VOV4.K’ho - Drà Chi Lăng, tàm [òn dờng Pleiku, càr Gia Lai neh lơh gơs rơlao 2 nam do mơya kung gam tàm bơta wah rơwời tài ờ geh cau tăc bal mờ cau tus blơi phan. Cau tăc phan tàm do bu\ lah neh dan mu\t tăc tàm drà, mơya kung gam kờ` nggui tăc jăt gah gùng 14 sơl, lơh gơbàn ờ niam ngan tus mờ muh măt [òn lơgar bal mờ bơta di gơlan gơbàn rềs àr tàm gùng lòt geh uă.

Pơgăp mờ do 3 nam, lơh jăt broă lơh drà bơh UBND [òn dờng Pleiku dê, mơya tài ờ geh ù, den tàng UBND sơnah [òn Chi Lăng hòi jà mpồl bơtiàn lơh bal tàm broă lơh drà.

Tơnơ\ mờ tu\ sền ù mờ ai geh uă broă dong kờl kờ` tam gơl broă ngui ù, crơng gơs anih lơh sa kă bro cau 1 nă să lơh is…

                               Cau tăc phan bơh drà Chi Lăng ờ bài tăc tàm drà mờ l^k hờ bơdìh gùng tăc phan

UBND sơnah [òn Chi Lăng neh lam sồr hìu nhă ồng Hoàng Văn Trường, 1 nă làng bol kis tàm sơnah [òn do ai is ù kờ` lơh drà. Bu\ lah ù hìu nhă ồng Trường ngài tàm dơlam sơnah [òn, hìu làng bol kis ờ uă, ờ gal cau lòt rê, ngài mờ gùng 14 di pơgăp 200 thơ\k.

Bơh bă ù lơh sa suơn sre, ơnàng 1 lồ 3 sào, ồng Trường neh tă mờr 6 tơmàn priă kờ` lơh ală broă bè lơh bơnàng, lơh anih tơl^k dà, blơi phan sơndră mờ crùh ồs sa, lơh 22 nơm hìu tăc mờ rơlao 100 anih tăc phan bal mờ broă lơh hìu tăc phan niam bơne\ ngan.

Chờ hờp tài mìng geh drà tòm, ờ pal nggui hờ bơdìh jăt gah gùng gơbàn trồ tiah tơngai duh ha là mìu nhàc bè lài tai, g^t nđờ rơhiang nă cau tăc phan neh dan mơ bơh tu\ drà rơ\p mu\t lơh.

Mơya bơh tu\ drà neh lơh gơs tàm nhai 9 nam 2015 tus tu\ do, ni sơna ờ geh 1 nă cau lơi tàm khà g^t nđờ rơhiang nă cau tăc phan do mu\t tàm drà kờ` tăc phan. Ồng Hoàng Văn Trường, cau tòm drà đơs là, tài gùt dar geh uă ir drà dềt, drà ing:

-Lài ngan drà pa, dơ\ 2 là broă ai lơh drà tàm gùng den sơnah [òn ờ hềt lơh jăt di pal. Geh uă ngan cau tăc phan kờ` tăc phan tàm drà do, mơya tàm gùng gam geh uă ngan drà, ală sơne\ 3 gùng, tiah lơi kung geh drà drim, drà mho. Bè hơ\ bè rơgơi bol a` khin bơcri priă lơh tàm drà do.

Ờ di mờ broă wah rơwời tàm drà Chi Lăng, ngài mờ hơ\ di pơgăp 1 kơi sồ, jăt gah gùng 14, tàm 3 jơ mho, geh g^t nđờ 10 anih tăc phan gal ngan cau tus blơi mờ geh tơl ală bơta phan ngui sa.

                                               Drà Chi Lăng lơh gơs jơh 6 tơmàn priă mờ ờ geh cau tus tăc phan

Ală cau blơi phan khăt gơboh lời rơndeh tàm gùng lòt, lơh gơbàn hăt ngan tàm gùng lòt.

Là 1 tàm ală cau tăc phan sơnrờp ngan dan tăc phan tàm drà Chi Lăng, mơya lo\ Nguyễn Thị Thơm gam pal ơm mờ tơngai duh, mìu nhàc tềng gah gùng kờ` tăc phan.

Tài jăt mờ lo\ yal, tiah lơh drà pa ờ [uơn tàm broă kă bro. Jăt lo\ Thơm đơs, drà geh lơh làng bol 3 xã in, mơya lơh tàm dơlam ù tiah sơnah [òn Chi Lăng, làng bol 2 xã gam tai pal lòt ngài, lòt sơdar tài gùng 14 geh ală gơl gùng lòt rơlao 1 kơi sồ hơ\ sồng tus tàm tiah kờ` tơrwơl rơndeh.

Rơlao mờ hơ\ tai, drà geh lơh tàm gùng dềt ờ ơnàng, ờ geh gal hìu làng bol ơm kis, mờ làng bol tàm xã kung ờ hoan lòt gan. Mờ cau tăc phan bè lo\ Thơm, mìng kờ` geh tăc phan là di, gùng lòt bè lơi, lo\ ờ kơlôi tus:

-Neh mu\t tàm drà sơl, tus nggùl nhai ờ geh cau mu\t blơi, tăc jơh [ùi mho mìng geh 10, 20 rơbô priă mơ. Đơs ngan là drà hơ\ lơh ờ di gùng lòt, ngài mờ gùng lòt ir, mờ jrô tàm dơlam den tàng ờ geh cau mu\t.

Tàm do den ờ gơbàn bơta lơi, tài gùng dờng ơnàng, tiah jăt gah gùng ơnàng den tàng ờ geh bơta lơi. Tàm do ờ hềt gơbàn rềs àr tàm gùng lòt ờ.

Tài tiah lơh drà ờ [uơn, den tàng neh 2 nam do, bu\ lah ồng Hoàng Văn Trường, cau tòm tă priă lơh drà Chi Lăng neh ai tơl^k broă dong kờl 1 nam tăc phan ờ tă priă, mơya cau tăc phan kung ờ gơboh kờ` sơl.

Drà Chi Lăng gơbàn sơbì gời ờ di là broă krơi is. Tài lài do, tàm càr Gia Lai gam geh uă drà ndai bè drà Hoa Lư, drà Cư\ Á… gơbàn ntrờn bơh tiah geh [uơn tàm broă kă bro mu\t tàm dơlam pòt gùng dềt mờ gơtìp mờ broă ờ sền gròi nền nòn, geh tu\ dră wơl bơh cau tăc phan dê.

Tus tàm tu\ mu\t kă bro, ală drà do kung ờ gal cau tăc phan bè lài sơl. Tài drà do geh lơh tàm tiah mờ cau tăc bal mờ cau blơi gơlơh [uơn, rơhời geh gal cau tus mờ gơs drà tơn.

Mơya ală drà geh lơh bơh broă ai rơndăp broă lơh mờ ờ kơlôi sơnơng nền nòn lài, den tàng lơh gơbàn hoàc huơr, mờ lơh kal ke tus mờ broă tơnguh bơtàu [òn lơgar dê tai.

Cau cih mờ yal tơng^t Ndong Brawl