VOV4.K’ho - Kòp Covid-19 gam gơlik geh kal ke mờ lơh gơ rềng ngai sơlơ ua\ tus broă lơh sa, kă bro bơh ală mpồl lơh sa kă bro tàm lơgar he dê. Nàng tă bơsong kal ke ai ală mpồl lơh sa kă bro in, Chính phủ neh ai tơlik broă lơh dong kờl ai ală mpồl lơh sa kă bro gơtìp gơ rềng in. Gơtùi đơs, broă dong kờl tàm tơngai do là bơta niam ngan ai ală mpồl lơh sa kă bro in. Bulah bè hơ\, broă lam lơh jat ngan ngồn tàm ală tiah kung gam gơtìp 2, 3 bơta kòl yal pal geh bơsong nàng ală mpồl lơh sa kă bro in mhar sơr lèt gan kal ke, chồl pràn broă lơh sa kă bro.

Nđờ nhai do, kong ti TNHH kơphe Ea Sim (Tổng công ty kơphe Việt Nam), tàm xã Ea Ktur, kơnhòal Cư Kui`, càr Dak Lak kong gơ rềng kơn jơ\ kơn jut ngan bơh kòp Covid-19 dê, Tơngai do ală nam, kong ti neh tac mờr jơh kơphe gar blơi geh tàm kàl lơh sa tàm nam, mơya nam do, mìng tac geh dùl êt ngan bal mờ khà pria\ tac lơyah ngan.

Pria\ tă lơh broă, pria\ nhai tơm công nhân in mùl neh kal ke den tu\ do sơlơ kal ke rlau tu\ pria\ dồs ngân hàng 13 tơmàn đông neh tus tơngau tơm tàm nggùl nhai 4 nam 2020. Bơtuah là Thủ tướng Chính phủ geh Jơnau sồr sồ 11, ai tơlik tàm bồ nhai 3 pa do, dong tă bơsong kal ke ai broă lơh sa kă bro in.

Tơnơ\ hơ\, Ngân hàng dà lơgar Việt Nam geh Thông tư sồ 1, cih mùl màl broă rơndap tap sèng wơl tơngai tơm dồs, ờ sa pria\ cồng, tơrmù pria\ cồng, tơrmù pria\ tă lơh broă, dong kờl cau càn gơtìp gơ rềng tài bơh kòp Covid-19 in.

Ồng Lê Hải Hùng, atbồ gah Kế toán kong ti dê pà git: “Lài ngan là phan bơna ờ gơtùi tac, ơm jơh tơl ală broă. Dơ\ 2 là kơphe lơh gơlik tac mờ khà pria\ lơyah ngan, kal ke ngan ai broă lơh pơlam lơh sa mờ broă lơh pria\ jền in. Tềng đap bơta kal ke do, ngân hàng neh dong kờl ai mpồl lơh sa kă bro in đơs bal, kong ti kơphe Ea Sim đơs is. Ờ mìng geh broă lơh dong kờl bơh dà lơgar dê, mờ gam geh bơta dong kờl bơh đah ngân hàng dê tai, mpồl lơh sa kă bro kung gơtùi tơrmù [à kal ke bè pria\ jền”

                     Kuang bàng ngân hàng tus tềng anih lơh broă nàng dong mpồl lơh sa kă bro lơh sră

Ờ geh [uơn mờ bơtuah bè kong ti kơphe Ea Sim, ua\ mpồl lơh sa kă bro tàm càr Dak Lak kung gơtìp gơ rềng kơn jơ\ kơn jut ngan tài bơh kòp Covid-19 tu\ pal til mpồng, ơm broă lơh sa kă bro, mơya kal ke geh dờp broă dong kờl. Ồng Lê Văn Hạnh, Kuang atbồ kong ti cổ pần bơcri pria\ ù tiah hìu đam mờ bơt bơtàu An Hạnh, [òn dờng Buôn Ma Thuột pà git, bơh tơ nơ\ sa tềp bơhìan yau, kong ti neh pal ơm lơh broă tài gơ rềng bơh kòp dê. Jơh gùt rlau 40 nă cau lơh broă kong ti dê pal rlô lơh broă, cau lơh broă văn phòng rlô lơh broă tus 60%. Kal ke sơlơ gơguh ua\ tu\ dồs ngân hàng gơguh tus mờr 30 tơmàn đông ờ hềt gơtùi tơm.

Ală ngai do, ồng Hạnh gam tơr gùm lơh sir sră nggal nàng geh dờp broă lơh dong kờl bơh dà lơgar dê. Bulah bè hơ\, tàm tu\ đah ngân hàng ai geh bơta niam dong kờl den sră nggal gơ kòl tàm gơ noar atbồ [òn dờng:

“Đah ngân hàng kung sồr mpồl lơh sa kă bro lơh sră nàng dong kờl pria\ cồng ai càn kong ti in. Mơya bè đah [òn dờng den khi ờ hềt git loh. Ngan là kong ti lơh bơt bơtàu, ù tiah hìu đam, mơya tu\ sồr nàng càr halà [òn dờng in dờp geh ngan. Mơya nàng geh [òn dờng dờp geh ngan halà ờ den pal geh bơta lơh broă bal bơh kuang đơng lam bồ càr halà ngân hàng, ală anih lơh broă, mpồl lơh broă dê”.

Cau càn jơh nùs kờ`, ngân hàng lơh ngan, mơya kòl yan tàm gơ noar atbồ tàm kấp hơ đơm là bơta geh ngan bal Ngân hàng Nông nghiệp mờ Phát triển nông thôn sơne\ lơh broă tàm càr Dak Lak gam gơtìp tu\ lơh jat broă dong kờl cau càn pria\ gơtìp gơ rềng tài bơh kòp Covid-19.

Jat ồng Bùi Đình Đức, Kuang atbồ sơne\ ngân hàng do pà git, ngân hàng geh khà pria\ dồs là pơgap 9 rbô tơmàn đông bal mờ 35 rbô nă cau càn. Bơh sơn rờp, ngân hàng neh kờp sền geh pơgap 1 rbô tơmàn đông pria\ dồs gơtìp gơ rềng tài bơh kòp, tu\ kờp jơh den digơlan gơguh tus 5 rbô tơmàn đông. Tàm sră nggal bơsong broă lơh dong kờl ai cau càn in pal geh bơta dờp geh ngan bơh gơ noar atbồ kấp hơ đơm dê. Bulah bè hơ\, ua\ gơnoar atbồ kấp xã, sơnah [òn ờ bài dờp bơta geh ngan, ndrờm mờ broă, cau càn pria\ ngân hàng ờ geh dong kờl.

Jat ồng Bùi Đình Đức đơs, nàng tă bơsong bơta kòl yan do, pal geh bơta đơng lam ring bal bơh gơ noar atbồ bơh kấp càr tus kấp kơnhòal, kấp xã:

“Cau càn pria\ ngân hàng gơtìp gơ rềng den ngân hàng kung gơtìp gơ rềng sơl. Den tàng, broă do bol hi neh geh sră nggal sồr Ngân hàng dà lơgar dan UBND càr đơng lam ală kấp gơnoar atbồ hơ đơm. Lơh bè lơi khi pal jơh nùs rlau, bal mờ ngân hàng dờp geh ngan sră càn pria\ mờ chồl mhar tơngai dong kờl ală mpồl lơh sa kă bro tàm gùt càr”.

                  Sră nggal dan dong kờl bơh ngân hàng dê pơyua càr Dak Lak in nàng tă bơsong kal ke

Ồng Nguyễn Kim Cương, Phó kuang atbồ Ngân hàng dà lơgar Việt Nam sơne\ lơh broă tàm càr Dak Lak pà git, tơnơ\ tu\ Ngân hàng dà lơgar geh Thông tư sồ 1, sơne\ ngân hàng do neh jơh nùs lam lơh tus jơh ală ngân hàng tàm càr. Broă lam lơh dong kờl geh lơh ring bal tàm jơh 3 bơta là tơn jo\ tơngai tơm dồs, ờ sa halà tơrmù pria\ cồng mờ ai càn pa bal mờ broă dong kờl pria\ cồng.

Jat khà kờp tus lồi nhai 3, kờp jơh pria\ dồs bơh cau càn gơtìp aniai tài bơh kòp Covid-19 tàm càr là rlau 3 rbô 100 tơmàn đông. Tàm hơ\, mìng is ală mpồl lơh sa kă bro gơtìp gơ rềng là pơgap 2 rbô 100 tơmàn đông, tơr gùm ua\ ngan tàm ală gah lơh sa suơn sre brê bơ nơm, ù tiah, hìu đam, tac phan rah rài, hìu ơm rlô, `ô sa, pơndiang phan. Khà do ờ hềt đơs bơta geh ngan khà pria\ dồs bơh cau càn là mpồl lơh sa kă bro kong gơ rềng tàm càr dê. Tàm tu\ hơ\, kòp geh đơs lài là gam gơlik geh kal ke mờ jo\ jòng, Ngân hàng dà lơgar Việt Nam sơne\ càr Dak Lak geh pơn jat tai đơng lam ală ngân hàng kă bro jơh nùs lam lơh broă dong kờl cau càn pria\ in, ờ mìng di tu\, mờ gam pal di cau tai, pleh bơta sơ mờm broă dong kờl:

“Bơdìh mờ broă lam lơh broă dong kờl, broă pơlam lơh jat kung geh lơh niam den Ngân hàng dà lơgar Việt Nam sơne\ càr Dak Lak kung geh lơh jat broă rơndap lơh sền sơ wì, sền gròi tus ală ngân hàng. Nàng ờ mìng lơh jat jơnau kờ` dong kờl làng bol, mpồl lơh sa kă bro, mơya kung pleh bơta cau lơh broă do nàng sơ mờm bơta kuơ”.

Dùl broă lơh niam, geh jơh bal mpồl lơh sa kă bro mờ ngân hàng kờ`, mơya broă lam lơh den gơtìp kòl yan tu\ ờ hềt geh bơta ring bal mờ kấp gơ noar atbồ hơ đơm. Den tàng, nàng broă dong kờl gơtùi lam lơh ua\, dong mpồl lơh sa kă bro tàm [òn lơgar sơr lèt gan kal ke, kờ` ngan geh bơta lơh bal bơh gơ noar atbồ ală kấp dê.

Cau mblàng K’Duẩn