VOV4.K’ho-Daknông gam là tiah pơn neh ngan bè broă tam uă ir tiêu dùl bă ur ar, lơh gơlik uă jơnau gơlời wơl, lơh aniai tus bơta niam phan bơna, pràn tàm pơrlòng tàm drà kă bro ờ jak. Tềng đap bơta hơ\, gơnoar atbồ mờ gah lơh broă geh gơnoar càr gam sồr rề ơnàng lơh uă broă lơh hợp tác xã lơh bal mờ mpồl lơh sa kă bro, cau jak, tam mờ kă bro ngui sa tiêu kloh. Do là tơngume tờm bơh Pơrjum mu\t lơh broă lơh bal bơtàu tơnguh ală bơta kuơ tiêu bơh Ủy [an Nhân dân càr Daknông bơyai lơh tàm lồi poh lài tàm kơnhoàl Dak Song.

Dak Song là tiah tam tiêu uă ngan bơh càr Daknông dê, mờ kờp jơh bă ù gơguh tus 7 rbô lồ. Tàm do neh geh bàr pe mpồl tam klac lơh bal mờ hợp tác xã tam tiêu kloh, mờ bơta lơh bal bơh gi\t nđờ rhiang nă cau lơh broă sa dê. Bơh sơn rờp làng bol neh lơh jat ală broă pơlam tam tiêu kơ\ kơl jăp jo\ jòng, bơh broă ngui phơng hữu cơ, cế phẩm sinh học, ờ huan ngan ngui phơng hoá học. Mơya, kal ke dờng ngan rlau jơh bơh ală hợp tác xã dê là priă nàng lơh mờ kă bro phan bơna.

Tàm Daknông neh crơng gơs Hợp tác xã lơh tiêu kloh

Ồng Ninh Văn Được- Chủ tịch Hội nông dân xã Thuận Hà, pà gi\t: bal mờ mờr 1.200 lồ, xã geh bă tiêu dờng ngan rlau jơh kơnhoàl Dak Song; bơh gùl nam lài, neh crơng gơs Hợp tác xã tam tiêu kloh, mơya kung gam uă ngan bơta kal ke:

“Tus tu\ do, làng bol gam tam tiêu kloh. Mơya, bè priă jền den làng bol tìp uă ngan kal ke, tài bơh càn priă jat bơta ai pa den ờ hềt tơl pràn jak. Kơ\p kờn là, dà lơgar, mpồl lơh sa kă bro bal mờ cau lơh broă sa lơh bal nàng mu\t lơh. Mpồl lơh sa kă bro lơh bal den kung kờn bơta bơcri ai măy mok làng bol in, bơto pơlam làng bol hơ\ sồng blơi phan bơna geh kơ\ kơl jăp jo\ jòng”.

Jat Nghị kuêt bơh Đảng [ộ kơnhoàl Dak Song dê, tus nam 2020, kơnhoàl geh 12 rbô lồ tiêu, tàm hơ\ 1/ 4 bă tiêu geh lơh jat gùng dà kơ\ kơl jăp jo\ jòng, 50 lồ tam jat tơl khà VietGap, 800 lồ tiêu ngui kông nghệ sinh học. Ồng Lê Viết Xuân- Phó Chủ tịch Ủy [an Nhân dân kơnhoàl Dak Song pà gi\t: pa do, mat “Tiêu Dak Song” neh geh Cục sở hữu trí tuệ, di {ộ Khoa học mờ kông nghệ dờp mờ pà logo nàng lir tềng kơldung phan bơna tu\ tăc tàm drà. Hơ\ là dùl bơta niam ngan ai gah lơh tiêu tiah do in:

“Tềng đap mat là pal lơh bè lơi ai làng bol in gi\t geh lơh tiêu kloh là bơta kis gơs tàm broă tam tiêu. Mờ khi pal gi\t geh lơh gơlik phan kă bro là pal geh bơta lơh bal, jat gùng dà tàm drà kă bro. Ală mpồl lơh sa kă bro den pal lơh bal mờ cau lơh broă sa tàm ală tu\ bơcri priă lơh bơh khi dê”.

Pơrjum mu\t lơh broă lơh bal bơtàu tơnguh ală khà priă tiêu tàm ù tiah kơnhoàl Dak Song bơh Ủy [an Nhân dân càr Daknông bơyai lơh tàm ngai 28/3 pa do, đơs ngan là: Tiêu là chi tam pràn ngan bơh Daknông dê, mơya tu\ do gam tam uă ir, ờ geh bơta kơ\ kơl jăp jo\ jòng. Tu\ do, jơh gùt càr Daknông geh rlau 27.500 lồ tiêu, uă rlau 4 dơ\ pơndrờm mờ rơndăp ù tiah ai tam. Jơh ală bă tiêu bơh làng bol lơh gơlik is sơntìl, ơn uă ir phơng hoá học, tuh dà ờ di pal, bal mờ bơta tam gơl trồ tiah, tu\ do geh pơgăp 500 lồ tiêu gơtìp kòp mờ chơ\t. Kàl do, tiêu lơh geh tàm Daknông pơgăp 36 rbô tấn, mơya khà priă tăc sùm gơmù uă ngan, mìng ndrờm mờ nggùl khà pơndrờm mờ nam lài, lơh cau lơh broă sa kơlôi rơcang ngan. Pơrjum neh gơ hòi gơ jà rlau 200 nă cau lơh broă sa, 20 mpồl lơh sa kă bro tus bal, bal mờ ală sở, gah sơnah lơh broă geh gơrềng tơrgùm cribơyai bè tơngume, gùng dà lơh bal tàm ală khà priă tiêu tàm tiah do tàm tơngai tus. Tàm do, neh geh 3 mpồl lơh sa kă bro ki\ sră hơ tam klac lơh bal mờ uă hợp tác xã tam tiêu tàm tiah do, mờ ală tơngume bè dong kờl phan ngui lơh broă, bơto bơta chài tam mờ sơngka sền gàr tiêu kloh, blơi jơh ală phan bơna tiêu bơh làng bol lơh broă sa dê lơh gơlik.

Ală mpồl lơh sa kă bro ki\ hơ dong kờl cau lơh broă sa lơh gơlik tiêu kloh

Đơng lam pơrjum do, ồng Trương Thanh Tùng- Phó Chủ tịch Ủy [an Nhân dân càr Daknông đơs ngan bè do:

“Broă tam uă tiêu dùl bă kơ\ kơl jăp jo\ jòng, lài ngan là pal lơh geh phan bơna tiêu kloh, lơh geh tơl khà VietGap halà GlobalGap. Kờn bè hơ\, bol he ờ go\ di lời làng bol lơh broă sa in lơh is tai, mờ pal tơrgùm geh bơta hòi jà ală mpồl lơh sa kă bro, ală cau jak lơh bal dong kờl cau lơh broă sa. Tàm nùs nhơm bè hơ\, càr đơng lam kràn cê jơh nùs ờ go\ di lời rề ơnàng bă ù tam uă tai, mờ mìng tơrgùm tàm bơta niam. Bol a` gam lơh gơlik bơta lơh bal đah mpồl lơh sa kă bro mờ cau lơh broă sa bơh mpồl tam klac bal mờ hợp tác xã”.

Cau cih mờ yal tơngi\t- Lơ Mu K’ Yến