Gah lơh broa\  bal pria\ jền-gah lơh broa\ sa mờ bơtàu tơngguh dà lơgar-gah rơndap broa\ mờ bơcri pria\ dà lơgar pa tơlik kơrnuat bal geh pơlam mut lơh jat kơrnuat sồ 131 nam 2009 bơh kuang gơs…dà lơgar bè ờ ua\ broa\ lơh geh dong lài,  pơnjờng bơcri mờ atbồ, ngui tơnhàu broa\ lơh khà lơh dà sàng kloh bòn lơgar.

Jăt hơ\, ală broă lơh lơh dà sàng kloh bòn lơgar in tơr gùm lơh nàng ai làng bol tàm bòn lơgar in geh Dà lơgar ờ sa priă ai apah ù. Ù geh apah ai lơh broă lơh dà, tàm hơ\ geh: Ù nàng lơh broă lơh tơnhàu mờ lơh niam dà; ù lơh gùng ding dà mờ broă lơh tàm ală gùng ding jun dà mờ ală broă dong kờl ătbồ, lam ngui ală anih lơh dà bè hìu lơh sră nggal, hìu atbồ, đơng lam, hìu măi, hìu prăp phan, măi moc\, phan ngui lơh broă.

Gơ wèt mờ dong kờl bè priă dia priă lơh geh bơh mpồl lơh sa kă bro dê mu\t lơh jăt jơnau cih bơh adăt boh lam dê bè priă dia priă lơh geh bơh mpồl lơh sa kă bro dê tàm tơngai gơlik geh.

Kung jăt Kơrnuat bơto pơlam, ală broă bơcri priă lơh pa, lơh niam wơl ală broă lơh ai pà dà sàng kloh bòn lơgar tơr gùm bal jăt rơndăp ù tiah geh kơnă geh gơnoar ki\ geh kes priă dà lơgar tàm hơ\ geh kes priă bơh dà lơgar, kes priă bòn lơgar mờ priă dong kờl dunia dê, dong kờl jăt ală khà bè do: ờ uă rlau 90% kờp jơh priă kờp du\ broă lơh geh kơnă geh gơnuar ki\ tus mờ ntum uă kal ke, tiah làng bol kòn cau mờ tiah kơh bơ nơm, blàng kềng dà lềng mờ bồt bơlào, ntum tiah nhàr lơgar jăt jơnau cih bơh Kuang gơs gơnăp gơnoar atbồ hơđăng rlao jơh dà lơgar dê. Dilah Kuang gơs gơnăp gơnoar atbồ hơđăng rlao jơh dà lơgar neh geh kơr nuăt cih kes priă dà lơgar dong kờl bơcri lơh broă lơh ai dà, den bơnah priă mờ khà dong kờl bơcri lơh jăt ală kơrnuat bơh Kuang gơs gơnăp gơnoar atbồ hơđăng rlao jơh dà lơgar dê.

Khà dong kờl ờ uă rlau 75% kờp jơh là priă jền broă lơh geh kơnă geh gơnoar ki\ tus mờ tiah bòn lơgar ndai; ờ uă rlau 60% kờp jơh priă jền broă lơh geh kơnă geh gơnoar ki\ tus mờ tiah ring, tiah kềng dà lềng; ờ uă rlau 45% kờp jơh priă jền broă lơh geh kơnă geh gơnuar ki\ ai tus mờ tiah bòn drà.

Dong kờl khà priă dà sàng kloh ngui sa ai bòn lơgar in

Kơrnuat bơto pơlam cih loh: bè hòi jà tă pơ gồp priă jền, ală mpồl bơcri priă lơh ală broă bơ\t bơtàu tàm hơ\ geh bal broă bơ\t bơtàu lơh niam wơl lơh dà bòn lơgar in geh càn priă anih priă jền dê mờ priă cồng ờ uă bơh Anih priă jền bơtàu tơnguh Việt Nam dilah lơh geh tơl ală bơta jăt jơnau cih bơh adăt boh lam dê; Geh ai lài ai càn priă wơl bơh bơnah priă bơh ală mpồl dunia ai Gơnoar atbồ lơgar Việt Nam in càn ờ sa priă cồng uă; Geh dờp priă dong kờl ờ tơm wơl bơh ală mpồl dunia dê dilah geh; Geh ai gơnoar hòi jà tă pơ gồp priă jền jăt broă lơh tă pơ gồp bal tus mờ mpồl lơh sa kă bro bal, tă pơ gồp priă jền bơh cau lơh broă tàm mpồl lơh broă mờ tàm làng bol bòn lơgar; hòi jà tă pơ gồp priă jền dipal mờ kơr nuăt boh lam ndai bơh lơh bal, lơh sa kă bro bal lơh bal mờ ală mpồl lơh sa kă bro; mpồl lơh sa, mpồl lơh broă priă jền, cau dùl nă să is tàm lơgar mờ lơgar ndai jăt jơnau cih bơh adăt mpồl lơh sa kă bro mờ kơr nuăt boh lam geh gơ rềng.

Gơ wèt mờ dong kờl khà priă dà sàng kloh ngui sa tàm bòn lơgar, khà dong kờl khà priă là bơnah priă lin đah khà priă tăc dà sàng kloh lơyah rlau mờ broă rơndăp lơh khà priă dà sàng kloh geh kờp di kờp tơl jăt jơnau cih bơh kơrnuat boh lam dê.

                                                            Cau mblàng Lơ Mu K’ Yến.