VOV4.K’ho – Tàm ntum Dak Buk So, kơnhoàl Tuy Đức, càr Daknông pa bơyai lam lơh nhai lơh broă dà lơgar rơcang sơndră kòp HIV/AIDS nam 2016, geh bơta tus bal bơh gal ngan kuang bàng, cau lơh broă sa priă nhai, mpồl ling, kơnòm bơsram mờ làng bol tàm ntum. Mờ tơngume “ Wèt tus jơnau kừo` tơn jơh kòp AIDS tàm Việt Nam”, nhai lơh broă geh mut lơh tàm jơh ală ntum, sơnah [òn, [òn drà tàm gùt càr kờ` chul chồl bơta tus bal bơh gùt mpồl lơh broă gùng dră bal mờ gùt ntum mut lơh “ Rơndap broă dà lơgar rơcang sơndră kòp HIV/AIDS tus nam 2020 mờ wèt tus nam 2030”, tơnguh git wă bơh ală rơnàng làng bol, ngan là ală cau geh broă lơh pơhìn uă, cau kis tàm tiah sar lơgar ngài, tiah làng bol kòn cau bè rơcang sơndră, sền gròi mờ sơm kòp HIV/AIDS; tơmù bơta sền ờ sơp, tam cah is cau bơtờp HIV; tơnguh bơta niam broă geh dờp ală broă drơng ala bè rơcang sơndră, sền gròi mờ sơm kòp HIV/AIDS tus tơl nă làng bol.

                                                                        Cau cih mờ yal tơnggit K’Duẩn