VOV4.K’ho-Bal mờ ală càr tàm Tây Nguyên, càr Daknông geh pơnrơ là kơnhoàl ù tiah mờng tam phan tàm bơta bơtàu tơnguh ală tờm chi tam pràn, bè: tiêu, kơphê, bơ, sầu riêng. Mơya, tơngai rềp ndo, Daknông gơ gơs là dùl tàm ală càr geh sac rwah nàng bơtàu tơnguh mờ sền gàr ală tờm chi lơh sơnơm kuơ ờ huan geh nàng drơng jơnau kờ` tàm lơgar mờ tăc mờ lơgar ndai. Do là gùng dà pa, lơh geh bơta bơtàu tơnguh mhar tàm broă lơh tam gơl rơndăp tăp sèng gah lơh broă sa sươn sre bơh càr dê.

Tơngai lài, broă bơtàu tơnguh kơnuh sơnơm đương quy tàm càr Daknông neh geh ală tềl tơngo\ pin dờn ngan.

Ồng Vũ Văn Thu, kis tàm [òn 2, xã Dak Nia, thị xã Gia Nghĩa, càr Daknông là cau geh bơta mờng chài jo\ nam tàm broă tam kơphê mờ tiêu. Tu\ do, ồng gam geh 2 lồ kơphê mờ 1 lồ tiêu lơh geh priă jền pơgăp 300 tơlak pah nam.

Bulah bè hơ\, tu\ gi\t Công ti Cổ phần Solavina, [òn dờng Hà Nội dê lơh broă bơtàu tơnguh tờm chi lơh sơnơm tàm càr Daknông jat rơndăp broă lơh bơh Thủ tướng Chính phủ dê, ồng Thu neh lùp anih lơh broă Công ti do dê tàm càr Daknông nàng lùp mờ lơh nền lơh broă bal tam kơnuh sơnơm đương quy.

Tàm broă rơndăp lơh bơtàu tơnguh tờm chi lơh sơnơm bơh Công ti Cổ phần Solavina dê, đơs loh: Công ti geh jòi ală bă ù geh ù tiah, trồ tiah niam, geh broă lơh sa kă bro bal mờ cau lơh broă sa jat broă lơh dong kờl chi sơntìl, phơng sih mờ jơh ală broă chài tam mờ sơngka sền gàr. Tơnơ\ tu\ tơnhàu, công ti geh blơi jơh phan lơh geh ai cau lơh broă sa in.

Tu\ do, ồng Vũ Văn Thu gam tam 1 lồ kơnuh sơnơm đương quy. Sươn chi neh 2 nhai gam kis dờng niam ngan. Ồng Vũ Văn Thu, pà gi\t:

“Dơ\ dùl là jat tàm cồng nha kơlôi sơnơng bơh ală cau jak dê, dơ\ bàr là ngui tàm jơnau mờ tơngume rơndăp broă lơh bơh Chính phủ dê mờ pe là bơta geh ngan bè ù tiah, trồ tiah tàm Daknông, bơh kờp du\ kơlôi sơnơng bơh ală anih tam chi lơh sơnơm dê, den a` sền go\ tam tờm chi lơh sơnơm geh priă jền uă rlau pơndrờm mờ ală tờm chi công nghiệp ndai.

Bơta [ươn là tơngai ai tơnhàu mìng dùl nam lơm, kờp jơh priă tă lơh là 190 tơlak, kờp jơh priă lơh geh là 420 tơlak priă. Bè hơ\ tàm 12 nhai là bol a` geh cồng rlau 200 tơlak priă tàm dùl lồ”.

Ồng Nguyễn Đức Cường, Kuang atbồ Công ti Cổ phần Solavina tàm càr Daknông pà gi\t, jat Nghị định sồ 176 bơh Chính phủ dê bè bơtàu tơnguh tờm chi lơh sơnơm, công ti bơcri ai bè sơntìl, phơng sih, ală broă bơto pơlam bơta chài ai làng bol lơh broă sa in mờ blơi jơh phan lơh gơs.

Gùng dà bơtàu tơnguh bơh công ti dê là pơgồp bal 4 nă cau, tàm hơ\ geh dà lơgar- cau jak, cau lơh broă sa sươn sre mờ mpồl lơh sa kă bro. Tàm nam do, Công ti Cổ phần Solavina tàm Daknông neh ờng rlau 1 tơlak sơntìl kơnuh sơnơm Đương quy nàng tam tàm ù tiah thị xã Gia Nghĩa mờ ală kơnhoàl: Cư\ Ju\t, Dak R’lấp bơh càr Daknông dê.

Jat jơnau đơs bơh ală anih lơh broă mờng chài gah do dê, tu\ do tàm gùt lơgar gam pal blơi bơh lơgar ndai rlau 70% phan ngui lơh sơnơm, tàm hơ\ uă ngan là kal ke ngan gơtùi gi\t geh bè bơta niam mờ anih lơh gơs. Ngan den tàng bè hơ\ mờ mpồl lơh sa kă bro neh geh gùng dà bơcri priă bơtàu tơnguh tờm chi lơh sơnơm lơgar Việt Nam geh priă jền lơh sa uă, lơh geh priă jền dipal, geh sùm ai làng bol lơh broă sa sươn sre mờ mpồl lơh sa kă bro in.

Bơh hơ\, geh phan ngui lơh sơnơm tăc mờ ală anih lơh gơs phan tàm lơgar, cèng tus cau ngui sa in ală phan bơna geh bơngă, niam ngan. Ồng Nguyễn Đức Cường, Kuang atbồ Công ti Cổ phần Solavina tàm càr Daknông, pà gi\t:

“Bơh lòt sền mờ sền swì bơh Viện Dược liệu dê kung bè bơh ală kĩ sư lơh broă sa sươn sre dê, den bol a` sền go\ ù tiah mờ trồ tiah bơh càr Daknông dê là gơdờp ngan mờ bàr pe bơta tờm chi lơh sơnơm jat rơndăp broă lơh bơtàu tơnguh tờm chi lơh sơnơm bơh Chính phủ dê.

Ngan den tàng bè hơ\ mờ bol a` kơ\p kờ` gơnoar atbồ tiah do bal mờ làng bol lơh broă sa mờ bơta lơh ngan jơh nùs nàng bơtàu tơnguh nàng geh gùng dà ai tờm chi lơh sơnơm Việt Nam in. Tàm nam do, bol a` geh gùng dà bơtàu tơnguh kơnuh sơnơm đương quy geh gơ gơs là tờm chi tam uă ngan rlau jơh bơh càr Daknông dê”.

Ồng Lê Quang Dần, Phó Kuang atbồ Sở Nông nghiệp mờ Phát triển nông thôn càr Daknông, pà gi\t: Bơh lòt sền bơh sơnrờp, càr Daknông geh bơta pràn nàng bơtàu tơnguh rlau 20 bơta tờm chi lơh sơnơm. Nàng bơtàu tơnguh gơtùi tờm chi lơh sơnơm kơ\ kơl jăp, tàm tơngai tus, càr Daknông geh rơndăp ù tiah tam tờm chi lơh sơnơm, mơkung pờ ală ơdu\ bơto pơlam cau lơh broă sa in bè bơta chài tam, pik tơnhàu mờ sền gàr phan tơnơ\ tu\ tơnhàu.

Càr kung gờ` geh gùng dà broă lơh krơi is nàng bơtàu tơnguh tờm chi lơh sơnơm. Mờ gùng dà do, tàm tơngai tus, càr Daknông geh ngui niam bơta pràn jak ală tờm chi lơh sơnơm kuơ, lơh geh tu\ tơngai niam ai làng bol in lơh geh uă tai priă jền mờ lơh niam wơl broă sền gàr pràn kơldang să jan, pơgồp bơnah lơh geh uă tai priă lơh geh ai kes priă càr dê in. Ồng Lê Quang Dần, đơs ngan bè do:

“Daknông là dùl tàm ală càr geh uă bơta pràn jak nàng bơtàu tơnguh tờm chi lơh sơnơm, dipal mờ gùng dà mờ bơta đơng lam bơh Thủ tướng Chính phủ dê. Broă bơtàu tơnguh tờm chi lơh sơnơm là dùl gùng dà di pal, pơgồp bơnah tàm bơta bơtàu tơnguh brê kơ\ kơl jăp tài bơh tờm chi lơh sơnơm gơ ơm bal rềp mềl ngan mờ brê geh is.

Ngan den tàng bè hơ\, gùng dà broă lơh bơh gah lơh broă sa sươn sre dê kung là geh pơgồp bal mờ gah lơh sơnơm, geh ngai sơlơ rề ơnàng lơh uă ală broă, ală tờm chi lơh sơnơm tàm ù tiah càr dê”!

Cau cih mờ yal tơngi\t- Lơ Mu K’ Yến