Crơnggơs bơh nam 2013, bơh mìng 6 nă cau tàm mpồl bơh sơn rờp, tus tu\ do, Câu lạc bộ “Sap đơs crih sùm tơlir” tàm [òn dờng Buôn Ma Thuột, càr Daklak neh geh rlau 20 nă cau tus bal, kơnòm să ngan rlau jơh kung neh 50 sơnam mờ dờng sơnam ngan rlau jơh neh 70 sơnam. Ală cau tàm câu lạc bộ tus bơh uă ù tiah krơi is, ndrờm kờ` ală jơnau đơs pơnđik. Bè hơ\ tàng khi neh rềp mềl, pơlam tàp bal, tam pà mờ gơp bè chài đơs crih di mờ gùng đơs pơnđik bơh tơl tiah dà lơgar dê. Bè hơ\ den tàng digơlan ờ geh bơta lơi gơ lơh krơi tu\ bol he klo ală jơnau đơs quan họ bè “Ngồi tựa mạn thuyền, Người ở đừng về, Qua cầu gió bay”; halà ală jơnau đơs pơnđik “Đào liễu, luyện năm cung, đường trường bắn thước” bơh bơta chài đơs chèo geh đơs bơh ală sap đơs tus bơh tiah tàm gùl lơgar, tiah đah jum dà lơgar. Ồng Nguyễn Đình Vượng, cau tàm Câu lạc bộ yal: “A` kờ` chèo bơh dềt, tu\ gam dềt, mpồl đơs crih tamya [òn dê tàp den ờ mang lơi là a` ờ lòt sền, bơh hơ\ a` kờ` mờ kờ` tus tu\ do tơn, tu\ lơi kung kờ` chèo. A` den ờ geh cau pơgru lơi bơto a` in bè chèo, quan họ, a` pal bơsram is, a` pờ băng đĩa iat ală sap đơs bơh hơ\ a` đòm jat.”

Kah wơl ală ngai sơn rờp crơnggơs, mò Nguyễn Thị Toan, atbồ Câu lạc bộ pà git, ală cau tàm câu lạc bộ ndrờm là ală cau neh geh tu\ tus bal tàm mpồl văn công bơh [òn lơgar dê, halà ală mpồl ling, halà ală sap đơs crih niam bơh ală anih lơh broă, hìu mai\ dê. Bulah neh jơh sơnam lơh broă, mơya bơta kờ` đơs crih kung gam sùm duh hồl, chul chồl khi lòt jòi tus mờ gơp nàng crơng gơs Câu lạc bộ do. Bơh sơn rờp khi mìng tus mờ gơp, đơs crih mờ gơp nàng iat kờ` lơh rài bơta kờ` gơboh, drơng ală dơ\ pơrjum tàm sơnah [òn, tàm ală dơ\ `ô bau, gờm chờ sơnam kis jo\... Tus mờ câulạc bộ, ală cau tàm do pal tă is priă nàng pơrjum, blơi phan bơna, phan soh. Tơnơ\ mờr 4 nam lơh broă, tus tu\ do, câu lạc bộ “Sap đơs crih sùm tơlir” neh lời wơl uă bơta kah kir tàm nùs nhơm cau sền, cau iat tàm càr Daklak, mờ uă jơnau đơs pơnđik niam ngan. Mò Toan yal: “Oh mi ngan ngồn mut tàm mpồl do là kung tài bơh kờ` gơboh bơta niam chài, oh mi pah nam tă pơgồp priă jền, àu mpha phan ngui ndrờm blơi is lơm, mơya oh mi kung gam chờ hờp bè ờs. Ngan là tu\ dờp geh ală broă lơh tàm ală mpồl, oh mi rơcang tàp jơh poh, ờ kờp mang, ngai. Bol a` pơn ìơ să ngan mờ Câu lạc bộ “Sap đơs crih sùm tơlir” do.”

Kờ` gàr broă lơh câu lạc bộ dê, sùm tàm ngai dơ\ 7, ngai rlô pah poh, ală cau tàm câu lạc bộ tơrgùm tềng Trung tâm văn hoá [òn dờng Buôn Ma Thuột, càr Daklak. Tàm do, khi tàp ală jơnau đơs pơnđik lài mờ tu\ lòt tìp mat, ràng tơlik. Ală jơnau mut lơh bơh câu lạc bộ dê uă ngan tơrgùm tàm ală jơnau quan họ Bắc Ninh, chèo, đơs văn mờ ờ uă jơnau đơs crih kac màng, jơnau đơs crih lòt bal mờ nam, nhai. Bulah ờ di là mờng chài, mơya lòt tus tềng lơi, khi ndrờm dờp geh bơta kờ` bơh cau iat, cau sền dê. Mò Nguyễn Thị Hường, cau tàm câu lạc bộ yal: “Tus tu\ do, câu lạc bộ “Sap đơs crih sùm tơlir” neh geh bơngă kơljap tàm [òn dờng Buôn Ma Thuột, do kung là bơta lơh ngan bơh oh mi dê. A` gơ lơh bè mpồl ling kra lam lài, lòt 3, 4 jơt kơi sồ, sơnam neh mờr 60 mờ đì rơndeh tus 9, 10 jiơ màng hơ\sồng rê. A` go\ bol a` lòt tus tiah sar lơgar ngài nàng lơh broă lơh đơs crih gơ lơh ngoh rơngac ngan, bulah sap đơs crih ờ huan pràn, să jan neh kra, ờ hàng, gơ ya cau sền, cau iat kung sền ngềr ngan.”

Ală jơnau đơs pơnđik cèng bềng nùs nhơm geh ntas bơh ală plai nùs git đơs crih bơh Câu lạc bộ dê ờ mìng lơbơn niam tàm ală dơ\ pơrjum câu lạc bộ, ală dơ\ đơs crih tàm dơ\ pơrjum cau [òn bal, gờm chờ `ô bau, gờm chờ sơnam kis jo\ mờ gam ntas tàm ală broă lơh dờng tàm càr mờ bơdìh càr. Bơta kờ` gơboh bal mờ bơta dờp bơh cau iat dê là bơta pơn jờng dờng ngan, dong khi kis mờ bơta kờ` gơboh, mờ pơgồp bơnah sền gàr chài rơgơi kuơ màng bơh [òn lơgar dê tàm ù tiah kơh bơnơm Tây Nguyên. Ồng Nguyễn Khánh Quy, Phó atbồ Câu lạc bộ yal: “Bol a` là ală cau geh deh bơh ù tiah dà dờng Hồng den kung kờ` cèng sap đơs crih, ală jơnau đơs pơnđik mờ ồng mò, mè bèp neh đơs pơnđiang he, lài ngan là kờ` lơh rài bơta kờ` gơboh tàm nùs nhơm, dơ\ 2 là kung kờ` ai jơh tơl nă cau Việt Nam in git mờ wă ală jơnau đơs pơnđik, bơta kuơ chài rơgơi nùs nhơm mờ ồng mò he neh lời wơl. Mìu nhàc sùh jo\, he lơh ngan đơs crih, lơh ngan hòi jà, hòi jà bơh ală cau tàm hìu nhă, bè hơ\ den hời rơ hời, pơgồp dềt gơs dờng nàng bơta niam chài jơi bơtìan he dê sùm geh mblàng wơl.”

                                               Cau cih mờ ai tơnggit K’ Duẩn.