VOV4.K’ho - Tus tŭ do, gah tă dia càr Dăk Lăk mìng rơ̆p dờp geh 500 pang sră tàm khà git nđờ jơ̆t rơbô hìu kă bro tàm càr do geh dờp broă dong kờl jăt Nghị quyết sồ 68 bơh Chính phủ.

Jăt Nghị quyết sồ 68 bơh Chính phủ bè ờ uă broă dong kờl cau lơh broă mờ cau ngui cau lơh broă gơtìp kal ke tài kòp Covid-19, kes priă dà lơgar geh dong kờl dùl dơ̆ 3 tơlăk đong gơwèt mờ hìu kă bro pal ơm lơh broă sùm bơh 15 ngai rơlao hờ đang kờp bơh nhai 5 nam 2021 jăt jơnau sồr bơh anih lơh broă dà lơgar nàng rơcang sơndră mờ kòp gơtờp. Jăt mờ kơrnoăt geh ai, nàng geh dong kờl, hìu kă bro pal geh sră ai dan kă bro, geh cih măt dan tă dia, geh sră dan dong kờl mờ geh mpồl duh broă sền nàng git cấp xã dờp, tơnơ̆ mờ hơ̆ pơyoa sră tus anih lơh broă tă dia in sền. Bal mờ kòp gơtờp gơtìp kal ke, den sră nggal geh uă bơta là dùl tàm ală tơngu me lơh càr Dăk Lăk lơyài tàm broă lơh jăt broă dong kờl do.

Cau mblàng Ndong Brawl