VOV4.K’ho - Ală ngai lồi nam 2017, mpồl bơtiàn ờ su\k ơm tềng đăp mờ dơ\ pù pờng 1 nă kòn dềt tàm 1 hìu sền gàr kòn dềt tàm xã Dak Wer, kơnhoàl Dak Rlấp, càr Dak Nông. Kờ` kơrian ală broă lơh iơh bơsăk do, cau te\ khà càr Dak Nông kơ\p kờ` gơnoar atbồ [òn lơgar bal mờ gah, mpồl lơh broă geh gơnoar pal sền wơl, ba` ai lơh broă ală hìu sền gàr kòn dềt ờ hềt tơl ală bơta niam.

Bu\ lah broă do neh go\ rơlao 10 ngai, mơya nùs nhơm gơjra` mờ ờ su\k ơm bơh mpồl bơtiàn bè dơ\ pù pờng kòn dềt tàm xã Dak Wer, kơnhoàl Dak Rlấp, càr Dak Nông kung gam ờ hềt jơh sơl.

Mùl màl tàm drim ngai 27 nhai 12 nam 2017, 1 gơl video geh làng bol pờ tàm internet bè broă 1 nă kòn klao dềt 2 sơnam gơbàn cau sền gàr pù pờng. Rùp lơma geh ai go\ 1 nă cau ùr geh sền là cau sền gàr kòn dềt sùm geh ală broă yờ sơngyờt kòn cau dềt, ai tê pah uă dơ\ di tềng bồ tàm tu\ kòn klao dềt nggà `ìm ngòt rơngơ\t ngan.

Kòn klao dềt gơbàn pù pờng tàm gơl lơma geh măt sơnđan là Đỗ Đắc Minh Đăng, deh ngai 13 nhai 1 nam 2015 tàm [òn 13, xã Dăk Wer, kơnhoàl Dak Rlấp. Cau ùr pù pờng geh go\ tàm gơl lơma là mò Phạm Thị Vấn, deh nam 1957, neh geh tơngai lơh broă sền gàr kòn dềt mờr 10 nam tàm xã Dăk Wer.

Pơgăp mờ do 1 nam, mò Vấn ơpah hìu ơm tàm [òn 6, xã Kiến Thành kờ` lơh broă sền gàr kòn dềt. Mò gam dờp sền gàr di pơgăp 13 nă kòn dềt, mìng là ală kòn dềt bơh 2 tus 3 sơnam.

Bi Đỗ Đăc Dương, bèp tòm bơh oh Minh Đăng yal, hìu nhă bi neh pơyoa kòn mờ mò Vấn in sền gàr mờ 1 tơlăk priă tàm 1 nhai bơh nhai 8 nam 2016 tus tu\ do. Tơnơ\ mờ tu\ sền jơh gơl video, bi Dương gơlơh nùs nhơm ờ su\k ngan mờ neh lơh sră pơyoa tus kuang bàng xã Kiến Thành, kơnhoàl Dak Rlấp kờ` yă.

Jăt Phòng Giáo dục kơnhoàl Dak Rlấp yal, tu\ do geh 43 hìu mờ anih sền gàr kòn dềt cau 1 nă să lơh is, tàm hơ\ mìng geh 19 anih sền gàr kòn dềt geh ai sră lơh broă. Broă atbồ mpồl kòn dềt bơdìh mờ broă dà lơgar ai lơh gam tìp uă ngan kal ke.

Tàm hơ\ geh bal broă cau mè, cau bèp bal mờ ală hìu sền gàr kòn dềt ờ lơh broă bal den tàng neh lơh broă atbồ gơbàn kal ke. Mò Vũ Thị Hiến, Phó kuang atbồ Phòng Giáo dục kơnhoàl Dak Rlấp pà g^t:

-Mìng is gơwèt mờ mpồl kòn dềt bơh mò Phạm Thị Vấn mờ neh geh ală gơl video ai go\ tàm internet den Phòng Giáo dục kung neh geh 2, 3 dơ\ tus kờ` sền gròi mờ g^t ală jơnau tơngo\. Mơya, bơta kờ` ai lơh broă den ờ hềt tơl, lời gơbàn bơta bè do den do kung là 1 bơta ờ di ngan, ờ tơl broă sền gròi bơh Phòng dê bè broă lơh bol a` dê.

Mò H’ Nhớ, Phó Chủ tịch UBND kơnhoàl Dak Rlấp pà g^t, đah kơnhoàl, tơnơ\ mờ tu\ neh g^t jơnau yal, gơnoar atbồ tàm do bal mờ ală gah, mpồl lơh broă neh sền gròi, ai jơnau lùp khào mờ lơh broă tơn mờ mò Phạm Thị Vấn, do là cau neh geh ală broă pù pờng aniai kòn dềt.

Kung jăt mò H’ Nhớ yal, bu\ lah ờ ờ geh kờp jơh tơl, mơya bơh broă gơbàn do pal mhar sền wơl jơh ală hìu sền gàr kòn dềt tàm kơnhoàl, go\, ba` ai lơh broă ală hìu ờ geh ai sră lơh broă mờ ờ hềt tơl bơta niam ờ ai sră lơh broă tàm tơngai tus:

-Tơnơ\ mờ tu\ sền gơl video, să tòm a` gơlơh do là broă ngòt rơngơ\t ngan, pal yă, tìs mờ gơnoar kòn dềt, đah UBND kơnhoàl, bol a` geh pơn jăt tai đơng lam bè broă atbồ ală mpồl kòn dềt bơdìh mờ dà lơgar ai lơh, jăt di mờ kơrnoăt adăt boh lam dê. Mùl màl là sồr UBND xã, thị trấn sền gròi, sền wơl mờ ba` ai lơh broă mơ ală hìu sền gàr kòn dềt lơh is, ờ hềt geh ai sră lơh broă tàm kơnhoàl.

Kung tàm nhai 12 nam 2017, Bộ Lao động – Thương binh mờ Xã hội neh mùl màl ai ngui sồ điện thoại dà lơgar sền gàr kòn dềt mờ geh 111 sùm geh dờp, bơsong jơnau yal, jơnau yă bè broă di gơlan gơbàn lơh aniai tus mờ kòn dềt.

Sồ điện thoại do là broă lơh kuơ màng, tơnơ\ mờ tu\ geh dờp jơnau yal geh pơgồp bal mờ ală mpồl lơh broă geh gơnoar kờ` sền di lah ờ jơnau yal; ai jơnau yal, pơlam bè adăt boh lam, broă dong kờl, bơta găc ngar lơh jăt gơnoar kòn dềt, pơlam bè nùs nhơm ai kòn dềt in; ai geh broă sền gàr kòn dềt…

Làng bol kung pal rơcang jơnau yal, kờ` tus bal mờ gùt mpồl bơtiàn sền gàr kòn dềt, ai ală cau tìs l^k cah rơ`a tềng đăp mờ adăt boh lam.

Cau cih mờ yal tơng^t Ndong Brawl