VOV4.K’ho- Tàm Hà Nội, Đoàn ơruh pơnu Cộng sản Hồ Chí Minh dà lơgar bơyai lơh pơrjum ai jơnau đơs tă pơgồp bơh ală kuang bàng đơng lam tờm Đoàn, Mpồl tam klăc ơruh pơnu Việt Nam, Mpồl cau bơsram dờng Việt Nam, Mpồl duh broă Đội dà lơgar tàm rơndăp cih ală sră nggal sền yal tàm Pơrjum dờng cau ala măt gùt lơgar dơ\ 13 bơh Đảng dê.

Tàm pơrjum, ồng Nguyễn Anh Tuấn Bí thư duh broă sùm Đoàn ơruh pơnu dà lơgar bơto pơlam, ală jơnau đơs tă pơgồp pal tơrgùm tàm ală broă bal tàm ală sră nggal sền yal tàm Pơrjum dờng dơ\ 13 bơh Đảng dê, bè tơngume, gùng dà đơng lam, jơnau kờ`, ală tềl kah pơnrơ ngan tàm tu\ lam lơh jăt Kơrnoat Pơrjum dờng dơ\ 12; jơnau bơh tài gơbàn, jơnau bơsram mờng chài; nùs nhơm đơng lam, pơlam gùng dà bơtàu tơnguh dà lơgar tơngai bơh nam 2021- 2030, wèt sền tus nam 2045 gơlik bơh bơta geh ngan tàm tu\ lơh jăt tàm tiah he dê, anih lơh broă, mpồl lơh broă, tàm hơ\ geh ală broă bè broă lơh Đoàn, Mpồl, Đội, ơruh pơnu Việt Nam.

Tă pơgồp jơnau đơs tàm rơndăp cih sră nggal, ală cau ala măt đơs nền: rơndăp cih Sră nggal neh ai tơlik geh ală pơlam gùng dà mờ broă lơh tàm broă sền dờng màng ngui cau jak, là broă tam gơl sơrbac mhar, tơngo\ bơta sền sơnơng mờ bơta sền gròi bơh kuang bàng đơng lam Đảng mờ Dà lơgar dê. Bơh hơ\, pờ tơlik tu\ tơngai niam ai “mpồl cau lơh broă kơnòm să jak chài” in geh tă pơgồp dà kơlhề mờ tă pơgồp bồ tơngoh jak, broă lơh jak kung bè lơh jăt kơnòl bơh ală cau kơnòm să dê gơ wèt mờ dà lơgar. Ală cau ala măt đơs là, tàm rơndăp cih Sră nggal pal cih loh ală gùng dà broă lơh dong kờl loh làng lơh gơlik bơta gơn kơnờm nàng gơhòi gơ jà mpồl cau lơh broă kơnòm să jak chài jăt gùng dà sền gròi dipal tus bơta kuơ lơh sa nàng cau jak lơh nền lơh broă jo\ jòng sùm, tă pơgồp dà kơlhề bal mờ anih lơh broă, mpồl lơh broă.

Jăt Tiến sĩ Trương Ngọc Kiểm, Bí thư Đoàn Hìu bơsram Đại học Dà lơgar Hà Nội, đơs là: pal tam gơl pa sră nggal, tơl làm bơto bơtê bơtàu tơnguh mpồl cau lơh broă geh bồ tơngoh jak ngan. Tiến sĩ Trương Ngọc Kiểm, đơs: Pal lơh uă ală bơta bơto bơtê, ai tơl bơta [ươn nàng jơh tơl nă cau, tàm tơl sơnam geh bơsram sùm, bơsram sùm. Bal mờ “rơndăp tăp sèng, tam gơl pa jơh ală anih bơto bơtê lơh pơgru” bè tàm Rơndăp cih Jơnau yal chính trị neh đơs, sồr bơtơl gùng dà broă lơh bè bơta dong kờl nàng crơng gơs bàr pe anih bơto bơtê lơh pơgru geh bơta jak uă. Do là jơnau gơ sồr bơh ală tu\ tơngai tam gơl pa jơh, tơl làm bơto bơtê tàm bơta lơh sa drà kă bro jăt gùng dà rài làng bol lơh tờm mpồl bơtiàn ring bal mờ mu\t gơrờm bal mờ dunia; dipal mờ bơta is rơmis bơh broă bơto bơtê lơh pơgru dê.

Bàr pe jơnau đơs, đơs la tàm sră nggal bơh Pơrjum dờng dơ\ 13 dê pal sền gi\t ală broă lơh bơtàu tơnguh mhar bè broă lơh bơtàu tơnguh lơh sa- mpồl bơtiàn tiah làng bol jơi bơtiàn kòn cau jăt gùng dà tàm pơdar gùng bơh “gơmù r[ah” tus “lơh pas”. Jăt Tiến sĩ Hà Việt Quân, Kuang ătbồ Vụ Lơh broă bal Dunia- Ủy ban Jơi bơtiàn kòn cau, Kuang geh jơng tàm Ủy ban Mpồl Tam klăc ơruh pơnu Việt Nam dê đơs: Tàm rơndăp cih jơnau yal chính trị neh sền gi\t: Sền dờng màng bơta is rơmis bơh tơl tiah jơi bơtiàn kòn cau dê tàm rơndăp gùng dà mờ lam lơh jăt broă lơh jơi bơtiàn kòn cau. Geh gùng dà lơh tơnguh bơta niam, bơta kơ\p kờ` pơđơl pràn is, brồ guh is bơh làng bol ală jơi bơtiàn kòn cau dê bơtàu tơnguh lơh sa- mpồl bơtiàn. Den tàng bè hơ\, pal tơrgùm bơcri priă uă rlau ai ală cau jơi bơtiàn kòn cau in gi\t bơceh pa bơtàu tơnguh lơh sa kă bro mờ lơh pas. Tàm hơ\, mpồl ơruh pơnu là mpồl cau tờm.

Ồng Hà Việt Quân, đơs: Pal wèt tus ală cau, ală broă lơh gi\t gùng dà lơh sa, lơh pas tàm tiah làng bol jơi bơtiàn kòn cau. Pơnrơ là ală ơruh pơnu jơi bơtiàn kòn cau sơnđờm mu\t lơh broă sơnđờm mu\t lơh sa kă bro geh cồng nha nàng khi gơ gơs là ală cau lam lài, cau tờm bơtàu tơnguh lơh sa- mpồl bơtiàn tàm tiah do dê. Tài bơh dilah tơrgùm tàm ală cau gi\t gùng dà lơh sa den khi geh dong kờl is ai mpồl bơtiàn in nàng bơsong jơnau khi dê, bol he pal sền gi\t tàm sră nggal ală tơngume gùng dà tàm pơdar gùng bè broă lời cau jơi bơtiàn kòn cau in bal mờ dà lơgar dong kờl khi gam tàm dong kờl is bal mờ gơ\p.

Mò Trương Thị Mai Kuang ătbồ Mpồl lam sồr làng bol dà lơgar đơs tàm dơ\ pơrjum

Đơs tàm pơrjum, mò Trương Thị Mai, Ủy viên Bộ Chính trị, Bí thư Đảng dà lơgar, Kuang ătbồ Mpồl lam sồr làng bol dà lơgar đơs là: tàm rơndăp cih sră nggal, bơnah bè rơnàng cau kơnòm să geh bơta ring bal uă ngan, sền gi\t ơruh pơnu geh gơnoar broă, kơnòl broă là mpồl cau tờm bơh dà lơgar dê. Tàm pơrjum neh geh jơnau đơs đơs bè bơta lòng, bè mpồl cau lơh broă, bơta lòng bè cồng nha lơh broă, bè bơta pràn jak tàm pơrlòng, bơta lòng bè khà gơguh lơh sa, bơta lòng bè tam gơl pa bơceh pa. Mò Trương Thị Mai đơs niam ngan ală jơnau đơs tă pơgồp tàm rơndăp cih sră nggal pơrjum dờng dơ\ 13 bơh ală kuang bàng đơng lam bồ đoàn mờ ơruh pơnu pơnrơ jak dê, mơkung đơs nền: mpồl ơruh pơnu sùm geh sền gi\t kơnòl broă là mpồl cau tờm tơnơ\ do bơh dà lơgar dê. Den tàng bè hơ\, tàm rơndăp cih sră nggal pơrjum dờng dơ\ 13 bơh Đảng dê, bơtàu tơnguh mpồl cau lơh broă mờ rài niam chài kòn bơnus Việt Nam là ală tơngume geh ơn tàm ală bơta bơtàu tơnguh mhar tàm tu\ tơngai tus.

Cau cih VOV1- Cau mblàng Lơ Mu K’Yến