Broa\ bơsong bơta dong kờl tus mờ cau geh màng mờ dà lơgar gam gơtìp ua\ ngan kal ke, kòl yan. Do la jơnau  dờp git geh ai tơlik tàm dơ\ pơrjum tàm poh lài bơh anih duh broa\ ala\ bơta mpồl bơtìan bơh Gơnoar ala mat dà lơgar dê bè cồng nha lơh jat kơrnuat sồ 494 mờ 2 adat boh lam bơh anih duh broa\ sùm Gơnoar ala mat dà lơgar dê bè bơta dong kờl tus mờ cau geh màng mờ dà lơgar.

Jăt jơnau yal bơh Gah lơh broăcau ling sồt să mờ mpồl bơtiàn dà lơgar yal, tus tu\ do, gùt lơgar neh dờp geh rơlao 8 tơlăk 800 rơbô nă cau geh màng mờ dà lơgar, geh di pơgăp mờr 10% khà kờp làng bol, tàm hơ\ geh di pơgăp 1 tơlăk 400 rơbô nă cau geh màng mờ cau pròc mhàm cau geh màng mờ dà lơgar geh dờp broă dong kờl bơh dà lơgar. Bu\ lah bè hơ\, geh di pơgăp 4% khà cau geh màng mờ dà lơgar bal mờ hìu nhă gam kal ke tàm rài kis. Broă lơh jăt broă dong kờl tus mờ cau geh màng mờ dà lơgar gam tìp uă kal ke tàm broă jòi kờ` g^t [ồc ntìng cau ling chơ\t màng tài ờ tơl jơnau tơng^t; broă bơsong ală broă dong kờl tus mờ cau geh màng gơtìp roh sră tòm. Bơdìh hơ\ tai, tài ờ hềt sră nggal bơto sồr di tu\ mờ broă lơh, khà geh ai mờ broă lơh sră nggal tus mờ broă dờp cau mè Việt Nam khin cha jăk chài, den tàng uă tiah tìp kal ke tu\ bơsong broă ờ uă cau bè: cau mè geh 1 nă kòn là cau ling chơ\t màng mờ là pơ-ùr cau ling chơ\t màng neh bao mờ cau ndai, mè deh mờ mè ròng geh bal 1 nă kòn là cau ling chơ\t màng…broă bơsong broă dong kờl tus mờ cau lơh broă tàm rài tam lơh gơtìp sơnơm khih dioxin lơh aniai gam kal ke tàm broă kờ` g^t cau gơtìp sơnơm khih dioxin mờ broă tam gơl khà dong kờl jăt kơrnoăt pa. Mò Phạm Thị Hải Chuyền kuang atbồ Gah lơh broă cau ling sồt să mờ mpồl bơtiàn dà lơgar pà g^t: “Kal ke bè broă lơh do là broă dong kờl ală cau gơtìp sơnơm khih tàm rài tam lơh, lơh aniai. Tàm kơrnoăt geh ai 17 kòp, ờ niam să, koe\t jơng tê mờ tus mờ cau gơtìp ờ niam, do là broă kal ke. Lài do, mìng geh tơl^k ală cau gơtìp sơnơm khih tàm rài tam lơh, lơh aniai geh 2 bơta tàm tơngu me să jan gơtìp mùl màl. Mơya tu\ do geh đơs là pal gơtìp tàm 17 kòp do, mờ broă lơh kung ờ di là buơn. Geh broă gơl^k geh là ală cau ling sồt să, cau ling gơtìp kòp tê jê să den geh 4 bơta, den ờ gơtùi lời ală cau do geh 2 bơta. Bè hơ\, geh broă ai wơl priă lah ờ den bol a` dan mờ Gơnoar atbồ lơgar là ờ ai wơl priă ală cau neh bơsong, hơ\ sồng gam bè broă tam cah is den bơta lơi geh dờp bơta hơ\”.

Mò Trương Thị Mai kuang atbồ anih duh broă ală bơta mpồl bơtiàn Gơnoar ala măt dà lơgar đơs tòm: cau geh màng mờ dà lơgar neh tìp broă dong kờl mờ chờ hờp, pin dờn tàm broă dong kờl bơh Đảng mờ Dà lơgar. Broă ai kes priă tơm neh di pal. Bu\ lah bè hơ\, tàm tơngai tus, pal sền wơl sră nggal adăt boh lam, mờ kuơ màng ngan là sền wơl broă lơh sră nggal. Dơ\ sền wơl jơh broă dong kờl tus mờ cau geh màng mờ dà lơgar pa do là dơ\ kờ` lơh niam wơl broă dong kờl di pal mờ mùl màl. Mờ anih lơh broă geh gơnoar pal chồl pràn broă bơsong broă lơh ală cau geh màng in gam gơlời tài roh sră nggal tòm jăt jơnau yal sồ 28 bơh Gah lơh broă-cau ling sồt să mờ mpồl bơtiàn dà lơgar bal mờ Gah sền gàr dà lơgar bơto sồr dờp cau ling chơ\t màng, cau ling sồt să, cau geh dờp broă dong kờl bè cau ling sồt să tàm rài tam lơh ờ geh sră nggal. Mò Trương Thị Mai đơs: “Bè sră nggal gam gơlời den pal dờp tus tu\ do geh jơnau yal sồ 28 den neh geh 508 pang sră lài ngan mờ geh ai di pơgăp 8 rơbô pang sră là geh tơl niam. Mơya tàm khà 50 rơbô pang sră gam gơlời den kung gam pal pơn jăt tai lơh. Tu\ do, geh cau ờ geh sră nggal lơi tai. Den jơnau yal sồ 28 gam pal sồr cau pal geh măt tàm mpồl ha là geh bồc tàm blàng tơ\p bồc. Mùl màl mìng geh bơsong 1 bơnah, gam tai den dan tơn jơh ing kờ` sền wơl mờ lơh niam wơl kờ` bơsong ală cau ờ gam geh sră mơya geh cau lơh broă bal mờ jàu gơnoar atbồ tàm tiah hơ\ geh kơnòl lơh broă hơ\ di lah ờ”.

Ală kuang bàng đơs la, tàm tơngai tus, Gah lơh broă-cau ling sồt să mờ mpồl bơtiàn dà lơgar pal pơgồp bal mờ ală Gah, mpồl lơh broă geh gơnoar lơh gơs sră nggal adăt boh lam bè broă dong kờl cau geh màng mờ dà lơgar; tơl^k ală sră nggal bơto sồr ală tơngu me krơi is bơh rơndăp broă kờ` g^t ntìng bồc cau ling chơ\t màng gam ờ geh jơnau yal. Mờ chồl pràn broă lam sồr adăt boh lam, broă dong kờl tus mờ cau geh màng mờ dà lơgar; tơnguh, tơl niam mpồl kuang bàng lơh broă dong kờl, tơl niam, di pal mờ broă kờ` geh tàm broă lơh tus mờ cau geh màng mờ dà lơgar in.

                                                                         Cau mblàng Ndong Brawl