mờ bơta mờng quèng bơh jo\ bơh bol he dê mờ broă lơh sa dềt rah rài bè do den broă lam lơh sa jat dùl ròt, kờn gàr niam ờdo ờdă phan sa den kung gam là bơta lòng sơl”,

Ồng Nguyễn Hoài Dương, Kuang atbồ Gah Lơh broă sa mờ bơtàu tơnguh [òn lơgar càr Daklak đơs là: Ală gah lơh broă geh gơrềng neh sùm pơgồp bal tàm broă lơh atbồ bơta niam phan lơh geh bơh sươn sre. Mơya, broă lùp sền, lòt sền roh uă ngan tu\ jiơ mơya cồng nha dùl e\t ngan tài bơh ờ geh bơta dong kờl bơh ală mpồl geh tơl pràn jak bơta chài tàm tiah hơ\ dê, ờ geh tơl cau lơh broă mờ priă tă lơh. Nàng gơtùi niam gơnoar broă lòt sền, sền gròi bơta niam phan sa, broă lơh tềng đap mat là lơh gơs niam mpồl kuang bàng lơh broă, ai tơl ală bơta bè priă jền, cau lơh broă: “Broă lùp sền, lòt sền sền gròi, ală bơta lơh glài bơh bol he dê ờ hềt kràn, anih lơh broă, anih lơh broă atbồ dà lơgar bè bơta niam phan lơh geh bơh sươn sre brê bơnơm phan tàm dà kơnă càr gam ờ tơl bè cau lơh broă bal mờ priă jền nàng lơh broă. Broă lơh nàng lơh niam wơl bơta ờ hềt niam do hơ\ là ai tơl mpồl kuang bàng lơh broă, ai tơl ală bơta pal geh bè priă jền mờ phan ngui nàng lơh broă. Dơ\ pe tai là sơlơ geh tai bơta lơh bal đah ală anih lơh broă bè gah lơh broă sa sươn sre, gah lơh sơnơm, kă bro mờ lơh sa mờ măy mok, kảnh sát tiah ơm kis tàm broă lòt sền sền gròi, sền sơ wì nàng atbồ geh bơta gơlik geh. Bal mờ hơ\ tai, broă ndai là broă lơh mblàng yal, lam sồr geh bal ală anih lơh tìs nàng geh gi\t”.

Cau cih mờ yal tơngi\t- Lơ Mu K’ Yến