Gơnoar at bồ lơgar neh tơlik ngui kơrnuat sồ 47 nam 2014 bơh Gơnoar at bồ lơgar geh cih nền nòn bè broa\ pal tơm wơl, dong kờl, geh ai tus ơm kis pa tu\ dà lơgar ai wơl ù, tàm hơ\ geh cih broa\ tơm wơl ù tiah bè broa\ ai wơl ù bơh dà lơgar

Jăt hơ\, broă tơm wơl bè ù tu\ dà lơgar ai wơl ù ơm cih tàm Bơta 79 bơh Adăt ù tiah dê. Mùl màl, hìu bơnhă, cau dùl nă să gam ngui ù ơm, cau Việt Nam ơm kis tàm lơgar ndai gam ngui hìu ơm geh bal sră ngui ù tàm lơgar Việt Nam tu\ Dà lơgar ai wơl ù ơm mờ geh sră ngui ù hala tơl bơta nàng geh lơh sră ngui ù, gơnoar ngui hìu ơm, mờ jơtài phan bơna ndai geh tàm ù jăt jơnau cih bơh adăt boh lam dê bè ù tiah den broă tơm wơl bè ù geh mu\t lơh bè do: Dilah ai wơl jơh ù ơm halà bơnah bă ù ơm gam wơl tơnơ\ tu\ ai wơl ờ tơl bơta nàng ơm jăt jơnau cih bơh anih duh broă làng bol kơnă càr mờ hìu bơnhă, cau dùl nă să is ờ gam ù ơm, hìu ơm lơi ndai tàm ù tiah ntum, sơnah bòn, bòn drà, tiah geh ù ơm ai wơl, den geh tơm wơl mờ ù ơm halà hìu ơm ntrờn ơm kis pa; Dilah ai wơl jơh ù ơm hala bơnah bă ù gam wơl tơnơ\ tu\ ai wơl ờ tơl bơta nàng ơm jăt jơnau cih bơh Anih duh broă làng bol kơnă càr mờ hìu bơnhă, cau dùl nă să is gam ù ơm, hìu ơm ndai tàm ntum, sơnah bòn, bòn drà geh ù ơm ai wơl den geh tơm mờ priă.

Gơ wèt mờ bòn lơgar geh tơl bơta bè ù ơm den, geh sền sơ wì nàng tơm wơl mờ ù ơm; Dilah tàm hìu bơnhă geh uă rơnàng cau, uă ùr bơklau ơm kis bal tàm dùl bă ù ơm ai wơl, dilah tơl bơta nàng lik ơm is gơs tơl hìu krơi is, jăt jơnau cih bơh kơrnuat boh lam dê bè ơm kis hala geh uă hìu bơnhă geh bal gơnoar ngui dùl bă ù ơm ai wơl, den anih duh broă làng bol kơnă càr jăt tàm bă ù ơm, hìu ơm ntrờn ơm kis pa mờ bơta geh ngan tàm bòn lơgar lơh nền khà ù ơm, hìu ơm ntrờn ơm kis pa ai tơl hìu bơnhă in.

Hìu bơnhă, cau dùl nă să is, cau Việt Nam ơm kis tàm lơgar ndai gơ wèt ală cau pa yal, mờ ờ geh jơnau kờn tơm wơl mờ ù ơm halà mờ hìu ơm ntrờn ơm kis pa den geh dà lơgar tơm wơl mờ priă.

Gơ wèt mờ hìu bơnhă, cau dùl nă să is gam ngui ù, tu\ dà lơgar ai wơl ù geh hìu ơm gơ wèt cau pal ntrờn anih ơm mơya ờ tơl bơta geh tơm wơl bè ù ơm, dilah ờ geh anih ơm lơi ndai tàm ntum, sơnah bòn, bòn drà tiah geh ù ơm ai wơl den geh dà lơgar tăc, ai apah, ai apah blơi hìu ơm halà jàu ù ơm geh tă priă ngui ù. Khà priă tăc, ai ơpah, ai ơpah blơi hìu ơm; khà priă ù ơm kờp priă ngui ù tu\ Dà lơgar jàu ù bơh Anih duh broă làng bol kơnă càr ai.

Dilah tàm bă ù ơm ai wơl gam bă ù lơh broă sa ờ geh dờp là ù ơm, den hìu bơnhă, cau dùl nă să is geh ù ai wơl, geh tam gơl jơnau kờn ngui ù tus mờ bă ù hơ\, gơs ù ơm tàm khà ai ù ơm tàm tiah hơ\ dê, dilah hìu bơnhă, cau dùl nă să is geh jơnau kờn mờ broă tam gơl jơnau kờn ngui tus ù ơm dipal mờ rơndăp ù tiah, broă rơndăp lơh ngui ù neh geh anih lơh broă dà lơgar geh gơnoar ki\. Hìu bơnhă, cau dùl nă să is tu\ tam gơl jơnau kờn ngui ù pal mu\t lơh kơnòl broă priă jền jăt jơnau cih bơh adăt boh lam dê bè tă priă ngui ù; tă priă ơpah ù, ơpah măt ù.

Mpồl lơh sa, cau Việt Nam ơm kis tàm lơgar ndai, mpồl lơh sa kă bro geh priă bơcri lơgar ndai gam ngui ù nàng mu\t lơh rơndăp broă lơh hìu ơm tu\ dà lơgar ai wơl ù, dilah geh tơl bơta geh tơm wơl jăt jơnau cih tàm bơta 75 bơh Adăt ù tiah dê, den broă tơm wơl mu\t lơh jăt jơnau cih tơnơ\ do: Dilah ai wơl dùl bơnah bă ù bơh rơndăp broă lơh dê mờ bơnah gam wơl kung gam tơl bơta nàng pơn jăt tai mu\t lơh rơndăp broă, den geh tơm wơl mờ priă tus mờ bơnah bă ù ai wơl; Dilah ai wơl jơh bă ù halà ai wơl dùl bơnah bă ù bơh rơndăp broă lơh mờ bơnah gam wơl ờ tơl bơta nàng pơn jăt tai mu\t lơh rơndăp broă den geh tơm wơl mờ ù nàng mu\t lơh rơndăp broă halà tơm wơl mờ priă; gơ wèt mờ rơndăp broă lơh neh ai lơh sa kă bro tu\ Dà lơgar ai wơl ù den geh tơm wơl mờ priă. Kơrnuat kung cih dong kờl kơ\ kơl jăp rài kis ai cau tu\ dà lơgar ai wơl ù. Mùl màl, ai wơl bơh 30-70% bă ù lơh broă sa gam ngui den geh dong kờl tàm tơngai 6 nhai dilah ờ pal ntrờ` anih ơm mờ tàm tơngai 12 nhai dilah pal ntrờn anih ơm; dilah pal ntrờn tus ală tiah geh rài kis lơh sa mpồl bơtiàn kal ke, hala geh rài kis lơh sa mpồl bơtiàn uă kal ke den tu\ tơngai dong kờl uă ngan là 36 nhai. Bă ù ai wơl pa yal, geh git jăt tơl kơrnuat ai wơl ù bơh anih duh broă làng bol kơnă geh gơnoar dê.

Khà dong kờl ai dùl nă cau tàm hìu bơnhă pa yal in, geh kờp mờ priă ndrờm mờ 30 ki\ phe tàm dùl nhai jăt khà priă kờp bal tàm tơngai dong kờl bơh tiah hơ\ dê.

Bal mờ hơ\ tai, kơrnuat kung cih dong kờl, bơto bơtê, tam gơl broă lơh mờ jòi broă lơh tus mờ cau dà lơgar ai wơl ù lơh broă sa bơh hìu bơnhă, cau dùl nă să is dê ngui lơh sa sươn sre tơn; dong kờl bơto bơtê, tam gơl broă lơh mờ jòi broă lơh tus mờ cau dà lơgar ai wơl ù ơm pơgồp bal lơh sa kă bro, broă lơh ala bơh hìu bơnhă, cau dùl nă să is mờ pal ntrờn anih ơm, dong kờl ntrờn ơm kis pa tus mờ cau ai wơl ù ơm bơh hìu bơnhă, cau dùl nă să is, cau Việt Nam ơm kis tàm lơgar ndai mờ pal ntrờn anih ơm. Kơrnuat do geh ai ngui kờp bơh ngai 1 nhai 7 nam 2014 do.

                                                 Cau mblàng Lơ Mu K’ Yến.