*Dà lơgar lơh sră ngui ù, gơnoar ngui hìu ơm mờ phan bơna ndai gơ jat mờ ù tàm ală tu\ lơi?

Jat jơnau cih tàm bơta 99, adat ù tiah nam 2013, den dà lơgar lơh sră ngui ù, gơôar ngui hìu ơm mờ phan bơna ndai gơ jat mờ ù tàm ală tu\ tơ nơ\ do:

Cau gam ngui ù geh tơl bơna nàng geh lơh sră ngui ù, gơnoar ngui hìu ơm mờ phan bơna ndai gơ jat mờ ù geh cih tàm ală bơta 100, 101, 102 bơh adat ù tiah nam 2013;

Cau geh dà lơgar jàu ù, ai ơpah ù bơh tơ nơ\ ngai adat ù tiah nam 2013 geh ai ngui ngan ngồn, hơ\ là ngai 1/7/2014.

Cau geh tam gơl, dờp gơnoar jàu, geh dờp wơl, geh pà ai gơnoar ngui ù, dờp tă pơ gồp priă bơcri mờ gơnoar ngui ù, cau dờp gơnoar ngui ù tu\ bơ song sră pơr gon càn priă mờ gơnoar ngui ù nàng toh wơl dồs;

Cau geh ngui ù jat cồng nha tơr`a gơ rờm bal gơtùi tus mờ tam pìt ù tiah, jat kơrnuat lơh glài anih cah rơ`a halà kơrniat bơh anih cah rơ`a dê, kơrnuat mut ngui kơrnuat lơh glài halà kơrnuat bơ song tam pìt, jơnau yal yă yal khài bè ù tiah bơh anih lơh broă dà lơgar geh gơnoar neh geh ai ngui;

Cau jai tàm do\ cok khà gơnoar ngui ù;

Cau ngui ù tàm tiah lơh sa mờ mai\ mok, tiah lơh gơlik phan, tiah lơh sa mờ công nghệ pa, tiah lơh sa;

Cau blơi hìu ơm, phan bơna ndai gơ jat mờ ù;

Cau geh dà lơgar blơi, tam gơl gơs khà priă hìu ơm gơ jat mờ ù ơm, cau blơi hìu ơm di gơnoar atbồ dà lơgar dê;

Cau ngui ù tam cah, pơ gồp bal, mpồl cau ngui ù hala ală cau tàm hìu nhă, 2 nă ùr bơklau, mpồl ngui ù tam cah, tơr gùm bal gơnoar ngui ù gam geh tu\ do;

Cau ngui ù sồr tam gơl halà lơh wơl sră cơng tàng gơtìp roh.

*Broă lơh sră ngui ù, gơnoar ngui hìu ơm mờ phan bơna ndai gơ jat mờ ù tus mờ hìu nhă, cau 1 nă să gam ngui ù mờ ờ geh sră pơ àr bè gơnoar ngui ù den geh mut lơh bè lơi?

Jat jơnau cih tàm bơta 101 adat ù tiah nam 2013 den broă lơh sră ngui ù, gơnoar ngui hìu ơm mờ phan bơna ndai gơ jat mờ ù tus mờ hìu nhă, cau 1 nă să gam ngui ù mờ ờ geh sră pơ àr bè gơnoar ngui ù den geh mut lơh bè tơ nơ\ do:

Hìu nhă, cau 1 nă să gam ngui ù lài mờ ngai adat ù tiah nam 2013 geh ai ngui ngan ngồn là ngai 1/7/2014 mờ ờ geh ală bơta sră pơ àr geh cih tàm bơta 100 bơh adat ù tiah nam 2013 dê, geh sră cih mat ơm kis sùm tàm bòn lơgar mờ lơh broă sa suơn sre, brê bơ nơm, ròng tam phan tàm dà, lơh boh tơn tàm tiah geh bơta lơh sa mpồl bơtiàn kal ke, tiah geh bơta lơh sa mpồl bơtiàn uă kal ke, tu\ do geh anih duh broă làng bol ntum tiah geh ù dờp là cau neh ngui ù kơ\ kơljap, ờ geh tam pìt den geh lơh broă ngui ù, gơnuar ngui hìu ơm mờ phan bơna ndai gơ jat mờ ù, mờ ờ duh pal tong priă ngui ù.

Hìu nhă cau 1 nă să ờ geh ală bơta sră pơ àr geh cih tàm bơta 100 bơh adat ù tiah nam 2013 dê, mơya ù neh geh ngui lài mờ ngai 1/7/2014 mờ ờ lơh tìs adat boh lam bè ù tiah, tu\ do geh anih duh broă làng bol ntum dờp là ù ờ geh tam pìt, di mờ rơndap broă ngui ù, rơndap broă lơh mùl màl bơt bơtàu tiah drà, rơndap ù tiah bơt bơtàu bòn làng bol ơm kis neh geh anih lơh broă dà lơgar geh gơnoar ki\ tus mờ tiah neh geh rơndap lài, den geh lơh sră ngui ù, gơnoar ngui hìu ơm mờ phan bơna ndai gơ jat mờ ù.

                                                                        Cau mblàng K’ Duẩn.