VOV4.K’ho- Tàm ală nam do, càr Daklak neh sền gròi tus broă lơh sền gàr Ù tiah niam chài cing mồng Tây Nguyên- Phan lời wơl niam chài ờ di mờ phan bơna bơh kòn bơnus gùt dunia dê. Hội đồng Nhân dân càr Daklak kung neh geh nghị quyết bè sền gàr, ngui niam bơta niam chài cing mồng tơngai bơh nam 2016- 2020. Bè hơ\, nghị quyết do neh ngan ngồn gơ lòt mu\t tàm rài kis bè lơi? Ồng Đặng Gia Duẩn, Phó Kuang atbồ Sở Văn hoá- Thể thao mờ Du lịch càr Daklak yal nền cê bè do:

Ơ ồng, tàm ală nam do, càr Daklak sền dờng màng ngan tus broă lơh sền gàr mờ ngui niam bơta kuơ bơh tiah niam chài cing mồng dê. Bè hơ\, jơnau kờ` geh ai tàm tơngai tus là bè lơi, ơ ồng?

Ồng Đặng Gia Duẩn: “Sở Văn hoá- Thể thao mờ Du lịch càr Daklak neh dan mờ kuang bàng đơng lam bồ càr geh gùng dà broă lơh mờ dan mờ Hội đồng Nhân dân càr geh dùl nghị quyết tơngume is bè Sền gàr ngui niam bơta kuơ niam chài cing mồng bơh càr dê tơngai bơh nam 2016- 2020.

Pơn jat hơ\, ală jơnau kờ` tus nam 2020 bơh càr dê là geh pà phan ngui soh mờ dong kờl priă lơh broă ai pơgăp 75 mpồl cau dròng cing mờ mpồl cau đơs crih tam ya bơhiàn yau geh uă bơta tă pơgồp tàm broă sền gàr mờ ngui niam bơta niam chài cing mồng.

Lơh ngan geh rlau 70% [òn làng bol kòn cau tàm ù tiah càr dê geh cing mồng, 100% ală kơnhoàl, thị xã mờ [òn dờng pờ ală ơdu\ bơto dròng cing mồng mờ lơh niam wơl cing. 100% Hìu bơsram Dân tội Nội trú tàm ù tiah càr dê geh bơto jơnau gi\t wa\ mờ bơsram bơdìh tu\ jiơ bơsram tàm ơdu\ bè bơta niam chài cing mồng. Lơh jơh broă tơrgùm kờp mờ jòi tơrgùm ală jơnau cing yau mờ tơrgùm kờp dipal khà cau nghệ nhân bơto mờ khà cing mồng gam geh ngan ngồn tàm ù tiah càr dê”.

Mpồl dròng cing mồng kơnòm să

Tàm broă lơh sền gàr ù tiah niam chài cing mồng Tây Nguyên, càr Daklak neh sền gròi bơyai lơh bơto bơtê dròng cing mồng ai rơnàng kơnòm să in. Ồng đơs bè lơi bè broă lơh do?

Ồng Đặng Gia Duẩn: “Tàm rài kis ngan ngồn neh geh uă tiah neh rơcang lài pờ ală ơdu\ bơto bơtê dròng cing mồng mờ ơdu\ bơto yal yau, pơnyơu bè: [òn dờng Buôn Ma Thuột, kơnhoàl Krông Bông, Cư\ Mgar…Bal mờ hơ\, lơh jat nghị quyết tơngume bơh Hội đồng Nhân dân càr dê bè sền gàr mờ ngui niam bơta kuơ cing mồng càr dê, den bol a` sùm bơyai lơh pờ ală ơdu\ bơto bơtê dròng cing mồng ai rơnàng kơnòm să in, bal mờ broă pà phan ngui soh mờ pà cing.

Mơya, priă jền nàng lơh jat nghị quyết do den kung mìng geh dùl êt ngan dilah pơndrờm mờ bơta kơ\p kờ`, mờ bol a` lơh ngan dan mờ bơsong bơh pah nam. Tàm bơta geh ngan nàng đơs ngan dipal broă bơyai lơh pờ ală ơdu\, geh bal broă pà cing, pà phan ngui soh ai làng bol kòn cau in den là dùl êt ngan dilah pơndrờm mờ jơnau kờ` ngan ngồn mờ ờ hềt lơh jat di bè broă rơndăp lơh neh ai”.

Ồng Đặng Gia Duẩn tus bal dơ\ sơnđờm bơsram ơdu\ bơto dròng cing mồng ai kơnòm dềt in

Bulah gơnoar atbồ tiah do neh sền gròi tus broă lơh sền gàr mờ ngui niam bơta niam chài cing mồng, mơya broă lơh do kung gam tìp uă ngan kal ke. Jat ồng, jơnau kờ` pal bơsong tàm do là tàm broă lơi?

Ồng Đặng Gia Duẩn: “Bơta kal ke tu\ do, kal ke dờng ngan rlau jơh mờ jat a` hơ\ là jơnau gi\t wa\, mblàng yal tơnguh jơnhoa jơnau gi\t wa\. Bal mờ hơ\ là bơta sền gròi bơcri priă bè jơh ală bơta pràn, bè: bơta pràn bè kòn bơnus, phan bơna, priă jền nàng lơh broă do, mờ dilah mìng sền gròi tàm broă lơh tàm càr lơm, den là ờ hềt tơl, jat a` là jơh ală tiah, tơl [òn lơgar, gơnoar atbồ kơnă hơđơm tus gơnoar atbồ kơnă kơnhoàl, thị xã mờ [òn dờng pal ngan ngồn lơh broă bal den hơ\ sồng gơtùi lơh geh jơnau do.

Tàm tơngai tus, den gah Niam chài- Tàp pràn să jan mờ nhơl chờ kung geh lơh ngan dan mờ kuang đơng lam bồ càr, bal mờ bơta sền gròi bơh Đảng mờ Dà lơgar dê den kung kờ` mpồl bơtiàn pal lơh bal jơh nùs tàm ală broă lơh sền gàr mờ ngui niam bơta kuơ niam chài cing mồng nàng geh bơta sền gròi bơcri priă jơh bơta pràn bơh jơh gùt mpồl bơtiàn dê nàng mu\t lơh broă do, den hơ\ sồng gơtùi lơh niam rlau tàm tơngai tus”.

Ơi, dan ưn ngài ồng uă ngan!

Cau cih mờ yal tơngi\t- Lơ Mu K’ Yến