VOV4.K’ho- Dơ̆ kah kơlôi làng bol chơt să mờ kuang bàng, cau ling chơt phi să tàm kòp dờng Covid-19 geh lơh tàm tŭ 8 jơ mang ngai 19/11 tàm 2 anih tờm là Công viên Thống Nhất, ƀòn dờng Hà Nội mờ Hìu pơrjum Thống Nhất, ƀòn dờng Hồ Chí Minh. Tàm Công viên Thống Nhất, ƀòn dờng Hà Nội geh 300 nă cau ala mat, ai tàm Hìu pơrjum Thống Nhất, ƀòn dờng Hồ Chí Minh geh 1 rbô nă cau ala mat tus bal. Bơdìh hơ̆ tai, ƀòn dờng Thủ Đức mờ ală quận, kơnhoàl kung geh bơyai lơh ală anih sơñio rùp tơn nàng sền dơ̆ pờ tơlik tơn dơ̆ kah kơlôi tàm Hìu pơrjum Thống Nhất. Tơl anih sơñio rùp tơn do geh mờr 100 nă cau ala mat tus bal. Tơngume broă lơh tàm Hìu pơrjum Thống Nhất geh: pờ 2, 3 rùp hin, phóng sự; jơnau đơs bơh Chủ tịch Ủy ban Mặt trận dà lơgar Việt Nam dê. Tơnơ̆ hơ̆, di 8 jơ 30 phuk mang, geh lơh dơ̆ kah kơlôi làng bol neh chơt să mờ kuang bàng cau ling neh chơt phi să tàm kòp dờng Covid-19.

Cau mblàng K’Duẩn