Pơnjat tai yal tơnggit bè tơnggu me jơnau cih tàm Adat ù tiah nam 2013, geh ai geh ngui ngan ngồn tàm ngai 01 nhai 07 nam 2014, tàm jơnau do, geh pơnjat tau yal ala\ geh cih bè ala\ bơnah ta\ pria\ jền tus mờ ù tiah.

* Broă ta\ priă bè ù tiah geh ală bơnah lơi?

Jat jơnau cih tàm bơta 107 adat ù tiah nam 2013 den ală bơnah ta\ priă jền bơh ù tiah là:

- Priă ngui ù tu\ geh dà lơgar jàu ù geh ta\ priă ngui ù, ai gơnoar tam gơl jơnau kờ` ngui ù, dờp gơnoar ngui ù mờ pal tong priă ngui ù;

- Priă ơpah ù tu\ dà lơgar ai ơpah;

- Priă ngui ù;

- Priă dia priă jền lơh geh bơh tam gơl gơnoar ngui ù;

- Priă ta\ bơh broă lơh glài lơh tìs adat boh lam bè ù tiah;

- Priă tơm wơl dà lơgar in tu\ lơh gơbàn hòac huơr tàm broă atbồ mờ ngui ù tiah;

- Priă tă tàm broă atbồ, ngui ù tiah;

* Bè hơ\, broă dờp git khà priă ù pal lơh jat ală kơrnuat lơi?

Jat jơnau cih tàm bơta 112 adat ù tiah nam 2013 den broă dờp git khà priă ù pal jat ală kơrnuat tơ nơ\ do:

- Jat jơnau kờ` ngui ù di mờ adat boh lam tàm tơngai tơlik khà priă;

- Jat tơngai ngui ù;

- Di mờ khà priă ù tàm drà kă bro bơh bơta ù geh bal jơnau kờ` ngui neh tam gơl gơnoar, khà priă di mờ cok khà gơnoar ngui ù tus mờ ală tiah geh cok khà priă gơnoar ngui ù hala priă lơh geh bơh broă ngui ù;

- Tàm 1 tơngai bal, ală bă ù rềp bal geh bal jơnau kờ` ngui, bơta pràn lơh geh cồng nha, priă jền bơh broă ngui ù ndrờm bal den geh khà priă ndrờm bal.

* Khà priă ù geh lơh bè lơi mờ geh ngui tàm ală tu\ lơi?

Jat jơnau cih tàm ală sèng 1, sèng 2, bơta 114 bơh adat ù tiah nam 2013 den jat bè kơrnuat, rơndap broă đal git khà priă ù, anih duh broă làng bol càr geh bơt bơtàu, yal mờ mpồl duh broă ala mat làng bol càr ringbal khà priă ù lài mờ tu\ tơlik. Khà priă ù geh lơh 5 nam 1 dơ\, mờ geh yal tam ngai 1 nhai 1 bơh nam bồ tơngai dê. Tàm tơngai mut lơh khà priă ù, tu\ gơnoar atbồ lơgar bơ song khà priă ù halà khà priă ù tàm drà kă bro geh tam gơl den anih duh broă làng bol càr bơ song khà priă ù gơ in dipal.

Khà priă ù geh ngui nàng lơh bơta kơ nờm tàm ală tu\ bè tơ nơ\ do:

- Kờp priă ngui ù tu\ dà lơgar dờp gơnoar ngui ù bơh tơl hìu nhă, cau 1 nă să tus mờ bă ù tàm khà geh ai, ai gơnoar tam gơl gơnoar ngui ù bơh ù lơh sa suơn sre, ù ờ di lơh sa suơn sre ờ di là ù ơm tam gơl gơs ù ơm tus mờ bă ù tàm khà geh ai jàu ù ơm ai hìu nhă, cau 1 nă să in;

- Kờp priă dia ngui ù;

- Kờp priă tă tàm broă atbồ, ngui ù tiah;

- Kờp priă lơh glài tàm gah ù tiah;

- Kờp priă tơm wơl dà lơgar in tu\ lơh gơbàn hoàc huơr tàm broă atbồ mờ ngui ù tiah;

- Kờp bơta kuơ gơnoar ngui ù nàng dờp cau jàu is ù dà lơgar in, tus mờ bơta ù dờp wơl dà lơgar in là ù dà lơgar jàu ù geh ai priă ngui ù, dờp gơnoar ngui ù geh ai priă ngui ù, ù ơpah tơm priă ơpah ù 1 dơ\ tus jơh tơngai ơpah.

                                                                                     Cau mblàng K’ Duẩn.