VOV4.K’ho – Bơh tu\ rơndap ù tiah tềl kah yau dà lơgar Đan Kia - Suối Vàng tàm kơnhoàl Lạc Dương, càr Lâm Đồng ngan ngồn geh yal tàm bồ nam do, bơta sơ gràm ù brê, bơt bơtàu ală broă lơh kă bro tìs mờ adat boh lam tàm ù brê ngai sơlơ gơlik geh uă rlau.

                 Dùl bă tiah sơ gràm ù, lơh hìu tìs mờ adat boh lam tàm ù brê tàm tiểu khu 112A

Nđờ nhai lài, jat kềng 2 gah gùng rơndeh 722 – gơl gùng tờm ngan lam mut tàm tiah nhơl chờ [òn Cù Lần, gơ wèt thị trấn Lạc Dương, kơnhoàl Lạc Dương, càr Lâm Đồng ndrờm là bơnơm nho gơs tơlir lơm.

Mơya tu\ do, brê neh gơtìp koh kơl jơh. Bal mờ dùl ròt hìu ơm, hìu tac phan geh lơh tìs mờ adat boh lam, uă bă ù neh geh sơn tơp jrong, cò tơn ring mờ pơng gàr mờ che lòs B40 nàng prap lời ù. Do ndrờm là bă brê gơ wèt tiểu khu 112A bơh Brê dà lơgar Bidoup – bơnơm Bà atbồ.

Tàm do geh lơh dùl anih atbồ, sền gàr brê, mơya ală broă lơh sơ gràm ù brê do kung ờ geh kơryan mờ bơsong di tu\ sơl.

                          Pơng gàr mờ lòs B40 nàng prap mờ lơh hìu tìs mờ adat boh lam

Jat khà kờp bơh gah lơh broă geh gơ noar kơnhoàl Lạc Dương dê ai go\, tàm tiah do geh rlau 10 bă tiah bơt bơtàu ală broă lơh tìs mờ adat boh lam, mờ bă ù rlau 41 sào.

Ồng Lê Chí Quang Minh, Phó Chủ tịch UBND kơnhoàl Lạc Dương pà git, kơnhoàl neh geh dùl ròt ală sră nggal sồr Brê dà lơgar Bidoup – bơnơm Bà pơ gồp bal bơsong mơya tus tu\ do mpồl do kung gam ờ hềt lơh sơl:

“Broă khi bơt bơtàu tìs mờ adat boh lam den kơ nòl bơh kơnhoàl Lạc Dương dê là pal bơsong. Jat jơnau cih, broă lơh geh bơt bơtàu tàm ù tiah thị trấn Lạc Dương dê den mpồl do pal bơsong. Tu\ do gam jà ală hìu bơnhă làng bol pơ gồp bal lơh broă nàng lơh sră bơsong jat di jơnau cih bơh adat boh lam dê”.

           Sơn tơp jrong lòs nàng tam pà bă ù, prap lài bal mờ ală bă brê gam geh tờm nho jo\ nam

Ồng Võ Danh Tuyên, Phó Kuang atbồ Sở Nông nghiệp mờ Phát triển nông thôn càr Lâm Đồng đơs là, bơta sơ gràm ù brê, bơt bơtàu broă lơh tìs mờ adat boh lam tàm brê dà lơgar Bidoup – bơnơm Bà là uă ngan.

Tu\ do, sở gam lơh sră nggal nàng cri bơyai, sồr UBND càr Lâm Đồng đơng lam lơh glài krà`:

“Ală cau lơi sơ gràm tìs mờ adat boh lam den krà` cê là ai wơl ù. Tềng đap mat, bol a` sồr Hạt Kiểm lâm pơn jat tai lùp sền mờ bol a` kung neh pơ gồp bal mờ UBND kơnhoàl Lạc Dương lòt sền tiah do.

Tu\ do gam sồr brê dà lơgar Bidoup – bơnơm Bà là mpồl tờm brê pal yal mùl màl, tơ nơ\ hơ\ bol a` tơr gùm jơh, yal UBND càr in sồr ai wơl. Neh rơndap lài ù tam sền gàr brê, geh brê rơcang gàr bồ tô, brê kuơ màng, brê lơh sa, dilah ù gời den pal tam brê, ai dilah ờ den pal tam wơl brê nàng jàu wơl”.

Cau mblàng K’Duẩn