VOV.K’ho-Tàm nam 2017, mpồl kuang àng càr Daklak neh ku\p kơryan geh gi\t nđờ rhiang dơ\ nhơl bài sa priă geh lơh dờng bơh uă broă lơh, bè: tam kă coh plai, xóc đĩa, nhơl bài nha, pa` ka…

Mơya, jơnau ờ niam do tàm ù tiah càr dê kung gam gơlik geh kal ke mờ gam gơlơh bè ngai sơlơ gơguh tai. Di tàm tơngai mờr tus sa tềp Mậu Tuất nam 2018, mpồl lơh broă geh gơnoar gam lơh pràn broă lơh rơcang sơndră ală cau lơh tìs, tàm hơ\ geh jơnau ờ niam nhơl bài sa priă.

Ală ngai mờr tus sa tềp Mậu Tuất nam 2018, tiah thôn 1, xã Cư\ Suê, kơnhoàl Cư\ Mgar, càr Daklak lơngăp lơngai ngềt ngơ\t ngan. Ồng Nguyễn Thanh Sơn, kis tàm thôn 1, xã Cư\ Suê, kơnhoàl Cư\ Mgar pà gi\t, mìng pơgăp nggùl nam lài lơm, tiah do sùm là tiah pơneh ngan bè jơnau ờ geh bơta lơngăp lơngai [òn lơgar, jơnau tung kơ`au phan bè kơ`au so, tung kơ`au kơphê gam lir, tiêu tàm sươn mìr geh sùm.

Ală cau ờ niam sùm tơrgùm gal cau nhơl bài sa priă tơn tềng mìr bơh làng bol dê den tàng làng bol ơm kis tàm tiah do sùm kơlôi rơcang mờ ờ suk ngan. Mơya, tơnơ\ tu\ mpồl lơh broă geh gơnoar lam lòt ku\p dơ\ nhơl bài sa priă geh lơh dờng ngan tàm lồi nhai 6 nam lài, den jơnau do neh ờ gam geh tai. Ồng Nguyễn Thanh Sơn, yal:

Lài do, thôn 1 sùm geh ală dơ\ nhơl bài sa priă geh lơh dờng ngan, lơh làng bol bol a` geh mìr tàm dơlam tiah do gơlơh kơlôi rơcang ngan. Tơnơ\ hơ\, mpồl kuang àng ku\p ală cau nhơl bài sa priă, tơngai hơ\ den tus tu\ do làng bol bol a` lòt sươn mìr lơh broă kung neh gơlơh bè ờs wơl. Ai ală dơ\ tung kơ`au phan, nhơl bài sa priă ờ go\ gam geh tai.

Bơh bồ nam 2017 tus tu\ do, tàm xã Cư\ Suê, kơnhoàl Cư\ Mgar geh 9 dơ\ nhơl bài sa priă, tàm hơ\ ală cau uă ngan là nhơl ală jơnau bè: lô đề, xóc đĩa, bài nha, pa` ka. Mpồl lơh broă geh gơnoar neh ku\p gi\t nđờ rhiang nă cau, pơneh ngan là dơ\ lam nhơl bài sa priă geh lơh dờng ngan bơh broă lơh xóc đĩa tàm lồi nhai 6 nam 2017. Tàm tiah mìr lồi thôn 1, mpồl kuang àng neh ku\p mờr 100 nă cau, ku\p rlau 350 tơlak priă, 16 nơm rơndeh dờng, 2 nơm rơndeh măy mờ rlau 50 nơm điện thoại at tê…

Đại úy Nguyễn Mạnh Hưng, Kuang atbồ Kuang àng xã Cư\ Suê, kơnhoàl Cư\ Mgar pà gi\t, ală cau lam nhơl bài sa priă sùm rơcang lài chài ngan ală gùng dà broă lơh nàng sơndră wơl mờ mpồl lơh broă geh gơnoar.

Ờs mờng ală cau do sùm sơmờm tiah mìr sươn rềp nhàr bal geh ù tiah [òn lơgar kal ke, mờ tu\ nhơl den ờ go\ jat dùl bơta lơi den tàng kal ke ngan sền go\. Ală tiah lam nhơl bài sa priă ndrờm geh cau sền gàr, drơng sền, geh bộ đàm, măy ku\p rùp sền, den tàng tu\ sền go\ geh mpồl lơh broă geh gơnoar lòt sền, gròi sền, bol khi sơrbac mhar ngan ntoăt dô. Đại úy Nguyễn Mạnh Hưng, pà gi\t:

Kal ke ngan là ù tiah [òn lơgar lam nhơl bài sa priă bơh ală cau do dê là tàm tiah sươn mìr, kềng gah tơnau dà gơ ơm ngài tiah rềp nhàr bal tàm sươn mìr. Bơta dơ\ 2 là jơh ală cau lòt nhơl bài sa priă ơm wơl tàm ală bòn lơgar ndai tus den tàng kal ke ngan gi\t, lùp jòi gi\t tiah cah bơh sơnrờp tơn. Bơta dơ\ pe là lòt nhơl bài sa priă den geh uă cau, cau kra, cau kơnòm, cau klau cau ùr ndrờm geh lơm den tàng broă lơh sră nggal tìp kal ke ngan.

Jat jơnau yal bơh Kuang àng càr Daklak dê, tàm nam 2017, mpồl kuang àng càr Daklak neh ku\p kơryan 176 dơ\ nhơl bài sa priă, ku\p 1.237 nă cau, ku\p rlau 1 tơmàn 700 tơlak priă bal mờ uă ngan phan kuơ kas priă, bè: rơndeh dờng, rơndeh măy, điện thoại at tê, măy ku\p rùp, măy tính ìa tê…Bè khà dơ\ mờ khà cau ndrờm gơguh pơgăp 10% pơndrờm mờ nam 2016.

Đại tá Nguyễn Văn Bôn, Kuang atbồ Phòng Hình sự Kuang àng càr Daklak pà gi\t, kờ` kơryan mờ tơrmù jơnau ờ niam nhơl bài sa priă, ngan là tàm tơngai sa tềp bơhiàn nam 2018 mờr tus, bal mờ sơlơ lòt sền, gròi sền, mpồl kuang àng càr geh lơh pràn pơgồp bal mờ ală gah lơh broă geh gơnoar, ală mpồl cau mblàng yal làng bol in ờ go\ di jat cau lòt nhơl ală jơnau nhơl bài sa priă bơh ală broă lơh lơi; hòi jà mpồl cau, rơndeh rơndồ lơh uă dơ\ tam dră kup kơryan jơh ală tiah, anih, mpồl pơneh nhơl bài sa priă.

Bal mờ hơ\, sùm lam lùp khàu [òn lơgar ală kơnhoàl, thị xã, [òn dờng, kờp sền, lơh sră cih mat cau, mpồl cau, tiah mpồl, anih nhơl bài sa priă mờng quèng, tiah nhơl lô đề, tam kă coh plai…nàng lơh jơnau tam dră, ku\p kơryan. Mơkung sơlơ lòt sền sră nggal tàm ală tiah kal ke bè cau lơh tìs, jơnau ờ niam mpồl bơtiàn, ngan là hìu `ô sa, hìu bar, tiah kă bro kơphê coh plai, internet…Đại tạ Nguyễn Văn Bôn, pà gi\t:

Tàm pah dơ\ sa tềp, mờ hìu bơnhă gơ\p bơyô den sùm geh broă nhơl lơh rài bồ tơngoh bơh ală broă lơh nhơl bài. Ală tiah nhơl geh lơh [ươn [oài den mìng bơtrơh, đơs lah halà wàng tơnrah lơm, tài bơh ngai sa tềp kung ờ go\ di ku\p krơ\ khai. Ai ală dơ\ geh broă lơh kal ke, geh lơh glài jai ờ jai den bol a` geh lam lòt ku\p nàng lơh glài. Bal mờ hơ\ là lơh broă rơndăp lơh tơrgùm tam dră rơcang sơndră lài là uă ngan.

Bal mờ broă lơh bal jơh nùs ngan bơh mpồl kuang àng càr Daklak dê, Viện Kiểm sát nhân dân mờ Anih cah r`a làng bol ală kơnă tàm Daklak kờ` pal ai ală dơ\ nhơl bài sa priă cah r`a ờ ndơ\p mpồn, di cau di tìs, di jơnau cih bơh kơrnoat boh lam dê nàng gơcèng bơta bơto tơngkah.

Bal mờ hơ\, tơnguh jơnhoa rlau tai broă lơh mblàng yal ală rơnàng làng bol in, hòi jà oh kòn ờ go\ di đòm jat nhơl ală jơnau nhơl bài sa priă nàng jơnau nhơl bài sa priă ờ niam tàm Daklak hơ\ sồng geh kơryan gơtùi!

Cau cih mờ yal tơngi\t- Lơ Mu K’Yến