VOV4.K’ho – Pah nhai, cau geh bơta jak chài tàm broă lơh dà lơgar tiah làng bol kòn cau ( gam hòi là cau geh bơta jak chài) geh dờp dùl bơnah priă pơn jờng bơta jak chài ndrờm 100% khà priă nhai gam geh dờp. Do là tơngume tàm rơndap cih Kơrnuat bè broă dong kờl gơhòi, bơto pơlam, ngui mờ dong kờl tus mờ cau geh bơta jak chài tàm broă lơh dà lơgar tiah làng bol kòn cau geh Gơnoar atbồ lơgar gam bơyai lơh ai jơnau đơs tă pơgồp:

Jat rơndap cih, cau geh bơta jak chài tàm broă lơh dà lơgar tiah làng bol kòn cau ( hòi lơyah là cau geh bơta jak chài) là kuang bàng, cau lơh broă sa priă nhai dà lơgar geh nùs nhơm gùng dră bal, ơnà kis niam, jơh nùs mờ dà lơgar; tryang trỳông, geh kơnòl, jơh nùs, jơh bồ tơngoh jak mờ lơh jat nùs nơm broă lơh tàm broă mut lơh gơnoar, kơnòl broă geh jàu; geh bơta chài bơsram sră, geh bơta pràn jak, jơnau bơceh pa mờ geh cồng nha tàm broă mut lơh kơnòl, geh gơrềng niam tus mờ bơta bơtàu tơnguh bơh gah broă lơh, [òn làng bol kòn cau mờ geh kơnă geh gơnoar dờp; geh bơta chài git wă bè bơta geh is, broă lơh sa, chài rơgơi - mpồl bơtiàn, ală bơhìan mờ gơtùi đơs, git dà kòn cau tiah mờ he lơh broă.

Rơndap cih đơs loh, cau geh bơta jak chài geh tam cah gơs 2 mpồl là mpồl đơng lam bồ, atbồ mờ mpồl lơh jat, mut lơh.

Cau geh bơta jak chài pal geh ală khà tơl bè tơnơ\ do:

Gơwèt mờ mpồl đơng lam bồ, atbồ: Geh pràn jak đơng lam bồ mờ lam mut lơh niam kơnòl geh jàu, ai tơlik geh jơnau bơceh pa, broă lơh cèng bơta tam gơl pa tàm gah broă lơh mờ he drơng lơh, pơgồp bơnah kuơ màng tàm bơta bơtàu tơnguh lơh sa, mpồl bơtiàn bơh tiah làng bol kòn cau dê; geh nùs nhơm, jơnau đơs is loh làng, krà` cê, khin sơnơng, khin lơh, khin kong kơnòl; geh bơta pràn jak bơtòm tơrgùm mờ bơtàu tơnguh bồ tơngoh jak, bơta pràn jak, bơta chài is bơh mpồl bal dê nàng đơng lam bồ anih lơh broă, mpồl bal, mpồl lơh broă geh jàu drơng broă, lơh jơh niam kơnòl geh jàu mờ geh cồng nha gơrềng niam tus bơta bơtàu tơnguh bơh gah broă lơh, [òn làng bol kòn cau.

Gơwèt mờ mpồl lơh jat, mut lơh: Geh bơta pràn dong broă, ai tơlik rơndap broă lơh bơtàu tơnguh bơh gah broă lơh, [òn làng bol kòn cau; geh bơta chài lơh broă ờs mờng mờ bơta bơceh pa tàm broă mut lơh kơnòl; geh rơndap lơh broă jak chài; bơta pràn lơh broă is, pơgồp bal niam mờ cau lơh broă bal tàm broă mut lơh kơnòl, sùm lơh jơh niam kơnòl jat gơnoar, kơnòl geh jàu mờ geh cồng nha gơrềng niam tus bơta bơtàu tơnguh bơh gah broă lơh, [òn làng bol kòn cau.

Cau geh bơta jak chài geh dong kờl ai lòt bơto bơtê, bơsram nàng tơnguh bơta chài git wă, bơta chài lơh broă ờs mờng, bơta chài tàm broă lơh tàm ală anih bơto pơlam kuang bàng, cau lơh broă sa priă nhai dà lơgar geh bơngă pin dờn mờ cồng nha tàm lơgar mờ lơgar ndai jat rơndap broă bơh anih lơh broă, mpồl bal, [òn lơgar halà jat bơta kơp kờ` bơh să tờm cau geh bơta jak chài dê.

Mìng is gơwèt mờ cau geh bơta jak chài tàm kơnă kơnhòal, kơnă ntum tiah làng bol kòn cau tàm tơngai geh sồr lòt bơsram geh dờp tai dùl bơnah dong kờl bơto pơlam êt ngan rlau jơh ndrờm 50% priă nhai bơh sơnrờp tàm dùl nhai.

Rơndap cih đơs loh, cau geh bơta jak chài geh dờp ală bơta dong kờl kuơ màng:

Pah nhai, geh dờp dùl khà priă pơnjờng bơta jak chài ndrờm 100% khà priă nhai gam geh dờp. Mìng is gơwèt mờ cau geh bơta jak chài tàm kơnă kơnhòal, kơnhòal ntum tiah làng bol kòn cau tàm tơngai geh sồr lòt bơsram geh dờp tai dùl bơnah dong kờl bơto pơlam êt ngan rlau jơh ndrờm 50% priă nhai bơh sơnrờp tàm dùl nhai;

Geh dong kờl blơi hìu ơm jat bơta dong kờl bè hìu ơm tus mờ kuang bàng, cau lơh broă sa priă nhai dà lơgar bơh dà lơgar dê.

Geh dờp ală bơta dong kờl ndai jat jơnau cih bơh tơl Gah, sơnah lơh broă dà lơgar, càr, [òn dờng.

Kờ` geh dờp ală bơta dong kờl do, cau geh bơta jak chài pal geh ală khà tơl bè tơnơ\ do: Là kuang bàng, cau lơh broă sa priă nhai dà lơgar geh tơngai lơh broă sùm tàm broă lơh dà lơgar, broă lơh bơh cau lơh broă sa priă nhai dà lơgar tiah làng bol kòn cau bơh 3 nam rlau hơđang; geh anih lơh broă geh gơnoar đơs là lơh jơh niam kơnòl broă sùm tàm tơngai 2 nam rềp ngan rlau jơh; ală bơta pal geh ndai bơh Gah, sơnah lơh broă dà lơgar, càr, [òn dờng cih dipal mờ gơnoar, kơnòl broă bơh gah broă lơh mờ Gah, sơnah lơh broă dà lơgar atbồ; dipal mờ bơta geh is, broă lơh sa mpồl bơtiàn bơh càr, [òn dờng dê.

                                                                       Cau mblàng K’ Duẩn.