Pa do, Gơnoar at bồ lơgar neh tơlik ngui kơrnuat sồ 27 nam 2014 bơh Gơnoar at bồ lơgar  ngai 7/4/2014 geh cih nền nòn mut ngui ờ u\a bơta bơh Adat lơh broa\ bè cau lơh broa\ là cau dong broa\ tàm hìu nha\.

Pa do, Gơnoar atbồ lơgar neh geh kơrnuat sồ 27 ngai 7 nhai 4, nam 2014, cih nền cê mu\t lơh jăt ờ uă bơta bơh adăt lơh broă bè lơh broă là cau dong broă hìu.

Kờp bơh ngai 25 nhai 5 nam 2014, apah cau dong broă hìu pal k^ sră pơrgon lơh broă. Cau k^ sră pơrgon lơh broă đah cau ngui lơh broă là cau gơ wèt dùl tàm ală cau tơnơ\ do: bè cau tờm hìu; cau geh cau tờm hìu halà ală cau tờm hìu jàu kơnòl di pal mờ kơrnuat boh lam halà cau geh ală cau tàm hìu bơnhă halà ală hìu bơnhă jàu kơnòl dipal mờ kơr nuăt boh lam. Cau k^ sră pơrgon lơh broă đah cau lơh broă pal tơl 18 sơnam rlau hơđăng halà tơl 15 sơnam tus hơđơm 18 sơnam mờ geh sră nggal hơ ai bơh cau ala măt jăt kơr nuăt boh lam bơh cau lơh broă dê.

Khà priă nhai bơh 2 đah ring bal mờ cih tàm sră pơrgon lơh broă. Khà priă nhai, tàm hơ\ geh bal priă sàu sa, ơm kis bơh cau lơh broă kis ơm kis tàm hìu bơnhă cau ngui lơh broă dilah geh, ờ go\ di lơyah rlau mờ khà priă nhaờ uă ngan pal geh tiah bơh Gơnoar atbồ lơgar dê ai. Cau ngui lơh broă mờ cau lơh broă ring bal khà priă sàu sa, ơm kis pah nhai bơh cau lơh broă dê dilah geh, mơya ờ uă rlau 50% khà priă nhai ntàm sră pơrgon lơh broa\.

Broă tơm priă nhai, tơngai pơrgon tơm priă nhai bơh 2 đah ring bal. Dilah tơm priă nhai bơh tàm kes priă anih priă jền den cau ngui lơh broă geh kơnòl dong kờl nàng cau lơh broă lơh kes priă tàm anih priă jền. Ală priă tă gơ rềng tus lơh mờ gàr kes priă bơh 2 đah ring bal. Cau ngui lơh broă ờ geh tă priă tơm priă nhai tàm kes priă bơh cau lơh broă dê.

Dilah cau ngui lơh broă sồr cau lơh broă lơh broă bơdìh tu\ tơngai cih tàm sră pơrgon lơh broă, lơh broă tàm ngai ơm rlô, ngai chờ, ngai sa tềp geh sa priă nhai den cau ngui lơh broă pal tơm priă nhai lơh broă tơnguh tu\ tơngai tai jăt jơnau cih tàm Bơta 97 bơh adăt lơh broă dê.

Tu\ jơ lơh broă, tu\ jiơ ơm rlô bơh 2 đah ring bal mơya cau lơh broă pal geh ơm rơlô ờ uă ngan là bơh 8 jơ, tàm hơ\ geh 6 jơ ơm rlô sùm tàm 24 jơ sùm. Tu\ jơ lơh broă tus mờ cau lơh broă ờ hềt dờng bơh tơl 15 sơnam tus hơđơm 18 sơnam jăt jơnau cih tàm sèng 2 Bơta 163 bơh Adăt lơh broă dê.

Cau ngui lơh broă mìng tă ai priă nhai bơh cau lơh broă dê nàng tơm hòac hươr tài bơh lơh ờ niam phan ngui lơh broă, măi mo\k, halà lơh roh phan bơna jơtài bơh cau ngui lơh broă dê jăt tơngu me bơh sră pơrgon lơh broă dê. Khà tă ai priă nhai pah nhai bơh 2 đah ring bal mơya ờ uă rlau 30% khà priă nhai pah nhai tus mờ cau lơh broă ờ ơm tàm hìu nhă cau ngui lơh broă dê; ờ uă rlau 60% khà priă nhai gam wơl tơnơ\ tu\ tă ai priă sàu sa, ơm kis pah nhai bơh cau lơh broă dê di lah geh tus mờ cau lơh broă ơm tàm hìu bơnhă cau ngui lơh broă dê.

Cau ngui lơh broă geh kơnòl tă tơm tai dùl tu\ bal mờ ngai tơm priă nhai bơh cau lơh broă dê dùl bơnah priă ndrờm bal mờ khà priă tă blơi sră sền gàr mpồl bơtiàn pal lơh, sră kham sơm kòp ờ sa priă gơ wèt kơnòl bơh cau ngui lơh broă dê jăt jơnau cih bơh kơrnuat boh lam bè sền gàr mpồl bơtiàn, kham sơm kòp ờ sa priă nàng cau lơh broă blơi is sră sền gàr mpồl bơtiàn mờ kham sơm kòp ờ sa priă.

                                                            Cau mblàng Lơ Mu K’ Yến.