VOV4.K’ho- Di ngai sa tềp bơhìan dà lơgar Mậu Tuất 2018, tàm xã nhàr lơgar Quảng Trực, kơnhoàl Tuy Đức, càr Dak Nông, ală mpồl lơh broă ling klàng neh bơyai lơh Broă lơh “nam pa tiah nhàr lơgar- bềng lìu nùs nhơm ling klàng làng bol”. Do là dơ\ nàng ală mpồl ling phàu crong càr Dak Nông dê ưn ngài, dong kờl làng bol ngan là ală hìu bơnhă geh khà dong kờl  bơh dà lơgar, hìu bơnhă r[ah mờ làng bol kòn cau  tàm tiah nhàr lơgar.

            Broă lơh neh gơ hòi gơ jà bơta tus bal bơh rlau 500 nă đoàn viên, mpồl ơruh pơnu tus bơh 16 anih lơh broă gơ wèt mpồl ling phàu crong ơm tàm ù tiah Dak Nông dê; Đoàn khối ală anih lơh broă; đoàn khối ală mpồl lơh sa kă bro, sơne\ Viettel Dak Nông mờ g^t nđờ jơ\t rơbô nă làng bol tàm kơnhoàl Tuy Đức dê.

            Ngai chờ tàm tiah nhàr lơgar neh bơyai lơh uă broă lơh kuơ màng bè: Lơh chờ lơh  sàl nhàr lơgar, pơrlòng bơt phan ndu gơnrơh nam 2018, dui\ ce, sơnđoh bào, tam chi kah ưn ngài Bác Hồ, chu ồs sàl tìp mat lơh kuèng bal mờ làng bol kòn cau tàm do… Kuơ màng ngan, Bộ chỉ huy ling klàng càr Dak Nông dê đơng lam dơ\ pơrlòng “ Ngai chờ kơnơm mbar tơlir” jơh ală kơnơm mbar, geh ală mpồl gơm tàm ngai lơh chờ tơn nàng pà ală làng bol kòn cau Mnông in tàm xã Quãng Trực.

Kung gơ ơm tàm broă lơh “ kơnơm mbar tơlir- bềng lìu nùs nhơm ling klàng làng bol” mpồl bơyai lơh neh tus tơl hìu bơnhă làng bol dê, pà mờr 800 phan, kờp jơh khà priă 500 rơbô tàm dùl bơnah phan pà, tàm hơ\ geh: phe, bong ngòk, dà màn, tơngi, mứt mờ 200 rơbô priă nàng dong làng bol kòn cau tiah nhàr lơgar tàm dơ\ sa tềp bơhìan Mậu Tuất nam 2018.

            Bi ùr Thị Bơi ( kòn cau Mnông), [òn Bu Prăng 1, xã Quãng Trực, pà g^t, do là dơ\ sơn rờp bi mờ làng bol tàm xã geh tus bal dơ\ lơh chờ- chờ hờp ngan, geh kuơ mờ bềng nùs nhơm ling klàng làng bol bè hơ\ ngan.

            A` mờ làng bol tàm xã Quãng Trực chờ hờp ngan tu\ tus bal broă lơh “ Nam pa tiah nhàr lơgar- bềng nùs nhơm ling klàng làng bol”. Do là broă lơh kuơ màng ngan dờng ngan ai làng bol kòn cau mờ làng bol tàm xã Quảng Trực in.

Kơ\p kờ` tàm tơngai tus, ală kơnă lơh broă sền gròi uă rlau, bơyai lơh uă rlau tai ală ngai chờ geh pơrya kuơ màng nàng làng bol xã Quảng Trực in geh tu\ tơ ngai tìp mat lơh kuèng mờ mpồl ling phàu crong mờ ală anih lơh broă, geh tu\ tơngai nhơl ală bơta chờ bơh yau mờ ală làng bol kòn cau ndai”

            Đại tá Võ Văn Hưng, Phó Chủ nhiệm Chính trị, Bộ Tư lệnh Quân khu 5 pà g^t: broă lơh “ Nam pa tiah nhàr lơgar- bềng nùs nhơm ling klàng làng bol”, kờ` blàng yal, bơto bơtê kuang bàng, cau ling, mpồl ling phàu crong g^t bè bơta niam pơnrơ bơh yau, bơta kuơ màng sa tềp bơhìan lơgar bơh jơi bơtìan kòn cau dê; kah kơlôi dà kơl hề Bác Hồ, hìu bơnhă geh màng mờ dà lơgar.

Mìng is nam do, broă lơh geh bơyai lơh tàm xã nhàr lơgar Quảng Trực, kơnhoàl Tuy Đức, càr Dak Nông, cèng geh pơrya kuơ màng ngan, bơdìh mờ broă dong kờl ală làng bol gam uă kal ke, den do kung là dơ\ nàng nùs nhơm ling klàng làng bol ngai sơ lơ tam klăc rlau tai, bơh hơ\ dong làng bol tàm tiah nhàr lơgar g^t wă kơnòl broă să tờm he dê tàm broă sền gàr gơnoar tờm tiah nhàr lơgar.

            “ Broă lơh “ Nam pa tiah nhàr lơgar- bềng nùs nhơm ling klàng làng bol” nam 2018, geh bơyai lơh tàm tiah nhàr lơgar ù gờl đah lơgar Việt Nam mờ Campuchia càr Dak Nông dê kờ` ai tơngo\ rùp să cau ling wa Hồ rê mờ làng bol tiah sar lơgar ngài, tiah pôs đồng kac màng nàng làng bol in pơn jat tai bal mờ mpồl ling phàu crong mờ gơnoar atbồ [òn lơgar gàr kơ\ gơnoar tờm tiah nhàr lơgar bơh dà lơgar dê. Ai làng bol in go\ kơnòl broă he dê tàm dơ\ chờ sa tềp, geh bơta pin dờn nàng gàr kơ\ gơnoar tờm dà lơgar tàm rài pa do.

            Jat mò Tôn Thị Ngọc Hạnh, Phó Chủ tịch UBND càr Dak Nông, broă lơh “ Nam pa tiah nhàr lơgar- bềng nùs nhơm ling klàng làng bol” nam 2018 neh ngan ngồn lời wơl nùs nhơm niam bơne\ ngan bơh cau ling wa Hồ dê tàm nùs nhơm làng bol kòn cau càr Dak Nông.

Kung bơh broă lơh do, cau kơnòm să, mpồl ling phàu crong càr Dak Nông, neh pơyoa jơnau tơng^t tus ală mpồl lơh broă chính trị- mpồl bơtìan kung bè gùt mpồl ơruh pơnu tàm gùt lơgar, pal sơm bat tê bal tơmù bà bơta kal ke mờ làng bol tiah sar lơgar ngài, ală hìu bơnhă geh rài kis kal kê nàng làng bol kòn cau in dùl nùs bal wă rò nam pa  hờm ram mờ geh uă bơta chờ hờp. Mò Tôn Thị Ngọc Hạnh đơs:

            “ Quân khu 5 rê tàm xã nhàr lơgar neh bơyai lơh broă lơh “ Nam pa tiah nhàr lơgar- bềng nùs nhơm ling klàng làng bol” neh ai tơngo\ nùs nhơm tam klăc bal đah ling klàng mờ làng bol càr Dak Nông dê. Là bơta tàm klăc ală jơi bơtìan kòn cau mờ ai tơngo\ nùs nhơm, kờ` gơboh bal dong làng bol tàm càr, làng bol kòn cau in geh sa tềp kuơ màng.

Ai làng bol kòn cau in g^t ngai sa tềp bơhìan dà lơgar mpồl bơtàin kòn cau dê nàng chờ hờp bal, tàm pà bal mờ dà lơgar nàng ai tơngo\ bơhìan niam bơne\ bơh jo\ rài kuơ màng làng bol dê.

            Nam pa Mậu Tuất neh tus, ală ntas tam ya bơh ală cau ling klàng mờ làng bol tiah nhàr lơgar Quảng Trực kềng gah gơnru ồs hơng sơlơ tơnguh rlau tai nùs nhơm tam klăc mpồl bơtìan kòn cau, dong làng bol tiah nhàr lơgar in iang nùs wă rò dùl nam pa hờm ram, chờ hờp boh gơbài tiah nhàr lơgar bơh dà lơgar dê.

Cau cih mờ yal tơng^t K’ Hạnh