Pơnjat tai tơnggu me jơnau cih Adat ù tiah nam 2013, geh ai ngui ngan ngồn tàm nhai 1 nhai 7 nam 2014, jơnau ngai do,  geh yal bè ala\  jơnau geh cih bơta pal geh nàng geh tơm wơl ù tu\ dà lơgar toh wơl ù nàng bơtàu tơngguh lơh sa, mpồl bơtìan tài bơta kuơ bơh dà lơgar dê.

Jat jơnau cih tàm bơta 75 adat ù tiah nam 2013 den bơta pal geh nàng geh tơm wơl priă bè ù tu\ dà lơgar toh wơl ù tài jơnau kờ` sền gàr dà lơgar, sền gàr ngap lơngai, bơtàu tơnguh lơh sa mpồl bơtiàn tài bơta kuơ dà lơgar, mpồl bơtiàn geh cih bè tơ nơ\ do:

Hìu nhă, cau 1 nă să gam ngui ù ờ di là ù ơpah tơm priă ơpah ù pah nam, geh sră ngui ù, sră cơng tàng gơnoar ngui hìu ơm mờ gơnoar ngui ù ơm, sră ngui ù, gơnoar ngui hìu ơm mờ phan bơna ndai gơ jat bal mờ ù, tơ nơ\ do hòi bal là sră cơng tàng, hala geh tơl bơta nàng geh lơh sră ngui ù, gơnoar ngui hìu ơm mờ phan bơna ndai gơ jat mờ ù jat jơnau cih bơh adat ù tiah nam 2013 mờ ờ hềt geh lơh, ờ kờp tàm bơta geh cih sèng 2, bơta 77 adat ù tiah nam 2013; cau Việt Nam ơm kis tàm lơgar ndai di cau geh ngui hìu ơm gơ jat bal mờ gơnoar ngui ù tàm lơgar Việt Nam mờ geh sră cơng tàng halà geh tơl bơta geh lơh sră ngui ù, sră ngui hìu ơm mờ phan bơna ndai gơ jat mờ ù jat jơnau cih bơh adat ù tiah nam 2013 mờ ờ hềt geh lơh.

Bòn làng bol ơm kis, hìu jum, hìu yàng gam ngui ù mờ ờ di là ù bơh dà lơgar jàu, ai ơpah mờ geh sră cơng tàng, hala geh tơl bơta nàng geh lơh sră ngui ù, gơnoar ngui hìu ơm mờ phan bơna ndai gơ jat mờ ù jat jơnau cih adat ù tiah nam 2013 mờ ờ hềt geh lơh.

Cau Việt Nam ơm kis tàm lơgar ndai geh dà lơgar jàu ù geh ai priă ngui ù, ai ơpah ù tơm priă ơpah ù 1 dơ\ tus jơh tơngai ơpah, dờp tam gơl gơnoar ngui ù tàm tiah lơh sa mờ mai\ mok, mpồl lơh sa mờ mai\ mok, tiah lơh gơlik phan, tiah lơh broă mờ công nghệ pa, tiah lơh sa, geh sră cơng tàng hala geh tơl bơta nàng geh lơh sră ngui ù, gơnoar ngui hìu ơm mờ phan bơna ndai gơ jat bal mờ ù jat jơnau cih bơh adat ù tiah nam 2013 mờ ờ hềt geh lơh sră.

Mpồl lơh broă geh dà lơgar jàu ù geh ai priă ngui ù, ai ơpah ù tơm priă ơpah ù 1 dơ\ tus mờ jơh tơngai ơpah, dờp wơl gơnoar ngui ù, dờp tam gơl gơnoar ngui ù mờ priă ngui ù neh tong, priă dờp tam gơl gơnoar neh tong ờ di bơh kes priă dà lơgar, geh sră cơng tàng hala geh tơl bơta geh lơh sră ngui ù, gơnoar ngui hìu ơm mờ phan bơna ndai gơ jat mờ ù jat jơnau cih bơh adat ù tiah nam 2013 mờ ờ hềt geh lơh sră.

Mpồl lơh broă lơgar ndai geh gơnoar cri bơyai mờ lơgar ndai geh dà lơgar ai ơpah ù tơm priă ơpah ù 1 dơ\ tus mờ jơh tơngai ơpah mờ geh sră cơng tàng halà geh tơl bơta pal geh nàng lơh sră ngui ù, gơnoar ngui hìu ơm mờ phan bơna ndai gơ jat mờ ù jat jơnau cih bơh adat ù tiah nam 2013 mờ ờ hềt geh lơh sră.

Mpồl lơh sa, cau Việt Nam ơm kis tàm lơgar ndai, mpồl lơh sa kă bro geh priă bơcri bơh lơgar ndai geh dà lơgar jàu ù geh ai priă ngui ù, nàng mut lơh rơndap broă bơcri lơh hìu ơm nàng tac, hala ki\ jơnau pơr gon ai ơpah, ai ơpah ù tơm priă ơpah ù 1 dơ\ tus mờ jơh tơngai ơpah, geh sră cơng tàng halà geh tơl bơta lơh sră ngui ù, gơnoar ngui hìu ơm mờ phan bơna ndai gơ jat mờ ù, jat jơnau cih bơh adat ù tiah nam 2013 mờ ờ hềt geh lơh sră.

Dà lơgar toh wơl ù ờ tơm priă bè ù tàm ală tu\ lơi?

Jat jơnau cih tàm bơta 82 adat ù tiah nam 2013 den Dà lơgar toh wơl ù ờ tơm priă bè ù tàm ală tu\ bè tơ nơ\ do:

Ù geh dà lơgar jàu ờ ai priă ngui ù, ờ kờp ù lơh sa suơn sre geh dà lơgar jàu hìu nhă, cau 1 nă să in geh cih tàm sèng 1 bơta 54 adat ù tiah nam 2013;

Ù geh dà lơgar jàu mpồl bal in, di mpồl geh ai priă ngui ù mơya ờ sa priă ngui ù;

Ù geh dà lơgar ai ơpah tơm priă ơpah ù pah nam, ù ơpah tơm priă ơpah ù 1 dơ\ tus mờ jơh tơngai ơpah mơya geh ờ sa priă ơpah ù, ờ kờp hìu nhă, cau 1 nă să ngui ù ơpah bơh mut lơh broă dong kờl tus mờ cau geh màng mờ dà lơgar;

Ù lơh sa suơn sre di khà ù bal ntum, sơnah bòn, bòn drà dê;

Ù dờp ơpah nàng lơh sa suơn sre brê bơnơm, ròng tam phan tàm dà, lơh boh;

Ù geh dà lơgar jàu nàng sền gàr;

Ală bơta toh wơl ù tài lơh tìs adat boh lam bè ù tiah tàm bơta 64 adat ù tiah nam 2013;

Ală bơta toh wơl ù tài tơn jơh broă ngui ù jat adat boh lam, kờ` is dờp wơl ù jat jơnau cih tàm ală bơnah a, b, c mờ d sèng 1 bơta 65 adat ù tiah nam 2013;

Ală bơta ờ geh toơ bơta nàng lơh sră ngui ù, gơnoar ngui hìu ơm mờ phan bơna ndai gơ jat mờ ù jat jơnau cih adat ù tiah nam 2013 dê, ờ kờp ală bơta geh cih tàm sèng 2, bơta 77 adat ù tiah nam 2013.

                                                                            Cau mblàng K’ Duẩn.