VOV4.K’ho- Tổng Công ty Bưu điện Việt Nam pà gĭt, sơnđờm bơh ngai do (06/8), bơyai lơh broă lơh “gar rơmĭt Bưu điện”. Jăt mờ hơ̆, Tổng Công ty geh jàu pà 700 tấn phe pơyua pà ai làng bol ală càr tiah đah jum dà lơgar in gam gơtìp gơrềng tài bơh kòp Covid-19.

Ală anih tam pà phe bơh Bưu điện Việt Nam dê

Geh 6 càr mờ ƀòn dờng geh pơyua pà, tàm hơ̆ geh: ƀòn dờng Hồ Chí Minh, ală càr: Bình Dương, Đồng Nai, Tây Ninh, Long An, Tiền Giang. Kờp dŭ rlau 233 rbô nă làng bol geh rài kis kal ke geh dờp phe bơh broă lơh “gar rơmĭt Bưu điện” dê. Mìng is tàm ƀòn dờng Hồ Chí Minh, Bưu điện ƀòn dờng geh lời 30 tấn phe tàm broă lơh nàng pơyua pà mờ lòt bal mờ ală bơnhă ồs trŭ gơm biăp piang sa bal lơh broă niam gam bơyai lơh trŭ gơm piang sa ai tiah lam lài tam dră mờ kòp mờ cau rƀah in. Lài hơ̆, gah Bưu điện neh lam lơh rlau 3 rbô 400 anih tam pà phan bơna kờñ pal geh, gàr niam giă tàm ală càr gam lơh jăt jơnau sồr ơm yah ngài mpồl bơtiàn.

Cau mblàng Lơ Mu K’Yến