Broă bơ song rơndap broă ngui ù geh mut lơh tàm ală tu\ lơi?

Jat jơnau cih tàm bơta 46 adat ù tiah nam 2013 den:

Broă bơ song rơndap broă ngui ù mìng geh mut lơh tàm ală tơnơ\ do:

Geh bơta bơ song  rơndap niam broă lơh kuơ màng bơtàu tơnguh lơh sa mpồl bơtiàn, sền gàr dà lơgar, sền gàr ngap lơngai bơh dà lơgar dê, rơndap broă lơh bal bơtàu tơnguh ală tiah lơh sa mpồl bơtiàn mờ bơta bơ song hơ\ lơh tam gơl rơndap broă ngui ù;

Tài bơta gơ rềng bơh trồ tiah lơh aniai, tam lơh, lơh tam gơl jơnau kờ`, rơndap, bă ù ngui;

Geh bơta bơ song rơndap broă ngui ù bơh kơnă hơđăng lơh aniai tus rơndap broă ngui ù;

Geh bơta bơ song nhàr ù tiah bòn lơgar dê;

Broă bơ song rơndap broă ngui ù mìng geh mut lơh tu\ geh bơta bơ song rơndap broă ngui ù halà geh bơta tam gơl bè bơta pràn mut lơh rơndap broă ngui ù.

Tơngume bơ song rơndap broă ngui ù là 1 bơnah bơh rơndap broă ngui ù neh geh ki\ kơrnuat. Tơngume bơ song rơndap broă ngui ù là 1 bơnah bơh rơndap broă ngui ù neh geh ki\ kơrnuat. Anih lơh broă dà lơgar geh gơnoar ki\ rơndap broă ngui ù kơnă lơi den geh gơnoar ki\ bơ song rơndap broă ngui ù kơnă hơ\.

Dà lơgar jàu ù ờ ai priă ngui ù tàm ală tu\ lơi?

Jat jơnau cih tàm bơta 54 adat ù tiah nam 2013 den dà lơgar jàu ù ờ sa priă ngui ù tàm ală tu\ bè tơ nơ\ do:

Hìu nhă, cau 1 nă să lơh broă sa suơn sre, brê bơ nơm, ròng tam phan tàm dà, lơh boh geh jàu ù lơh sa suơn sre tàm 1 khà geh ai.

Cau ngui ù brê rơcang gàr bồ tô, ù brê kuơ màng, ù brê lơh sa là brê geh is, ù lơh anih lơh broă, ù ngui tàm jơnau kờ` sền gàr dà lơgar, sền gàr ngap lơngai, ù ngui tàm jơnau kờ` drơng mpồl bơtiàn in ờ di là kă bro, ù lơh blàng tơp bồc ờ gơ ơm tàm ală bơta ù geh cih tàm sèng 4 bơta 55 adat ù tiah nam 2013;

Mpồl lơh broă dà lơgar ờ hềt lơh tờm priă jền ngui ù bơt bơtàu broă lơh;

Mpồl ngui ù nàng lơh hìu ơm drơng broă lơh bơt bơtàu bòn ơm kis jat rơndap broă dà lơgar dê;

Bòn làng bol ơm kis ngui ù lơh sa suơn sre, hìu duh broă yàng ngui ù ờ di ù lơh sa suơn sre jat jơnau cih tàm bơta 159 bơh adat ù tiah nam 2013 dê.

Dà lơgar jàu ù geh sa priă ngui ù tàm ală tu\ lơi?

Jat jơnau cih tàm bơta 55 adat ù tiah nam 2013 den dà lơgar jàu ù geh sa priă ngui ù tàm ală tu\ tơ nơ\ do:

Hìu nhă, cau 1 nă să geh jàu ù ơm;

Mpồl lơh sa geh jàu ù nàng mut lơh rơndap broă bơcri lơh hìu ơm nàng tac halà nàng tac pơ gồp bal mờ ai ơpah;

Cau Việt Nam ơm kis tàm lơgar ndai, mpồl lơh sa kă bro geh priă bơcri lơgar ndai geh jàu ù nàng mut lơh rơndap broă lơh hìu ơm nàng tac, halà nàng tac pơ gồp bal mờ ai ơpah;

Mpồl lơh sa geh jàu ù nàng mut lơh rơndap broă lơh phan bơna blàng tơp bồc nàng tac ù gơ jat mờ phan bơna.

                                                          Cau mblàng K’ Duẩn.