VOV4.K’ho – 15 nam do, neh geh mờr 250 dơ\ hìu nhă r[ah, hìu nhă geh sră dong kờl bơh dà lơgar mờ git nđờ jơt rbô dơ\ kơnòm bơsram – cau bơsram dờng tàm càr Daknông geh càn priă dong kờl priă cồng bơh Ngân hàng Chính sách xã hội dê. Kơnờm ngui priă càn di mờ jơnau kờ`, geh cồng nha, den tàng neh pơ gồp bơnah dong mờr 46 rbô hìu nhă jơh r[ah:

Hìu nhă mò Nguyễn Thị Linh, ơm tàm [òn Xuân Trang, xã Đức Minh, kơnhoàl Dak Mil geh rài kis kal ke ngan. Ală nam do, dùl nă mò Linh pal glar bòl ròng 9 nă kòn mờ bơklau sùm gơtìp kòp jê. Ală kòn ồng mò dê tryăng trỳông bơsram sră den tàng geh cồng nha bơsram jak ngan. Nam 2010, dùl dơ\ le\ 2 nă kòn ồng mò dê ndrờm gơ kờn pơr lòng mut đại học, hìu nhă mờ cau tàm [òn ndrờm chờ hờp ngan mơya mò kung ờ suk tài ờ git ai priă bơh lơi nàng kơlôi rơcang tàm ală nam bơsram ngài hìu nhă.

Tàm tu\ bè hơ\, priă ai càn bơh sơne\ ngân hàng Chính sách xã hội dê neh gơ gơs là bơta dong kờl, dong ală kòn mò Linh dê geh priă nàng kơlôi rơcang tàm rài kis mờ neh jơh bơsram đại học. Mò đơs: “Hìu a` dê r[ah ngan mờ gal kòn tai, den kơnờm ngân hàng chính sách dong hìu nhă a` in càn geh 54 tơlak priă. Tus nhai kờp bal mờ priă tềm pềr tai là 370 tơlak priă pah nhai den tu\ do, 2 nă kòn a` dê neh bơsram tus gùng tus dà mờ neh jơh bơsram.”

Là cau atbồ mpồl tềm pềr ai càn priă neh 15 nam do, mò Trần Thị Huỳnh ơm tàm [òn Dak Hoà 1, xã Dak Hoà, kơnhoàl Dak Song sùm geh ai bơta pin dờn bơh làng bol tàm [òn lơgar dê. Ală nam do, mò Huỳnh neh pơlam 40 hìu nhă tàm [òn lơh sră nàng càn priă bơh Ngân hàng Chính sách Xã hội càr Daknông nàng bơcri lơh broă lơh sa, tơmù kal ke tàm rài kis, mờ khà priă ai càn 1 tơmàn 475 tơlak priă. Kờ` atbồ niam priă ai càn, pah nhai, ală cau tàm mpồl sùm rơcang lài tơm priă cồng tơl làm hờ Phòng lơh broă Ngân hàng Chính sách xã hội kơnhoàl Dak Song dê. Mò Trần Thị Huỳnh pà git, jơh ală cau tàm mpồl ndrờm ngui priă càn di mờ jơnau kờ`, uă hìu nhă neh jơh r[ah mờ brồ guh lơh pas: “Sền bal ală cau tàm mpồl lơh jat niam ngan, ờ lời dồs rlau ir mờ tơngai pơrgon tơm. Tus tu\ do, mpồl ai càn priă bơh [òn Dak Hoà 1, xã Dak Hoà dê jơh r[ah uă ngan, tàm hơ\ ờ uă cau lơh geh hìu đam dờng niam, blơi ală phan ngui tàm hìu nhă nàng drơng broă lơh sa ndrờm tơl làm jơh.”

Jat jơnau yal bơh sơne\ Ngân hành Chính sách xã hội càr Daknông, 15 nam do, broă lơh bơh sơne\ dê ngai sơlơ bơtàu tơnguh. Priă ai càn tus mờ hìu nhă r[ah mờ ală cau geh sră dong kờl bơh dà lơgar in ngai sơlơ gơguh uă, mờ khà gơguh kờp bal pah nam rlau 15%, tơnguh khà jơngkah dồs tus tu\ do là 2 rbô 147 tơmàn priă.

Bơnah priă ai càn do neh dong 246 rbô dơ\ hìu nhă r[ah mờ ală cau geh sră dong kờl bơh dà lơgar in càn nàng bơcri bơtàu tơnguh lơh sa, tơnguh priă jền lơh geh, ai geh broă lơh git nđờ rbô nă cau in; dong rlau 33 rbô dơ\ kơnòm bơsram, cau bơsram dờng tàm broă bơsram sră. Bal mờ hơ\, sơne\ Ngân hàng Chính sách xã hội càr Daknông kung lơh 2 rbô nơm hìu nùs nhơm pà hìu nhă r[ah in.

Jat jơnau đơs bơh UBND càr Daknông dê, bơh bơnah priă ai càn bơh Ngân hành Chính sách xã hội dê, rài kis làng bol dê neh hời rơ hời tam gơl, pơ gồp bơnah gàr niam broă lơh sa - mpồl bơtìan càr dê, pơ gồp bơnah tơmù khà hìu nhă r[ah càr dê bơh 33% tàm nam 2004 tu\ do gam 19,2%. Mùl màl là neh geh mờr 46 rbô hìu nhă jơh r[ah, tàm hơ\ rlau 13 rbô hìu nhă là làng bol kòn cau.

Ồng Đào Thái Hoà, Kuang atbồ sơne\ Ngân hàng Chính sách xã hội càr Daknông pà git, tơngai tus, ngân hàng pơnjat tai mut lơh broă lơh, jơnau kờ` bơtàu tơnguh lơh sa bơh càr dê, dong kờl geh cồng nha rlau tai cau r[ah, hìu nhă ndrờm bè cau r[ah mờ ală cau geh sră dong kờl ndai bơh dà lơgar dê, ngan là tàm ală tiah sar lơgar ngài, tiah nhàr dà lơgar: “Càr Daknông den khà hìu nhă r[ah gam uă, làng bol kòn cau gam uă. Tàm tơngai tus, bol a` pal lơh niam rlau tai bơngă cribơyai, ngan là tàm broă tơn jơh jơgloh tơmù r[ah mờ bơt bơtàu [òn lơgar pa. Bol a` pal ai priă càn bơh dà lơgar nàng dong làng bol r[ah, hìu nhă làng bol kòn cau geh càn. Sơlơ mblàng yal, pơlam, pơgồp bal mờ ală anih lơh broă, pơlam khoa học kỹ thuật tàm ală tiah sar lơgar ngài in nàng làng bol in mut ngui geh cồng nha priă càn. Kuơ màng là mblàng yal ală kơnă hơ đơm in nàng tơl nă cau in git broă dong kờl ai càn priă bơh Chính phủ mờ Đảng dê nàng ai càn priă tus mờ di cau.”

Mờ gùng dà, ală broă lơh hơ\, ală cau geh sră dong kờl bơh dà lơgar mờ cah r[ah tàm càr Daknông geh pơnjat tai geh uă bơta [uơn nàng dong càn priă dong kờl priă cồng bơh Ngân hàng Chính sách xã hội dê nàng bơtàu tơnguh broă lơh sa, gàr niam rài kis.

                                                         Cau cih mờ yal tơnggit K’Duẩn