VOV4.K’ho – Dơ\ lơh yàng hòi mìu bồ kàl là dùl tàm ală bơhìan niam ngan bơh làng bol kòn cau M’nông dê, nàng hòi dan trồ tiah mìu nhàc niam, [òn lơgar geh uă bơta niam bơne\. Dơ\ lơh yàng ai go\ bơta kơp kơ nờm deh dùh mòn gơs, chi che cat cồng lì bơkàu, kòn bơnus pràn kơldang mờ kơp kờ` bơt bơtàu [òn lơgar ngai sơlơ pas sơm, niam bơne\, hờm ram.

Lồi kàl prang duh, tu\ trồ tiah sơn đờm geh tềl tơnggo\ geh mìu, cau M’nông sùm bơyai lơh yàng hòi mìu. Làng bol sơnơng là, dilah ờ kờ` ală yàng gơ jra`, lơh gơs kơnàs còng digơlan cèng wơl uă bơta rềs àr aniai, den pal lơh yàng nàng rac dan mờ yàng dong kờl, ai pà ală bơta niam bơne\.

                                                   Cau bơ jơu lơh yàng tàm hìu

Bơhìan lơh yàng hòi mìu bồ kàl sơn đờm mờ dơ\ lơh yàng tàm hìu. Ală phan pơdơng lơh yàng geh: Dùl nơm iar dam gam kis, dùl bơngàn piang, dùl bơngàn mbar, 2 bơngàn ơlak, 2 bơngàn poac sur, dùl nơm bồ sur, tơrnò iar, 2 drap tơrnờm ơn tềng 2 gah tờm gơ nơng geh lơh tàm gùl hìu.

Tu\ neh tơl ală phan pơdơng lơh yàng, cau bơ jơu sơn đờm lơh yàng hòi mìu bồ kàl. Cau bơ jơu koh mhàm iar dam bơrlu\ bal mờ ơlak, mờ rac là: “Ơ yàng, ngai do a` jà ală yàng rê bal nàng sa poac sur, `ô bal tơrnờm tàm drap, sền go\ bal mờ ai pà lơngap lơngai làng bol tàm [òn in. Dan yàng dong kờl ai kòn sau in pràn kơldang, ai pà pòr ơn tàm lềng sùm bềng lìu, piang tàm glah ờ lời gơtìp rơ ìu. Gùt nam, yàng pà bơta niam, bơta ring lơngai; ờ ai bơta jơgloh tơ hìr, kơp kờ` kòi geh bềng drong, tơngời bềng hìu, bềng anih…”

Rac yàng ndang, cau bơ jơu ai tơrnò iar ndang nàng tram tàm bơngàn ơlak hơ\ sồng bong tàm ală phan ngui bè: `jrong hìu, nir, yoas, wơu, mpồng hờ đap, mpồng đah tơnơ\, ntùng… nàng hòi dan yàng sền gàr pràn kơldang să jan kòn bơnus, ai pà hìu bơnhă in geh ring lơngai, pleh tơl bơta aniai, rềs àr tàm lơh broă, lơh sa.

                                   Cau bơ jơu lơh yàng hờ bơdih

Tơnơ\ dơ\ lơh yàng tàm hìu, tơl nă cau lòt jat cau bơ jơu lik hờ bơdĩh [làng hìu, tiah geh tờm gơ nơng nàng lơh yàng hờ bơdĩh. Mpồl dròng cing lòt gùt dar tờm gơ nơng mờ dròng cing hòi jà yàng mờ ală gơn rơh rê tus bal, sền dơ\ lơh yàng mìu bồ kàl. Cau bơ jơu ai tơrnò iar tram tàm bơngàn ơlak geh bơrlu\ mhàm iar nàng bong tềng tờm gơ nơng ndang, mờ đơs jơnau rac dan ală yàng dan geh sơn đờm lơh chờ ndang.

Mpồl dròng cinảngòng jơnau “Mut lơh chờ”, mpồl tamya kung sơn đờm ală jơnau tamya bơhìan yau… Tàm sap ntas sơng gơs chul chồl, sap driau dờng, pơn jờng bơh tơl nă cau, bơh klau pơnu pràn kơldang hàu tờm gơ nơng neh geh bong tơngi nàng ai geh phan pà geh ơn tàm sơ\ dềt. Cau ai geh phan bơh sơ\ dềt den geh ai piang tàm sơ\ nàng rơ sĩh gùt dar, kơp kờ` ală kòn iar, kòn sur… geh phan sa, deh kòn ngai sơlơ uă, [òn lơgar hờm ram, tơl sa, tơl ngui.

Tơnơ\ hơ\, cau bơ jơu mut wơl hìu [ềp nàng pơn jat tai bơhiàn lơh yàng, dan ală yàng pà ală dơ\ mìu niam, phan tam tơnhàu geh uă, chi che cat cồng lì bơkàu, [òn lơgar ngai sơlơ pas sơm, niam bơne\.

Tơn jơh ală bơhiàn lơh yàng, tơl nă cau nggui bal mờ gơp `ô tơr nờm, dròng cing mồng, tamya đơs pơnđik kòn cau M’nông, gờm chờ wă rò ală bơta niam bơne\, bơtuah tàm rài kis.

                                                                               Cau mblàng K’Duẩn