VOV4.K’ho-Bơh ngai 14-16/1, tàm càr Dak Nông geh lơh Dơ\ lơh chờ niam chài ồi yau Việt Nam dơ\ sơnrờp. Do là jơnau niam chài gơcèng pal mờ dà lơgar, nàng kờ` sền gàr mờ ngui niam bơta niam chài, phan ngui soh ờs mờng bơh yau ală kòn cau dê tàm gùt lơgar. Ală ngai do, bal mờ Mpồl bơyai lơh, nghệ nhân tà` ồi yau tàm ală [òn lơgar kung gam jơh nùs rơcang nàng lơh ai cau in sền bơhiàn niam chài bơh kòn cau he dê.

Lòt làm gùt ală [òn tàm Dak Nông tàm ală ngai do, dùl rài kis nùs nhơm duh hồl mờ hô hơng ngan rơcang ai Dơ\ lơh chờ niam chài ồi yau Việt Nam dơ\ sơnrờp geh bơyai lơh tàm thị xã Gia Nghĩa, càr Dak Nông.

Bi H’Bhem, cau M’nông ơm tàm [òn Bu Dak, xã tiah nhàr lơgar Thuận An, kơnhoàl Dak Mil, pà git, hìu bơnhă neh rơcang sơrbac mhar pik plai kơphê mờ sih tam jơh phan tam kàl mrềt prang, tơrgùm rơcang tus bal Dơ\ lơh chờ.

Nghệ nhân tà` ồi yau rơcang nàng tus bal dơ\ lơh chờ

Hìu dềt bơh hìu bơnhă bi dê bềng lơm bơrnơ\ tà` ồi, brài rùp dà bềng tơl, ală phan ngui nàng tà` ồi, ồi tà` ờ hềt gơs mờ ală ồi mbơn, àu soh, kơldung ìa geh tà` gơs neh lơh gơs geh dăp rơndăp tăp sèng ngan.

Bi H’Bhem ờ ru ngan mờ broă lơh gơs ală phan nàng ràng tơlik mơkung bơto tà` ồi ai 2 nă kòn ùr pa 13 mờ 15 sơnam in nàng tà` tàm dơ\ lơh chờ. Đơs bè bơta chờ hờp là dùl tàm ală nghệ nhân tus bal Dơ\ lơh chờ niam chài ồi yau Việt Nam dơ\ sơnrờp, bi H’Bhem kơ\p kờ` phan bơna tà` gơs bơh ală kòn cau dê geh gơ\p bơyô tàm lơgar mờ lơgar ndai gi\t.

Tus bal Dơ\ lơh chờ niam chài Ồi yau, a` kơ\p tìp mat lơh quèng, lùp bơsram ală kòn cau ndai tàm broă sềr bơka rùp tàm pang ồi mờ bơta kuơ bơh ală rùp bơka tềng phan ngui soh bơh yau ală kòn cau dê. Bơh hơ\ geh dong a` sơlơ lơh broă chài rlau mờ gi\t wa\ tai ală rùp bơka tềng ồi yau.

Bơh dơ\ lơh chờ niam chài ồi yau càr Dak Nông, a` kơ\p kờ` yal tơngi\t phan bơna ồi yau kòn cau M’nông dê tà` gơs tus mờ ală gơ\p bơyô làng bol ală kòn cau ndai nàng khi in gi\t bal lùp bơsram bal nàng kờ` ai ồi yau kòn cau M’nông dê sơlơ geh uă tai cau git, sơlơ geh uă kòn cau ndai in gi\t, kung bè gơ\p bơyô tàm lơgar mờ dunia in.

Tiah drà Gia Nghĩa, càr Dak Nông gơklo\ gơcrà ngan rùp să wa\ rò Dơ\ lơh chờ niam chài ồi yau Việt Nam

Jat mò Tôn Thị Ngọc Hạnh, Phó Chủ tịch UBND càr Dak Nông yal, dơ\ lơh chờ niam chài ồi yau Việt Nam dơ\ sơnrờp geh bơyai lơh tàm thị xã Gia Nghĩa, càr Dak Nông bơh ngai 14- 16/1 tus do là jơnau niam chài gơcèng pal mờ dà lơgar.

Bơh dơ\ lơh chờ nàng kờ` ngui niam bơta chài, phan ngui soh ờs mờng bơh yau bơh làng bol ală kòn cau tàm gùt lơgar dê đơs bal mờ tàm ù tiah càr Dak Nông dê đơs is.

Bal mờ dơ\ sơnđờm lơh, tơn jơh, dơ\ lơh chờ geh uă broă lơh li la ngan, lơh gơkờ` ngan cau bè soh phan kòn cau rài pa tu\ do geh tà` gơs bơh ồi yau, ù tiah niam chài ồi yau Việt Nam mờ ù tiah phan sa, cribơyai niam chài ồi yau Việt Nam mờ dơ\ lơh chờ gùng drà.

Ùr hàng Hoàn vũ Việt Nam nam 2017- H’Hen Niê geh tus bal dơ\ lơh chờ niam chài ồi yau Việt Nam tàm Dak Nông

Tàm dơ\ lơh chờ ồi yau, ùr hàng Hoàn vũ Việt Nam nam 2017 là bi H’Hen Niê, cau kòn bơh làng bol kòn cau Rơđê dê kung geh tus bal sơl nàng pơgồp bơnah pơn jờng bơta niam ồi yau Việt Nam dê.

Bol a` gam kờp sền ală broă lơh du\t ndơl bè phan bơna, ù tiah, lơngăp lơngai rơndăp tăp sèng, kung bè ală bơta kòn bơnus nàng tus bal dơ\ lơh chờ. Sền bal bol a` neh jơh rơcang sir.

Mờ ală cồng nha lơh geh tàm dơ\ pơrlòng dunia pa do den rùp să bơh H’Hen dê kung bè ală dơ\ lòt lơh mờ khai tus bal lơh là ờ ru ngan. Khai neh dờp jơnau jà mờ tus mờ bol a` tàm mang sơnđờm lơh den digơlan là rùp să bơka tềng ồi yau bơh làng bol kòn cau dê, kuơmàng là kòn cau Tây Nguyên dê geh pơn jờng mờ lơh niam rlau tai.

Cau mblàng Lơ Mu K’Yến