VOV4.K’ho - Tơnơ\ mờ mờr 2 nam lơh ngan lơh jăt Quyết định sồ 2151 bè broă tam gơl pa broă lơh, nùs nhơm drơng broă bơh kuang bàng, cau lơh sơnơm wèt tus broă lơh di nùs cau kòp in”, bơh Bộ Y tế ai, gah lơh sơnơm càr Dak Lak neh bơ\t bơtàu rùp rài niam bơne\ bơh cau lơh sơnơm, wèt tus broă lơh di nùs cau kòp in:

Hìu sơnơm Lao mờ kòp klờm soh càr Dak Lak là 1 tàm ală hìu sơnơm dà lơgar lơh geh dờp uă jơnau yal niam bơh cau kòp dê tàm broă kham, sơm kòp. Bơh [làng hìu sơnơm dờng ơnàng, niam bơne\, uă tòm chi tus mờ ală gah sơm kòp, jơdu\, nrèng lòt rê ndrờm kloh niam, neh ai tơl^k nùs nhơm niam tus mờ cau kòp tu\ dơ\ sơnrờp tus hìu sơnơm do. Là hìu sơnơm mìng sơm 1 tàm ală bơta kòp mpồl bơtiàn neh geh tu\ gơbàn  uă jơnau đơs ờ niam bơh mpồl bơtiàn, ală kuang bàng, cau lơh sơnơm, y bác sĩ tàm do ndrờm neh lơh ngan ai tơl^k cau kòp in nùs nhơm niam bơne\ ngan mờ broă lơh jơh nùs. Pah ngai, bơdìh mờ tu\ kham kòp, tơl nă y bác sĩ ndrờm geh ai uă ngan tơngai kờ` còp să, lam sồr nùs nhơm ai ală cau kòp in. Bơta do, neh lơh ală cau kòp sền hìu sơnơm bè hìu tòm mờ iang nùs sơm kòp. Ồng Nguyễn Lanh, kis bơh xã Ea Mdroh, kơnhoàl Cư\ Mgar đơs: “Do là dơ\ sơnrờp a` mu\t tàm hìu sơnơm do, a` gơboh kờ` ngan tus mờ ală y bác sĩ lơh broă tàm do. Tàm ală ngai sơm kòp, bơh broă lơh pah ngai tus mờ broă kham, ai sơnơm, a` go\ nùs nhơm bơh ală bác sĩ, y tá gơwèt mờ cau kòp niam bơne\ mờ đềt mềr ngan”.

Đơs bè broă lơh jăt quyết định sồ 2151, Bác sĩ Nguyễn Kim Mỹ, Phó kuang atbồ hìu sơnơm Lao mờ kòp klờm soh càr Dak Lak pà g^t: “Pah nam, hìu sơnơm ndrờm lơh quy chế pơn jờng. Gơwèt mờ kuang bàng, cau lơh sơnơm lơh gơs niam kơnòl, geh pơnrơ niam tàm broă drơng cau kòp in mờ lồi nam sùm geh pơn jờng. Mờ tàm broă lơh, di lah cau lơi tìs bè nùs nhơm drơng cau kòp ha là ală broă lơh ờ ai lơh tus mờ kuang bàng lơh sơnơm den geh broă lơh glài”.

Hìu sơnơm Măt càr Dak Lak kung là 1 tàm ală hìu sơnơm ai tơl^k nùs nhơm pin dờn tus mờ làng bol dê tàm broă kham mờ sơm kòp. Kờ` geh cồng nha do, Mpồl kuang atbồ hìu sơnơm neh geh uă broă lơh pa, di pal mờ broă kờ` di nùs cau kòp dê. Pah nhai, tơl nă kuang bàng tàm hìu sơnơm ndrờm geh sền wơl bè khà lơh gơs broă geh ai bơh tàm pang sră sền gròi jơnau đơs bơh cau kòp. Bơh tu\ hơ\, geh ngui khà pơn jờng mờ lơh glài di pal. Broă lơh do neh gơs bơta pràn kờ` ală kuang bàng lơh sơnơm tơnguh jơnau g^t, jơnau ngăc ngar broă lơh bal mờ broă drơng cau kòp cau in, ai tơl^k bơta niam kờ` hìu sơnơm tơnguh nùs nhơm pin dờn, hòi jà sơlơ ngai sơlơ geh uă cau kòp tus kờ` sền gàr bơta pràn kơl dang să jan. Bác sĩ Nguyễn Thái Hà, Atbồ hìu sơnơm Măt càr Dak Lak pà g^t: “Lơh jăt jơnau đơng lam bơh Bộ Y tế mờ Sở Y tế tàm broă tơnguh broă lơh di nùs cau kòp, hìu sơnơm neh lơh jăt broă do niam ngan. Bol a` neh jào tơngu me do tus mờ ală kuang bàng, cau lơh broă tàm hìu sơnơm, pal tơl^k loh mờ ală broă lơh mùl màl ờ go\ di mờ jơnau đơs, jơnau cih gời tàm pang sră bal mờ khà lơh gơs broă bơh kuang bàng tàm hìu sơnơm geh sền mờ cồng nha sơm kòp bơh cau kòp dê”.

Sở Y tế càr Dak Lak tu\ do gam sền gàr 48 mpồl lơh sơnơm, tàm hơ\ geh 20 hìu sơnơm. Tơnơ\ mờ tu\ Bộ Y tế tơl^k quyết định sồ 2151, Sở Y tế neh wèt tus broă lơh di nùs bơh cau kòp” gơwèt mờ 48 mpồl lơh sơnơm. Tus tu\ do, 100% khà hìu sơnơm gơwèt Sở Y tế neh crơng gơs Mpồl kuang bàng đơng lam kờ` lơh jăt quyết định sồ 2151. Tàm tơngu me hơ\, bơyai lơh bơsram kờ` tơnguh bơta ngăc ngar tàm tu\ boh bơr, broă lơh mờ cau kòp bal mờ cau hìu nhă cau kòp, ai ală kuang bàng, y bác sĩ bal mờ cau lơh broă tàm ală mpồl lơh broă in. 100% khà cau lơh broă do neh k^ hơ bal bè broă lơh jăt “Tam gơl pa broă lơh, nùs nhơm drơng bơh kuang bàng lơh sa wèt tus broă di nùs cau kòp in”.

Tus tu\ do, neh geh 13 tàm 20 hìu sơnơm geh lơh gah sền gàr cau kòp. Gah lơh broă do geh lơh broă pơgồp bal tàm gah kham, geh kơnòl lam sồr, bơto bơtê bơta pràn kơl dang să jan, bơto sồr, dong kờl cau kòp tàm ală broă lơh sră nggal kham, sơm kòp. Ală hìu sơnơm neh mờ gam tơnguh sùm cồng nha broă lơh geh sồ điện thoại. Jăt mờ hơ\, sồ điện thoại bơh Mpồl kuang atbồ hìu sơnơm bal mờ kuang bàng đơng lam ală gah sơm kòp, anih lơh broă geh lir uă tiah tàm hìu sơnơm, lơh broă ngai kung bè mang kờ` di pal mờ broă yal ală broă ờ su\k ơm, jơnau kơ\p kờ` bơh làng bol dê bè broă lơh, nùs nhơm lơh broă bơh ală bác sĩ, y sĩ bal mờ ală broă lơh sơnơm. Bơh sồ điện thoại mờ hội ơn sră pơgồp jơnau đơs, bơdìh mờ broă yal ală broă lơh ờ pràn den geh uă dơ\ hòi điện thoại tơl^k nùs nhơm gơboh kờ` ngan mờ broă jơn nùs tàm broă lơh bơh ală kuang bàng, cau lơh sơnơm dê. Bác sĩ Doãn Hữu Long, Kuang atbồ Sở Y Tế càr Dak Lak đơs: “Atbồ ală anih lơh broă pal ai tơl^k rơndăp broă kờ` lơh jăt gơnoar, kơnòl, tàm hơ\ geh tơl niam broă di nùs cau kòp in. Ală phan lơh broă kờ` g^t, sền gròi hơ\ là “Sồ điện thoại”, “Hộp sră pơgồp jơnau đơs”, bơyai lơh ală dơ\ pơrjum mờ cau kòp kờ` g^t ală jơnau mờ cau kòp bal mờ cau tàm hìu nhă yal. Tàm hơ\ uă ngan là hìu sơnơm pal sùm lơh jăt broă sền gròi broă lơh di nùs bơh cau kòp ha là gơtùi sền gròi bơh ală mpồl lơh broă krơi is”.

Sở Y tế càr Dak Lak neh bơyai lơh sền gròi broă lơh di nùs cau kòp tàm ală hìu sơnơm dà lơgar lơh tàm càr. Broă lơh do geh lơh jăt tơngai neh di tu\ dờp jơnau yal ală broă lơh niam mờ broă lơh ờ hềt di pal tàm ală hìu sơnơm, kờ` bơh tu\ hơ\, ai tơl^k ală broă lơh di pal. Nam 2016, khà broă lơh di nùs cau kòp bal mờ cau hìu nhă cau kòp tàm ală hìu sơnơm geh 91, 8%.

Mùl màl tàm ờ uă hìu sơnơm, tài uă bơta gơbàn geh, den tàng broă lơh, nùs nhơm drơng broă bơh kuang bàng lơh sơnơm ờ hềt ai geh di nùs làng bol in. bác sĩ Doãn Hữu Long, Kuang atbồ Sở Y tế càr Dak Lak pà g^t tai: “Tàm tơngai tus, gah lơh sơnơm càr geh lơh ngan tơmù ală broă lơh gam ờ hềt pràn, lơh ngan sơlèt kờ` di pal mờ broă kờ` lơh, jơnau kơ\p kờ` bơh ală cau kòp. Pal lời broă lơh jăt nùs nhơm niam lơh broă là 1 broă hòi jà tàm dơlam is bơh tơl nă kuang bàng cau lơh sơnơm dê, ờ di là tài bơta rồn bơklơn ha là phan lơh broă lơi lơh gơbàn”.

Quyết định sồ 2151 bè “Tam gơl pa broă lơh, nùs nhơm drơng broă bơh kuang bàng lơh sơnơm wèt tus broă lơh di nùs cau kòp in” geh Bộ Y tế tơl^k bơh nam 2015 mờ tơngu me kờ` tam gơl nùs nhơm, broă drơng cau kòp in bơh kuang bàng lơh sơnơm, bơsram broă niam chài tàm broă boh bơr, broă lơh, nùs nhơm niam drơng broă lơh, tơnguh nùs nhơm pin dờn mờ broă di nùs bơh cau kòp, lơh geh rùp rài niam bơne\ bơh kuang bàng lơh sơnơm lơgar Việt Nam dê. Tàm tơngai tus, gah lơh sơnơm càr Dak Lak geh pơn jăt tai lam sồr, tơnguh jơnau g^t wă bơh kuang bàng lơh sơnơm, tơnguh bơta ngăc ngar tàm broă lơh mpồl y bác sĩ, pơn jăt tai tam gơl pa, di pal broă kờ` di nùs bơh làng bol tàm broă sền gàr bơta pràn kơl dang să jan. 

Cau cih mờ yal tơng^t Ndong Brawl